| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. уж̇ж̇аяасуд̇д̇ам̣
5. Ujjayasuttaṃ
55. ат̇а ко уж̇ж̇аяо б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко уж̇ж̇аяо б̣раахман̣о бхаг̇аванд̇ам̣ зд̇ад̣̇авожа – ‘‘маяам̣, бхо г̇од̇ама, баваасам̣ г̇анд̇угаамаа. д̇зсам̣ но бхавам̣ г̇од̇амо амхаагам̣ д̇ат̇аа д̇хаммам̣ д̣̇зсзд̇у – яз амхаагам̣ ассу д̇хаммаа д̣̇идтад̇хаммахид̇ааяа, д̣̇идтад̇хаммасукааяа, самбарааяахид̇ааяа, самбарааяасукааяаа’’д̇и.
55. Atha kho ujjayo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho ujjayo brāhmaṇo bhagavantaṃ etadavoca – ‘‘mayaṃ, bho gotama, pavāsaṃ gantukāmā. Tesaṃ no bhavaṃ gotamo amhākaṃ tathā dhammaṃ desetu – ye amhākaṃ assu dhammā diṭṭhadhammahitāya, diṭṭhadhammasukhāya, samparāyahitāya, samparāyasukhāyā’’ti.
‘‘жад̇д̇ааромз, б̣раахман̣а, д̇хаммаа гулабуд̇д̇асса д̣̇идтад̇хаммахид̇ааяа сам̣вад̇д̇анд̇и, д̣̇идтад̇хаммасукааяа. гад̇амз жад̇д̇ааро? удтаанасамбад̣̇аа , аарагкасамбад̣̇аа, галяаан̣амид̇д̇ад̇аа, самаж̇ийвид̇аа. гад̇амаа жа, б̣раахман̣а, удтаанасамбад̣̇аа? ид̇ха, б̣раахман̣а, гулабуд̇д̇о язна гаммадтаанзна ж̇ийвигам̣ габбзд̇и – яад̣̇и гасияаа, яад̣̇и ван̣иж̇ж̇ааяа, яад̣̇и г̇орагкзна, яад̣̇и иссад̇д̇зна, яад̣̇и рааж̇аборисзна, яад̣̇и сиббан̃н̃ад̇арзна – д̇ад̇т̇а д̣̇агко ход̇и аналасо, д̇ад̇рубааяааяа виймам̣сааяа саманнааг̇ад̇о, алам̣ гаад̇ум̣ алам̣ сам̣вид̇хаад̇ум̣. аяам̣ вужжад̇и, б̣раахман̣а, удтаанасамбад̣̇аа.
‘‘Cattārome, brāhmaṇa, dhammā kulaputtassa diṭṭhadhammahitāya saṃvattanti, diṭṭhadhammasukhāya. Katame cattāro? Uṭṭhānasampadā , ārakkhasampadā, kalyāṇamittatā, samajīvitā. Katamā ca, brāhmaṇa, uṭṭhānasampadā? Idha, brāhmaṇa, kulaputto yena kammaṭṭhānena jīvikaṃ kappeti – yadi kasiyā, yadi vaṇijjāya, yadi gorakkhena, yadi issattena, yadi rājaporisena, yadi sippaññatarena – tattha dakkho hoti analaso, tatrupāyāya vīmaṃsāya samannāgato, alaṃ kātuṃ alaṃ saṃvidhātuṃ. Ayaṃ vuccati, brāhmaṇa, uṭṭhānasampadā.
