| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. уж̇ж̇аяасуд̇д̇аван̣н̣анаа
9. Ujjayasuttavaṇṇanā
39. навамз анугулаяан̃н̃анд̇и анугулам̣ гулаануггамам̣ убаад̣̇ааяа д̣̇аад̇аб̣б̣ад̣̇аанам̣. д̇знааха ‘‘амхаагам̣…бз… гулаанугулавасзна яаж̇ид̇аб̣б̣а’’нд̇и. вам̣сабарамбарааяа бажчаа д̣̇уг̇г̇ад̇абурисзхи бад̣̇аад̇аб̣б̣ад̣̇аанам̣. зваруубам̣ гулам̣ сийлаванд̇з уд̣̇д̣̇исса ниб̣ад̣̇д̇хад̣̇аанам̣, д̇асмим̣ гулз д̣̇алид̣̇д̣̇ааниби на убажчинд̣̇анд̇и. д̇ад̇рид̣̇ам̣ вад̇т̇у – анаат̇абин̣д̣игасса гхарз бан̃жа салаагабхад̇д̇асад̇аани д̣̇ийяим̣су. д̣̇анд̇амаяасалаагаанам̣ бан̃жасад̇аани ахзсум̣. ат̇а д̇ам̣ гулам̣ ануггамзна д̣̇аалид̣̇д̣̇иязна абхибхууд̇ам̣. згаа д̇асмим̣ гулз д̣̇ааригаа згасалаагад̇о уд̣̇д̇хам̣ д̣̇аад̇ум̣ наасагки. сааби бажчаа саад̇авааханам̣ радтам̣ г̇анд̇ваа калам̣ сод̇хзд̇ваа лад̣̇д̇хад̇хан̃н̃зна д̇ам̣ салаагам̣ ад̣̇ааси. зго т̇зро ран̃н̃о аарожзси. рааж̇аа д̇ам̣ аанзд̇ваа аг̇г̇амахзсидтаанз табзси. саа д̇ад̇о бадтааяа буна бан̃жаби салаагасад̇аани бавад̇д̇зси.
39. Navame anukulayaññanti anukulaṃ kulānukkamaṃ upādāya dātabbadānaṃ. Tenāha ‘‘amhākaṃ…pe… kulānukulavasena yajitabba’’nti. Vaṃsaparamparāya pacchā duggatapurisehi padātabbadānaṃ. Evarūpaṃ kulaṃ sīlavante uddissa nibaddhadānaṃ, tasmiṃ kule daliddānipi na upacchindanti. Tatridaṃ vatthu – anāthapiṇḍikassa ghare pañca salākabhattasatāni dīyiṃsu. Dantamayasalākānaṃ pañcasatāni ahesuṃ. Atha taṃ kulaṃ anukkamena dāliddiyena abhibhūtaṃ. Ekā tasmiṃ kule dārikā ekasalākato uddhaṃ dātuṃ nāsakkhi. Sāpi pacchā sātavāhanaṃ raṭṭhaṃ gantvā khalaṃ sodhetvā laddhadhaññena taṃ salākaṃ adāsi. Eko thero rañño ārocesi. Rājā taṃ ānetvā aggamahesiṭṭhāne ṭhapesi. Sā tato paṭṭhāya puna pañcapi salākasatāni pavattesi.
