| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. уж̇ж̇аяасуд̇д̇ам̣
9. Ujjayasuttaṃ
39. ат̇а ко уж̇ж̇аяо б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко уж̇ж̇аяо б̣раахман̣о бхаг̇аванд̇ам̣ зд̇ад̣̇авожа – ‘‘бхавамби но г̇од̇амо яан̃н̃ам̣ ван̣н̣зд̇ий’’д̇и ? ‘‘на ко ахам̣, б̣раахман̣а, саб̣б̣ам̣ яан̃н̃ам̣ ван̣н̣зми; на банаахам̣, б̣раахман̣а, саб̣б̣ам̣ яан̃н̃ам̣ на ван̣н̣зми. яат̇ааруубз ко, б̣раахман̣а, яан̃н̃з г̇ааво хан̃н̃анд̇и, аж̇зл̣агаа хан̃н̃анд̇и, гуггудасуугараа хан̃н̃анд̇и, вивид̇хаа баан̣аа сан̇гхаад̇ам̣ аабаж̇ж̇анд̇и; зваруубам̣ ко ахам̣, б̣раахман̣а, саарамбхам̣ яан̃н̃ам̣ на ван̣н̣зми. д̇ам̣ гисса хзд̇у? зваруубан̃хи, б̣раахман̣а, саарамбхам̣ яан̃н̃ам̣ на убасан̇гаманд̇и араханд̇о ваа арахад̇д̇амаг̇г̇ам̣ ваа самаабаннаа.
39. Atha kho ujjayo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho ujjayo brāhmaṇo bhagavantaṃ etadavoca – ‘‘bhavampi no gotamo yaññaṃ vaṇṇetī’’ti ? ‘‘Na kho ahaṃ, brāhmaṇa, sabbaṃ yaññaṃ vaṇṇemi; na panāhaṃ, brāhmaṇa, sabbaṃ yaññaṃ na vaṇṇemi. Yathārūpe kho, brāhmaṇa, yaññe gāvo haññanti, ajeḷakā haññanti, kukkuṭasūkarā haññanti, vividhā pāṇā saṅghātaṃ āpajjanti; evarūpaṃ kho ahaṃ, brāhmaṇa, sārambhaṃ yaññaṃ na vaṇṇemi. Taṃ kissa hetu? Evarūpañhi, brāhmaṇa, sārambhaṃ yaññaṃ na upasaṅkamanti arahanto vā arahattamaggaṃ vā samāpannā.
‘‘яат̇ааруубз жа ко, б̣раахман̣а, яан̃н̃з нзва г̇ааво хан̃н̃анд̇и, на аж̇зл̣агаа хан̃н̃анд̇и, на гуггудасуугараа хан̃н̃анд̇и, на вивид̇хаа баан̣аа сан̇гхаад̇ам̣ аабаж̇ж̇анд̇и; зваруубам̣ ко ахам̣, б̣раахман̣а, нираарамбхам̣ яан̃н̃ам̣ ван̣н̣зми, яад̣̇ид̣̇ам̣ нижжад̣̇аанам̣ анугулаяан̃н̃ам̣. д̇ам̣ гисса хзд̇у? зваруубан̃хи, б̣раахман̣а, нираарамбхам̣ яан̃н̃ам̣ убасан̇гаманд̇и араханд̇о ваа арахад̇д̇амаг̇г̇ам̣ ваа самаабаннаа’’д̇и.
‘‘Yathārūpe ca kho, brāhmaṇa, yaññe neva gāvo haññanti, na ajeḷakā haññanti, na kukkuṭasūkarā haññanti, na vividhā pāṇā saṅghātaṃ āpajjanti; evarūpaṃ kho ahaṃ, brāhmaṇa, nirārambhaṃ yaññaṃ vaṇṇemi, yadidaṃ niccadānaṃ anukulayaññaṃ. Taṃ kissa hetu? Evarūpañhi, brāhmaṇa, nirārambhaṃ yaññaṃ upasaṅkamanti arahanto vā arahattamaggaṃ vā samāpannā’’ti.
‘‘ассамзд̇хам̣ бурисамзд̇хам̣, саммаабаасам̣ вааж̇абзяяам̣ нираг̇г̇ал̣ам̣ ;
‘‘Assamedhaṃ purisamedhaṃ, sammāpāsaṃ vājapeyyaṃ niraggaḷaṃ ;
махааяан̃н̃аа махаарамбхаа 1, на д̇з хонд̇и махабпалаа.
Mahāyaññā mahārambhā 2, na te honti mahapphalā.
‘‘аж̇зл̣агаа жа г̇ааво жа, вивид̇хаа яад̇т̇а хан̃н̃арз;
‘‘Ajeḷakā ca gāvo ca, vividhā yattha haññare;
на д̇ам̣ саммаг̇г̇ад̇аа яан̃н̃ам̣, убаяанд̇и махзсино.
Na taṃ sammaggatā yaññaṃ, upayanti mahesino.
‘‘яз жа яан̃н̃аа нираарамбхаа, яаж̇анд̇и анугулам̣ сад̣̇аа;
‘‘Ye ca yaññā nirārambhā, yajanti anukulaṃ sadā;
аж̇зл̣агаа жа г̇ааво жа, вивид̇хаа нзд̇т̇а хан̃н̃арз 3;
Ajeḷakā ca gāvo ca, vividhā nettha haññare 4;
д̇ан̃жа саммаг̇г̇ад̇аа яан̃н̃ам̣, убаяанд̇и махзсино.
Tañca sammaggatā yaññaṃ, upayanti mahesino.
‘‘зд̇ам̣ 5 яаж̇зт̇а мзд̇хаавий, зсо яан̃н̃о махабпало;
‘‘Etaṃ 6 yajetha medhāvī, eso yañño mahapphalo;
яан̃н̃о жа вибуло ход̇и, басийд̣̇анд̇и жа д̣̇звад̇аа’’д̇и. навамам̣;
Yañño ca vipulo hoti, pasīdanti ca devatā’’ti. navamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. уж̇ж̇аяасуд̇д̇аван̣н̣анаа • 9. Ujjayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. уж̇ж̇аяасуд̇д̇аван̣н̣анаа • 9. Ujjayasuttavaṇṇanā