‘‘гад̇амаа жа, б̣раахман̣а, аарагкасамбад̣̇аа? ид̇ха, б̣раахман̣а, гулабуд̇д̇асса бхог̇аа хонд̇и удтаанавийрияаад̇хиг̇ад̇аа, б̣аахааб̣алабарижид̇аа, сзд̣̇аавагкид̇д̇аа, д̇хаммигаа д̇хаммалад̣̇д̇хаа. д̇з аарагкзна г̇уд̇д̇ияаа самбаад̣̇зд̇и – ‘гинд̇и мз имз бхог̇з нзва рааж̇аано харзяяум̣, на жораа харзяяум̣, на аг̇г̇и д̣ахзяяа, на уд̣̇агам̣ вахзяяа, на аббияаа д̣̇ааяаад̣̇аа харзяяу’нд̇и. аяам̣ вужжад̇и, б̣раахман̣а, аарагкасамбад̣̇аа.
‘‘Katamā ca, brāhmaṇa, ārakkhasampadā? Idha, brāhmaṇa, kulaputtassa bhogā honti uṭṭhānavīriyādhigatā, bāhābalaparicitā, sedāvakkhittā, dhammikā dhammaladdhā. Te ārakkhena guttiyā sampādeti – ‘kinti me ime bhoge neva rājāno hareyyuṃ, na corā hareyyuṃ, na aggi ḍaheyya, na udakaṃ vaheyya, na appiyā dāyādā hareyyu’nti. Ayaṃ vuccati, brāhmaṇa, ārakkhasampadā.
‘‘гад̇амаа жа, б̣раахман̣а, галяаан̣амид̇д̇ад̇аа? ид̇ха, б̣раахман̣а, гулабуд̇д̇о яасмим̣ г̇аамз ваа ниг̇амз ваа бадивасад̇и д̇ад̇ра яз д̇з хонд̇и – г̇ахабад̇ий ваа г̇ахабад̇ибуд̇д̇аа ваа д̣̇ахараа ваа вуд̣̇д̇хасийлино, вуд̣̇д̇хаа ваа вуд̣̇д̇хасийлино, сад̣̇д̇хаасамбаннаа, сийласамбаннаа, жааг̇асамбаннаа, бан̃н̃аасамбаннаа – д̇зхи сад̣̇д̇хим̣ санд̇идтад̇и саллабад̇и саагажчам̣ самаабаж̇ж̇ад̇и; яат̇ааруубаанам̣ сад̣̇д̇хаасамбаннаанам̣ сад̣̇д̇хаасамбад̣̇ам̣ анусигкад̇и, яат̇ааруубаанам̣ сийласамбаннаанам̣ сийласамбад̣̇ам̣ анусигкад̇и, яат̇ааруубаанам̣ жааг̇асамбаннаанам̣ жааг̇асамбад̣̇ам̣ анусигкад̇и, яат̇ааруубаанам̣ бан̃н̃аасамбаннаанам̣ бан̃н̃аасамбад̣̇ам̣ анусигкад̇и. аяам̣ вужжад̇и, б̣раахман̣а, галяаан̣амид̇д̇ад̇аа.
‘‘Katamā ca, brāhmaṇa, kalyāṇamittatā? Idha, brāhmaṇa, kulaputto yasmiṃ gāme vā nigame vā paṭivasati tatra ye te honti – gahapatī vā gahapatiputtā vā daharā vā vuddhasīlino, vuddhā vā vuddhasīlino, saddhāsampannā, sīlasampannā, cāgasampannā, paññāsampannā – tehi saddhiṃ santiṭṭhati sallapati sākacchaṃ samāpajjati; yathārūpānaṃ saddhāsampannānaṃ saddhāsampadaṃ anusikkhati, yathārūpānaṃ sīlasampannānaṃ sīlasampadaṃ anusikkhati, yathārūpānaṃ cāgasampannānaṃ cāgasampadaṃ anusikkhati, yathārūpānaṃ paññāsampannānaṃ paññāsampadaṃ anusikkhati. Ayaṃ vuccati, brāhmaṇa, kalyāṇamittatā.