ассамзд̇ханд̇иаад̣̇ийсу бораан̣агарааж̇агаалз гира сассамзд̇хам̣, бурисамзд̇хам̣, саммаабаасам̣, ваажаабзяяанд̇и жад̇д̇аари сан̇г̇ахавад̇т̇ууни ахзсум̣, язхи рааж̇аано логам̣ сан̇г̇ан̣хим̣су. д̇ад̇т̇а нибпаннасассад̇о д̣̇асамабхааг̇аг̇г̇ахан̣ам̣ сассамзд̇хам̣ наама, сассасамбаад̣̇анз мзд̇хаавид̇аад̇и ад̇т̇о. махааяод̇хаанам̣ чамаасигабхад̇д̇авзд̇анаануббад̣̇аанам̣ бурисамзд̇хам̣ наама, бурисасан̇г̇ан̣ханз мзд̇хаавид̇аад̇и ад̇т̇о. д̣̇алид̣̇д̣̇амануссаанам̣ хад̇т̇з лзкам̣ г̇ахзд̇ваа д̇ийн̣и вассаани винаа вад̣дхияаа сахассад̣̇висахассамад̇д̇ад̇ханаануббад̣̇аанам̣ саммаабаасам̣ наама. д̇ан̃хи саммаа мануссз баасзд̇и хад̣̇аяз б̣анд̇хид̇ваа вияа табзд̇и, д̇асмаа саммаабаасанд̇и вужжад̇и. ‘‘д̇аад̇а, маад̇улаа’’д̇иаад̣̇инаа бана сан̣хаваажаабхан̣анам̣ ваажаабзяяам̣ наама, бзяяаваж̇ж̇ам̣ бияаважанад̇аад̇и ад̇т̇о. звам̣ жад̇уухи вад̇т̇уухи сан̇г̇ахид̇ам̣ радтам̣ ид̣̇д̇хан̃жзва ход̇и пийд̇ан̃жа бахууд̇ааннабаанам̣ кзмам̣ нираб̣б̣уд̣̇ам̣, мануссаа муд̣̇аа мод̣̇анаа урз буд̇д̇з нажжзнд̇аа абааруд̇агхарад̣̇ваараа вихаранд̇и. ид̣̇ам̣ гхарад̣̇ваарзсу аг̇г̇ал̣аанам̣ абхаавад̇о нираг̇г̇ал̣анд̇и вужжад̇и. аяам̣ бораан̣игаа бавзн̣ий. абарабхааг̇з бана оггаагарааж̇агаалз б̣раахман̣аа имаани жад̇д̇аари сан̇г̇ахавад̇т̇ууни иман̃жа радтасамбад̇д̇им̣ баривад̇д̇знд̇аа уммуулам̣ гад̇ваа ассамзд̇хам̣ бурисамзд̇ханд̇иаад̣̇игз бан̃жа яан̃н̃з наама агам̣су. вуд̇д̇ан̃хзд̇ам̣ бхаг̇авад̇аа б̣раахман̣ад̇хаммияасуд̇д̇з –
Assamedhantiādīsu porāṇakarājakāle kira sassamedhaṃ, purisamedhaṃ, sammāpāsaṃ, vācāpeyyanti cattāri saṅgahavatthūni ahesuṃ, yehi rājāno lokaṃ saṅgaṇhiṃsu. Tattha nipphannasassato dasamabhāgaggahaṇaṃ sassamedhaṃ nāma, sassasampādane medhāvitāti attho. Mahāyodhānaṃ chamāsikabhattavetanānuppadānaṃ purisamedhaṃ nāma, purisasaṅgaṇhane medhāvitāti attho. Daliddamanussānaṃ hatthe lekhaṃ gahetvā tīṇi vassāni vinā vaḍḍhiyā sahassadvisahassamattadhanānuppadānaṃ sammāpāsaṃ nāma. Tañhi sammā manusse pāseti hadaye bandhitvā viya ṭhapeti, tasmā sammāpāsanti vuccati. ‘‘Tāta, mātulā’’tiādinā pana saṇhavācābhaṇanaṃ vācāpeyyaṃ nāma, peyyavajjaṃ piyavacanatāti attho. Evaṃ catūhi vatthūhi saṅgahitaṃ raṭṭhaṃ iddhañceva hoti phītañca pahūtaannapānaṃ khemaṃ nirabbudaṃ, manussā mudā modanā ure putte naccentā apārutagharadvārā viharanti. Idaṃ gharadvāresu aggaḷānaṃ abhāvato niraggaḷanti vuccati. Ayaṃ porāṇikā paveṇī. Aparabhāge pana okkākarājakāle brāhmaṇā imāni cattāri saṅgahavatthūni imañca raṭṭhasampattiṃ parivattentā ummūlaṃ katvā assamedhaṃ purisamedhantiādike pañca yaññe nāma akaṃsu. Vuttañhetaṃ bhagavatā brāhmaṇadhammiyasutte –
