| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. уж̇ж̇аяасуд̇д̇аван̣н̣анаа
9. Ujjayasuttavaṇṇanā
39. навамз сан̇гхаад̇ам̣ аабаж̇ж̇анд̇ийд̇и вад̇хам̣ маран̣ам̣ аабаж̇ж̇анд̇и. нижжад̣̇аананд̇и салаагабхад̇д̇ам̣. анугулаяан̃н̃анд̇и амхаагам̣ бид̇уухи бид̇аамахзхи д̣̇иннад̇д̇аа звам̣ гулаанугулавасзна яаж̇ид̇аб̣б̣ам̣, д̣̇аад̇аб̣б̣анд̇и ад̇т̇о. ассамзд̇ханд̇иаад̣̇ийсу ассамзд̇т̇а мзд̇ханд̇ийд̇и ассамзд̇хо, д̣̇вийхи барияан̃н̃зхи яаж̇ид̇аб̣б̣асса згавийсад̇ияуубасса табзд̇ваа бхуумин̃жа бурисз жа авасзсасаб̣б̣авибхавад̣̇агкин̣асса яан̃н̃ассзд̇ам̣ ад̇хиважанам̣. бурисамзд̇т̇а мзд̇ханд̇ийд̇и бурисамзд̇хо, жад̇уухи барияан̃н̃зхи яаж̇ид̇аб̣б̣асса сад̣̇д̇хим̣ бхуумияаа ассамзд̇хз вуд̇д̇авибхавад̣̇агкин̣асса яан̃н̃ассзд̇ам̣ ад̇хиважанам̣. саммамзд̇т̇а баасанд̇ийд̇и саммаабаасо, д̣̇ивасз д̣̇ивасз саммам̣ кибид̇ваа д̇асса бад̇ид̇огаасз взд̣̇им̣ гад̇ваа сам̣хааримзхи яуубаад̣̇ийхи сарассад̇инад̣̇ияаа нимуг̇г̇огаасад̇о бабхуд̇и бадиломам̣ г̇ажчанд̇зна яаж̇ид̇аб̣б̣асса саб̣б̣аяааг̇ассзд̇ам̣ ад̇хиважанам̣. вааж̇амзд̇т̇а биванд̇ийд̇и вааж̇абзяяам̣, згзна барияан̃н̃зна сад̇д̇арасахи басуухи яаж̇ид̇аб̣б̣асса б̣злуваяуубасса сад̇д̇арасагад̣̇агкин̣асса яан̃н̃ассзд̇ам̣ ад̇хиважанам̣. над̇т̇и зд̇т̇а аг̇г̇ал̣аад̇и нираг̇г̇ал̣о. навахи барияан̃н̃зхи яаж̇ид̇аб̣б̣асса сад̣̇д̇хим̣ бхуумияаа бурисзхи жа ассамзд̇хз вуд̇д̇авибхавад̣̇агкин̣асса саб̣б̣амзд̇хабарияааяанаамасса ассамзд̇хавигаббассзд̇ам̣ ад̇хиважанам̣. махаарамбхаад̇и махаагижжаа махаагаран̣ийяаа. абижа баан̣аад̇ибаад̇асамаарамбхасса маханд̇ад̇ааяаби махаарамбхааязва. на д̇з хонд̇и махабпалаад̇и зд̇т̇а ниравасзсад̇т̇з саавасзсаруубанам̣ гад̇ам̣. д̇асмаа идтапалзна нибпалаава хонд̇ийд̇и ад̇т̇о. ид̣̇ан̃жа баан̣аад̇ибаад̇асамаарамбхамзва санд̇хааяа вуд̇д̇ам̣. яам̣ бана д̇ад̇т̇а анд̇аранд̇араа д̣̇аанам̣ д̣̇ияяад̇и, д̇ам̣ иминаа самаарамбхзна убахад̇ад̇д̇аа махабпалам̣ на ход̇и, манд̣̇апалам̣ ход̇ийд̇и ад̇т̇о. хан̃н̃арзд̇и хан̃н̃анд̇и. яаж̇анд̇и анугулам̣ сад̣̇аад̇и яз ан̃н̃з анугулам̣ яаж̇анд̇и, буб̣б̣абурисзхи яидтад̇д̇аа бажчимабурисааби яаж̇анд̇ийд̇и ад̇т̇о. сзяяо ход̇ийд̇и висзсова ход̇и. на баабияод̇и баабам̣ гин̃жи на ход̇и.
39. Navame saṅghātaṃ āpajjantīti vadhaṃ maraṇaṃ āpajjanti. Niccadānanti salākabhattaṃ. Anukulayaññanti amhākaṃ pitūhi pitāmahehi dinnattā evaṃ kulānukulavasena yajitabbaṃ, dātabbanti attho. Assamedhantiādīsu assamettha medhantīti assamedho, dvīhi pariyaññehi yajitabbassa ekavīsatiyūpassa ṭhapetvā bhūmiñca purise ca avasesasabbavibhavadakkhiṇassa yaññassetaṃ adhivacanaṃ. Purisamettha medhantīti purisamedho, catūhi pariyaññehi yajitabbassa saddhiṃ bhūmiyā assamedhe vuttavibhavadakkhiṇassa yaññassetaṃ adhivacanaṃ. Sammamettha pāsantīti sammāpāso, divase divase sammaṃ khipitvā tassa patitokāse vediṃ katvā saṃhārimehi yūpādīhi sarassatinadiyā nimuggokāsato pabhuti paṭilomaṃ gacchantena yajitabbassa sabbayāgassetaṃ adhivacanaṃ. Vājamettha pivantīti vājapeyyaṃ, ekena pariyaññena sattarasahi pasūhi yajitabbassa beluvayūpassa sattarasakadakkhiṇassa yaññassetaṃ adhivacanaṃ. Natthi ettha aggaḷāti niraggaḷo. Navahi pariyaññehi yajitabbassa saddhiṃ bhūmiyā purisehi ca assamedhe vuttavibhavadakkhiṇassa sabbamedhapariyāyanāmassa assamedhavikappassetaṃ adhivacanaṃ. Mahārambhāti mahākiccā mahākaraṇīyā. Apica pāṇātipātasamārambhassa mahantatāyapi mahārambhāyeva. Na te honti mahapphalāti ettha niravasesatthe sāvasesarūpanaṃ kataṃ. Tasmā iṭṭhaphalena nipphalāva hontīti attho. Idañca pāṇātipātasamārambhameva sandhāya vuttaṃ. Yaṃ pana tattha antarantarā dānaṃ diyyati, taṃ iminā samārambhena upahatattā mahapphalaṃ na hoti, mandaphalaṃ hotīti attho. Haññareti haññanti. Yajanti anukulaṃ sadāti ye aññe anukulaṃ yajanti, pubbapurisehi yiṭṭhattā pacchimapurisāpi yajantīti attho. Seyyo hotīti visesova hoti. Na pāpiyoti pāpaṃ kiñci na hoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. уж̇ж̇аяасуд̇д̇ам̣ • 9. Ujjayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. уж̇ж̇аяасуд̇д̇аван̣н̣анаа • 9. Ujjayasuttavaṇṇanā