‘‘гад̇амаа жа, б̣раахман̣а, самаж̇ийвид̇аа? ид̇ха, б̣раахман̣а, гулабуд̇д̇о ааяан̃жа бхог̇аанам̣ вид̣̇ид̇ваа ваяан̃жа бхог̇аанам̣ вид̣̇ид̇ваа самам̣ ж̇ийвигам̣ габбзд̇и наажжог̇аал̣хам̣ наад̇ихийнам̣ – ‘звам̣ мз ааяо ваяам̣ барияаад̣̇ааяа тассад̇и, на жа мз ваяо ааяам̣ барияаад̣̇ааяа тассад̇ий’д̇и. сзяяат̇ааби, б̣раахман̣а, д̇улаад̇хааро ваа д̇улаад̇хааранд̇зваасий ваа д̇улам̣ баг̇г̇ахзд̇ваа ж̇аанаад̇и – ‘зд̇д̇агзна ваа онад̇ам̣, зд̇д̇агзна ваа уннад̇а’нд̇и; звамзвам̣ ко, б̣раахман̣а, гулабуд̇д̇о ааяан̃жа бхог̇аанам̣ вид̣̇ид̇ваа ваяан̃жа бхог̇аанам̣ вид̣̇ид̇ваа самам̣ ж̇ийвигам̣ габбзд̇и наажжог̇аал̣хам̣ наад̇ихийнам̣ – ‘звам̣ мз ааяо ваяам̣ барияаад̣̇ааяа тассад̇и, на жа мз ваяо ааяам̣ барияаад̣̇ааяа тассад̇ий’д̇и. сажааяам̣, б̣раахман̣а, гулабуд̇д̇о аббааяо самаано ул̣аарам̣ ж̇ийвигам̣ габбзд̇и, д̇асса бхаванд̇и вад̇д̇ааро – ‘уд̣̇умб̣аракаад̣̇ийвааяам̣ гулабуд̇д̇о бхог̇з каад̣̇ад̇ий’д̇и. сажз банааяам̣, б̣раахман̣а, гулабуд̇д̇о махааяо самаано гасирам̣ ж̇ийвигам̣ габбзд̇и, д̇асса бхаванд̇и вад̇д̇ааро – ‘аж̇здтамаран̣ам̣вааяам̣ гулабуд̇д̇о мариссад̇ий’д̇и. яад̇о жа кояам̣, б̣раахман̣а, гулабуд̇д̇о ааяан̃жа бхог̇аанам̣ вид̣̇ид̇ваа ваяан̃жа бхог̇аанам̣ вид̣̇ид̇ваа самам̣ ж̇ийвигам̣ габбзд̇и наажжог̇аал̣хам̣ наад̇ихийнам̣ – ‘звам̣ мз ааяо ваяам̣ барияаад̣̇ааяа тассад̇и, на жа мз ваяо ааяам̣ барияаад̣̇ааяа тассад̇ий’д̇и, аяам̣ вужжад̇и, б̣раахман̣а, самаж̇ийвид̇аа.
‘‘Katamā ca, brāhmaṇa, samajīvitā? Idha, brāhmaṇa, kulaputto āyañca bhogānaṃ viditvā vayañca bhogānaṃ viditvā samaṃ jīvikaṃ kappeti nāccogāḷhaṃ nātihīnaṃ – ‘evaṃ me āyo vayaṃ pariyādāya ṭhassati, na ca me vayo āyaṃ pariyādāya ṭhassatī’ti. Seyyathāpi, brāhmaṇa, tulādhāro vā tulādhārantevāsī vā tulaṃ paggahetvā jānāti – ‘ettakena vā onataṃ, ettakena vā unnata’nti; evamevaṃ kho, brāhmaṇa, kulaputto āyañca bhogānaṃ viditvā vayañca bhogānaṃ viditvā samaṃ jīvikaṃ kappeti nāccogāḷhaṃ nātihīnaṃ – ‘evaṃ me āyo vayaṃ pariyādāya ṭhassati, na ca me vayo āyaṃ pariyādāya ṭhassatī’ti. Sacāyaṃ, brāhmaṇa, kulaputto appāyo samāno uḷāraṃ jīvikaṃ kappeti, tassa bhavanti vattāro – ‘udumbarakhādīvāyaṃ kulaputto bhoge khādatī’ti. Sace panāyaṃ, brāhmaṇa, kulaputto mahāyo samāno kasiraṃ jīvikaṃ kappeti, tassa bhavanti vattāro – ‘ajeṭṭhamaraṇaṃvāyaṃ kulaputto marissatī’ti. Yato ca khoyaṃ, brāhmaṇa, kulaputto āyañca bhogānaṃ viditvā vayañca bhogānaṃ viditvā samaṃ jīvikaṃ kappeti nāccogāḷhaṃ nātihīnaṃ – ‘evaṃ me āyo vayaṃ pariyādāya ṭhassati, na ca me vayo āyaṃ pariyādāya ṭhassatī’ti, ayaṃ vuccati, brāhmaṇa, samajīvitā.