‘‘д̇зсам̣ ааси вибаллаасо, д̣̇исваана ан̣уд̇о ан̣ум̣…бз…;
‘‘Tesaṃ āsi vipallāso, disvāna aṇuto aṇuṃ…pe…;
д̇з д̇ад̇т̇а манд̇з г̇ант̇зд̇ваа, оггаагам̣ д̇ад̣̇убааг̇аму’’нд̇и. (су. ни. 301-304);
Te tattha mante ganthetvā, okkākaṃ tadupāgamu’’nti. (su. ni. 301-304);
ид̣̇аани д̇зхи баривад̇д̇зд̇ваа табид̇амад̇т̇ам̣ д̣̇ассзнд̇о ‘‘ассамзд̇ха’’нд̇иаад̣̇имааха. д̇ад̇т̇а мзд̇ханд̇ийд̇и вад̇хзнд̇и. д̣̇вийхи барияан̃н̃зхийд̇и махааяан̃н̃асса буб̣б̣абхааг̇з бажчаа жа бавад̇д̇зд̇аб̣б̣зхи д̣̇вийхи бариваараяан̃н̃зхи. сад̇д̇анавуд̇ибан̃жабасусад̇агхаад̇абхим̣санассаад̇и сад̇д̇анавуд̇аад̇хигаанам̣ бан̃жаннам̣ басусад̇аанам̣ мааран̣зна бхзравасса баабабхийругаанам̣ бхаяаавахасса. д̇ат̇аа хи вад̣̇анд̇и –
Idāni tehi parivattetvā ṭhapitamatthaṃ dassento ‘‘assamedha’’ntiādimāha. Tattha medhantīti vadhenti. Dvīhi pariyaññehīti mahāyaññassa pubbabhāge pacchā ca pavattetabbehi dvīhi parivārayaññehi. Sattanavutipañcapasusataghātabhiṃsanassāti sattanavutādhikānaṃ pañcannaṃ pasusatānaṃ māraṇena bheravassa pāpabhīrukānaṃ bhayāvahassa. Tathā hi vadanti –
‘‘часад̇аани нияуж̇ж̇анд̇и, басуунам̣ маж̇жхимз хани;
‘‘Chasatāni niyujjanti, pasūnaṃ majjhime hani;
ассамзд̇хасса яан̃н̃асса, уунаани басуухи д̇ийхий’’д̇и. (сам̣. ни. дий. 1.1.120);
Assamedhassa yaññassa, ūnāni pasūhi tīhī’’ti. (saṃ. ni. ṭī. 1.1.120);
самманд̇и яуг̇ажчид̣̇д̣̇з багкибид̇аб̣б̣ад̣̇ан̣д̣агам̣. баасанд̇ийд̇и кибанд̇и. сам̣хааримзхийд̇и сагадзхи вахид̇аб̣б̣зхи. буб̣б̣з гира зго рааж̇аа саммаабаасам̣ яаж̇анд̇о сарассад̇инад̣̇ид̇ийрз бат̇авияаа виварз д̣̇иннз нимуг̇г̇оязва ахоси, анд̇хаб̣аалаб̣раахман̣аа г̇ад̇аануг̇ад̇иг̇ад̇аа ‘‘аяам̣ д̇асса саг̇г̇аг̇аманамаг̇г̇о’’д̇и сан̃н̃ааяа д̇ад̇т̇а саммаабаасаяан̃н̃ам̣ бадтабзнд̇и. д̇зна вуд̇д̇ам̣ ‘‘нимуг̇г̇огаасад̇о бабхуд̇ий’’д̇и. аяуубо аббагад̣̇ивасо яааг̇о, саяуубо б̣ахуд̣̇ивасам̣ нзяяо сад̇раяааг̇од̇и. манд̇абад̣̇аабхисан̇кад̇аанам̣ саббимад̇хуунам̣ вааж̇амид̇и саман̃н̃аа. хиран̃н̃асуван̣н̣аг̇омахим̣саад̣̇и сад̇д̇арасагад̣̇агкин̣асса. саараг̇аб̣бхагодтааг̇аараад̣̇ийсу над̇т̇и зд̇т̇а аг̇г̇ал̣анд̇и нираг̇г̇ал̣о. д̇ад̇т̇а гира яан̃н̃з ад̇д̇ано саабад̇зяяам̣ анавасзсад̇о аниг̇уухид̇ваа нияяаад̇ийяад̇и.