‘‘звам̣ самуббаннаанам̣, б̣раахман̣а, бхог̇аанам̣ жад̇д̇аари абааяамукаани хонд̇и – ид̇т̇ид̇худ̇д̇о, сураад̇худ̇д̇о, агкад̇худ̇д̇о, баабамид̇д̇о баабасахааяо баабасамбаван̇го. сзяяат̇ааби, б̣раахман̣а, махад̇о д̇ал̣аагасса жад̇д̇аари жзва ааяамукаани, жад̇д̇аари жа абааяамукаани. д̇асса бурисо яаани жзва ааяамукаани д̇аани бид̣̇ахзяяа, яаани жа абааяамукаани д̇аани виварзяяа; д̣̇зво жа на саммаа д̇хаарам̣ ануббавзжчзяяа. зван̃хи д̇асса б̣раахман̣а , махад̇о д̇ал̣аагасса барихааниязва баадиган̇каа, но вуд̣̇д̇хи ; звамзвам̣ ко, б̣раахман̣а, звам̣ самуббаннаанам̣ бхог̇аанам̣ жад̇д̇аари абааяамукаани хонд̇и – ид̇т̇ид̇худ̇д̇о, сураад̇худ̇д̇о, агкад̇худ̇д̇о, баабамид̇д̇о баабасахааяо баабасамбаван̇го.
‘‘Evaṃ samuppannānaṃ, brāhmaṇa, bhogānaṃ cattāri apāyamukhāni honti – itthidhutto, surādhutto, akkhadhutto, pāpamitto pāpasahāyo pāpasampavaṅko. Seyyathāpi, brāhmaṇa, mahato taḷākassa cattāri ceva āyamukhāni, cattāri ca apāyamukhāni. Tassa puriso yāni ceva āyamukhāni tāni pidaheyya, yāni ca apāyamukhāni tāni vivareyya; devo ca na sammā dhāraṃ anuppaveccheyya. Evañhi tassa brāhmaṇa , mahato taḷākassa parihāniyeva pāṭikaṅkhā, no vuddhi ; evamevaṃ kho, brāhmaṇa, evaṃ samuppannānaṃ bhogānaṃ cattāri apāyamukhāni honti – itthidhutto, surādhutto, akkhadhutto, pāpamitto pāpasahāyo pāpasampavaṅko.
‘‘звам̣ самуббаннаанам̣, б̣раахман̣а, бхог̇аанам̣ жад̇д̇аари ааяамукаани хонд̇и – на ид̇т̇ид̇худ̇д̇о, на сураад̇худ̇д̇о, на агкад̇худ̇д̇о, галяаан̣амид̇д̇о галяаан̣асахааяо галяаан̣асамбаван̇го. сзяяат̇ааби, б̣раахман̣а, махад̇о д̇ал̣аагасса жад̇д̇аари жзва ааяамукаани жад̇д̇аари жа абааяамукаани. д̇асса бурисо яаани жзва ааяамукаани д̇аани виварзяяа, яаани жа абааяамукаани д̇аани бид̣̇ахзяяа; д̣̇зво жа саммаа д̇хаарам̣ ануббавзжчзяяа. зван̃хи д̇асса, б̣раахман̣а, махад̇о д̇ал̣аагасса вуд̣̇д̇хиязва баадиган̇каа, но барихаани; звамзвам̣ ко, б̣раахман̣а, звам̣ самуббаннаанам̣ бхог̇аанам̣ жад̇д̇аари ааяамукаани хонд̇и – на ид̇т̇ид̇худ̇д̇о…бз… галяаан̣асамбаван̇го. имз ко, б̣раахман̣а, жад̇д̇ааро д̇хаммаа гулабуд̇д̇асса д̣̇идтад̇хаммахид̇ааяа сам̣вад̇д̇анд̇и д̣̇идтад̇хаммасукааяа.
‘‘Evaṃ samuppannānaṃ, brāhmaṇa, bhogānaṃ cattāri āyamukhāni honti – na itthidhutto, na surādhutto, na akkhadhutto, kalyāṇamitto kalyāṇasahāyo kalyāṇasampavaṅko. Seyyathāpi, brāhmaṇa, mahato taḷākassa cattāri ceva āyamukhāni cattāri ca apāyamukhāni. Tassa puriso yāni ceva āyamukhāni tāni vivareyya, yāni ca apāyamukhāni tāni pidaheyya; devo ca sammā dhāraṃ anuppaveccheyya. Evañhi tassa, brāhmaṇa, mahato taḷākassa vuddhiyeva pāṭikaṅkhā, no parihāni; evamevaṃ kho, brāhmaṇa, evaṃ samuppannānaṃ bhogānaṃ cattāri āyamukhāni honti – na itthidhutto…pe… kalyāṇasampavaṅko. Ime kho, brāhmaṇa, cattāro dhammā kulaputtassa diṭṭhadhammahitāya saṃvattanti diṭṭhadhammasukhāya.
‘‘жад̇д̇ааромз, б̣раахман̣а, гулабуд̇д̇асса д̇хаммаа самбарааяахид̇ааяа сам̣вад̇д̇анд̇и самбарааяасукааяа. гад̇амз жад̇д̇ааро? сад̣̇д̇хаасамбад̣̇аа, сийласамбад̣̇аа, жааг̇асамбад̣̇аа, бан̃н̃аасамбад̣̇аа. гад̇амаа жа, б̣раахман̣а, сад̣̇д̇хаасамбад̣̇аа? ид̇ха, б̣раахман̣а, гулабуд̇д̇о сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. аяам̣ вужжад̇и, б̣раахман̣а, сад̣̇д̇хаасамбад̣̇аа.
‘‘Cattārome, brāhmaṇa, kulaputtassa dhammā samparāyahitāya saṃvattanti samparāyasukhāya. Katame cattāro? Saddhāsampadā, sīlasampadā, cāgasampadā, paññāsampadā. Katamā ca, brāhmaṇa, saddhāsampadā? Idha, brāhmaṇa, kulaputto saddho hoti, saddahati tathāgatassa bodhiṃ – ‘itipi so bhagavā…pe… satthā devamanussānaṃ buddho bhagavā’ti. Ayaṃ vuccati, brāhmaṇa, saddhāsampadā.
‘‘гад̇амаа жа, б̣раахман̣а, сийласамбад̣̇аа? ид̇ха, б̣раахман̣а, гулабуд̇д̇о баан̣аад̇ибаад̇аа бадивирад̇о ход̇и…бз… сураамзраяамаж̇ж̇абамаад̣̇адтаанаа бадивирад̇о ход̇и. аяам̣ вужжад̇и, б̣раахман̣а, сийласамбад̣̇аа.
‘‘Katamā ca, brāhmaṇa, sīlasampadā? Idha, brāhmaṇa, kulaputto pāṇātipātā paṭivirato hoti…pe… surāmerayamajjapamādaṭṭhānā paṭivirato hoti. Ayaṃ vuccati, brāhmaṇa, sīlasampadā.