Sammanti yugacchidde pakkhipitabbadaṇḍakaṃ. Pāsantīti khipanti. Saṃhārimehīti sakaṭehi vahitabbehi. Pubbe kira eko rājā sammāpāsaṃ yajanto sarassatinaditīre pathaviyā vivare dinne nimuggoyeva ahosi, andhabālabrāhmaṇā gatānugatigatā ‘‘ayaṃ tassa saggagamanamaggo’’ti saññāya tattha sammāpāsayaññaṃ paṭṭhapenti. Tena vuttaṃ ‘‘nimuggokāsato pabhutī’’ti. Ayūpo appakadivaso yāgo, sayūpo bahudivasaṃ neyyo satrayāgoti. Mantapadābhisaṅkhatānaṃ sappimadhūnaṃ vājamiti samaññā. Hiraññasuvaṇṇagomahiṃsādi sattarasakadakkhiṇassa. Sāragabbhakoṭṭhāgārādīsu natthi ettha aggaḷanti niraggaḷo. Tattha kira yaññe attano sāpateyyaṃ anavasesato anigūhitvā niyyātīyati.
махаарамбхаад̇и б̣ахубасугхаад̇агаммаа. адтагат̇ааяам̣ бана ‘‘вивид̇хаа яад̇т̇а хан̃н̃арз’’д̇и вагкамаанад̇д̇аа ‘‘махаагижжаа махаагаран̣ийяаа’’д̇и батамо ад̇т̇авигаббо вуд̇д̇о. д̣̇уд̇ияо бана ад̇т̇авигаббо ‘‘махаарамбхаад̇и бабан̃жавасзна аж̇зл̣агаа’’д̇иаад̣̇и вуд̇д̇анд̇и ад̇хиббааязна ‘‘абижаа’’д̇иаад̣̇инаа аарад̣̇д̇хо. нираарамбхаад̇и зд̇т̇ааби вуд̇д̇анаязна ад̇т̇о взд̣̇ид̇аб̣б̣о. нану жа баан̣аад̇ибаад̇аад̣̇иагусалагаммасса аббамад̇д̇агамби палам̣ нубалаб̣бхад̇и, д̇асмаа д̇асса нибпалабхаавам̣ авад̇ваа ‘‘на д̇з хонд̇и махабпалаа’’д̇и гасмаа вуд̇д̇анд̇и ааха ‘‘ниравасзсад̇т̇з’’д̇иаад̣̇и. ануг̇ад̇ам̣ гуланд̇и анугулам̣, гулаануг̇ад̇анд̇и ад̇т̇о. яз нижжабхад̇д̇аад̣̇им̣ буб̣б̣абурисзхи бадтабид̇ам̣ абараабарам̣ анубажчинд̣̇анд̇аа мануссаа д̣̇ад̣̇анд̇и, д̇з анугулам̣ яаж̇анд̇и наама. д̇знзвааха ‘‘яз ан̃н̃з анугулам̣ яаж̇анд̇ий’’д̇иаад̣̇и.
Mahārambhāti bahupasughātakammā. Aṭṭhakathāyaṃ pana ‘‘vividhā yattha haññare’’ti vakkhamānattā ‘‘mahākiccā mahākaraṇīyā’’ti paṭhamo atthavikappo vutto. Dutiyo pana atthavikappo ‘‘mahārambhāti papañcavasena ajeḷakā’’tiādi vuttanti adhippāyena ‘‘apicā’’tiādinā āraddho. Nirārambhāti etthāpi vuttanayena attho veditabbo. Nanu ca pāṇātipātādiakusalakammassa appamattakampi phalaṃ nupalabbhati, tasmā tassa nipphalabhāvaṃ avatvā ‘‘na te honti mahapphalā’’ti kasmā vuttanti āha ‘‘niravasesatthe’’tiādi. Anugataṃ kulanti anukulaṃ, kulānugatanti attho. Ye niccabhattādiṃ pubbapurisehi paṭṭhapitaṃ aparāparaṃ anupacchindantā manussā dadanti, te anukulaṃ yajanti nāma. Tenevāha ‘‘ye aññe anukulaṃ yajantī’’tiādi.
уж̇ж̇аяасуд̇д̇аван̣н̣анаа нидтид̇аа.
Ujjayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. уж̇ж̇аяасуд̇д̇ам̣ • 9. Ujjayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. уж̇ж̇аяасуд̇д̇аван̣н̣анаа • 9. Ujjayasuttavaṇṇanā