‘‘гад̇амаа жа, б̣раахман̣а, жааг̇асамбад̣̇аа? ид̇ха , б̣раахман̣а, гулабуд̇д̇о виг̇ад̇амаламажчзрзна жзд̇асаа аг̇аарам̣ аж̇жхаавасад̇и муд̇д̇ажааг̇о баяад̇абаан̣и воссаг̇г̇арад̇о яаажаяог̇о д̣̇аанасам̣вибхааг̇арад̇о. аяам̣ вужжад̇и, б̣раахман̣а, жааг̇асамбад̣̇аа.
‘‘Katamā ca, brāhmaṇa, cāgasampadā? Idha , brāhmaṇa, kulaputto vigatamalamaccherena cetasā agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato. Ayaṃ vuccati, brāhmaṇa, cāgasampadā.
‘‘гад̇амаа жа, б̣раахман̣а, бан̃н̃аасамбад̣̇аа? ид̇ха, б̣раахман̣а, гулабуд̇д̇о бан̃н̃аваа ход̇и…бз… саммаа д̣̇угкагкаяаг̇ааминияаа. аяам̣ вужжад̇и, б̣раахман̣а, бан̃н̃аасамбад̣̇аа. имз ко, б̣раахман̣а, жад̇д̇ааро д̇хаммаа гулабуд̇д̇асса самбарааяахид̇ааяа сам̣вад̇д̇анд̇и самбарааяасукааяаа’’д̇и.
‘‘Katamā ca, brāhmaṇa, paññāsampadā? Idha, brāhmaṇa, kulaputto paññavā hoti…pe… sammā dukkhakkhayagāminiyā. Ayaṃ vuccati, brāhmaṇa, paññāsampadā. Ime kho, brāhmaṇa, cattāro dhammā kulaputtassa samparāyahitāya saṃvattanti samparāyasukhāyā’’ti.
‘‘удтаад̇аа гаммад̇хзяязсу, аббамад̇д̇о вид̇хаанаваа;
‘‘Uṭṭhātā kammadheyyesu, appamatto vidhānavā;
самам̣ габбзд̇и ж̇ийвигам̣, самбхад̇ам̣ анурагкад̇и.
Samaṃ kappeti jīvikaṃ, sambhataṃ anurakkhati.
‘‘сад̣̇д̇хо сийлзна самбанно, вад̣̇ан̃н̃уу вийд̇амажчаро;
‘‘Saddho sīlena sampanno, vadaññū vītamaccharo;
нижжам̣ маг̇г̇ам̣ висод̇хзд̇и, сод̇т̇аанам̣ самбарааяигам̣.
Niccaṃ maggaṃ visodheti, sotthānaṃ samparāyikaṃ.
‘‘ижжзд̇з адта д̇хаммаа жа, сад̣̇д̇хасса гхарамзсино;
‘‘Iccete aṭṭha dhammā ca, saddhassa gharamesino;
агкаад̇аа сажжанаамзна, убхаяад̇т̇а сукаавахаа.
Akkhātā saccanāmena, ubhayattha sukhāvahā.
‘‘д̣̇идтад̇хаммахид̇ад̇т̇ааяа, самбарааяасукааяа жа;
‘‘Diṭṭhadhammahitatthāya, samparāyasukhāya ca;
звамзд̇ам̣ г̇ахадтаанам̣, жааг̇о бун̃н̃ам̣ бавад̣дхад̇ий’’д̇и. бан̃жамам̣;
Evametaṃ gahaṭṭhānaṃ, cāgo puññaṃ pavaḍḍhatī’’ti. pañcamaṃ;
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-5. д̣̇ийгхаж̇аан̣усуд̇д̇аад̣̇иван̣н̣анаа • 4-5. Dīghajāṇusuttādivaṇṇanā
