| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. уж̇жхаанасан̃н̃исуд̇д̇аван̣н̣анаа
5. Ujjhānasaññisuttavaṇṇanā
35. уж̇жхаанавасзна бавад̇д̇аа сан̃н̃аа зд̇зсам̣ ад̇т̇и, уж̇жхаанавасзна ваа сан̃ж̇аананд̇ийд̇и уж̇жхаанасан̃н̃ий. гаараязд̇и гад̇аанам̣ барияанд̇ам̣ гаараязд̇и ад̇т̇о. барияанд̇агаарид̇анд̇и барижчиннагаарид̇ам̣ баримид̇аважананд̇и ад̇т̇о. бам̣сугуулаад̣̇ибадибагканаязна бад̇д̇ун̣н̣ад̣̇угулаад̣̇и вуд̇д̇ам̣. наамам̣ г̇ахид̇анд̇и зд̇зна ‘‘уж̇жхаанасан̃н̃игаа’’д̇и зд̇т̇а га-сад̣̇д̣̇о сан̃н̃ааяанд̇и д̣̇ассзд̇и.
35. Ujjhānavasena pavattā saññā etesaṃ atthi, ujjhānavasena vā sañjānantīti ujjhānasaññī. Kārayeti katānaṃ pariyantaṃ kārayeti attho. Pariyantakāritanti paricchinnakāritaṃ parimitavacananti attho. Paṃsukūlādipaṭipakkhanayena pattuṇṇadukulādi vuttaṃ. Nāmaṃ gahitanti etena ‘‘ujjhānasaññikā’’ti ettha ka-saddo saññāyanti dasseti.
ан̃н̃знаагаарзна бхууд̇анд̇и ад̇д̇анаа бавзд̣̇ияамаанаагаарад̇о ан̃н̃зна асуд̣̇д̇хзна аагаарзна виж̇ж̇амаанам̣ убалаб̣бхамаанам̣ ад̇д̇аанам̣. ван̃жзд̇ваад̇и баламбхзд̇ваа. д̇асса гухагасса. д̇ам̣ жад̇уннам̣ бажжаяаанам̣ барибхун̃ж̇анам̣. бариж̇аананд̇ийд̇и д̇асса бадибад̇д̇им̣ барижчиж̇ж̇а ж̇аананд̇и. гаарагод̇и саммаабадибад̇д̇ияаа гад̇д̇аа, саммаабадибаж̇ж̇ид̇аад̇и ад̇т̇о.
Aññenākārena bhūtanti attanā pavediyamānākārato aññena asuddhena ākārena vijjamānaṃ upalabbhamānaṃ attānaṃ. Vañcetvāti palambhetvā. Tassa kuhakassa. Taṃ catunnaṃ paccayānaṃ paribhuñjanaṃ. Parijānantīti tassa paṭipattiṃ paricchijja jānanti. Kārakoti sammāpaṭipattiyā kattā, sammāpaṭipajjitāti attho.
ид̣̇анд̇и лин̇г̇авибаллаасзна вуд̇д̇ам̣, аяанд̇и ад̇т̇о. д̇хаммаануд̇хаммабадибад̣̇аад̇и ниб̣б̣аанад̇хаммасса анужчавигад̇ааяа ануд̇хаммабхууд̇аа бадибад̣̇аа. бадибагкавид̇хаманз асит̇илад̇ааяа д̣̇ал̣хаа. бхаасид̇амад̇д̇зна жа саванамад̇д̇зна жаад̇и зд̇т̇а жа-сад̣̇д̣̇о висзсанивад̇д̇иад̇т̇о. д̇зна бхаасид̇асса суд̇асса жа саммаабадибад̇д̇ивисзсам̣ нивад̇д̇зд̇и. логабарияааяанд̇и логасса баривид̇хаманам̣ уббаад̣̇анирод̇хавасзна сан̇каараанам̣ бараавуд̇д̇им̣. д̇знааха ‘‘сан̇кааралогасса уд̣̇аяаб̣б̣аяа’’нд̇и. свааяамад̇т̇о сажжабадивзд̇хзнзва ход̇ийд̇и ааха ‘‘жад̇усажжад̇хамман̃жа ан̃н̃ааяаа’’д̇и . звам̣ на губ̣б̣анд̇ийд̇и ад̇д̇ани виж̇ж̇амаанамби г̇ун̣ам̣ анаавийгаронд̇о ‘‘яат̇аа д̇умхз вад̣̇ат̇а, звам̣ на губ̣б̣анд̇ий’’д̇и авиж̇ж̇амаанад̇ам̣ б̣яаагарод̇ийд̇и ад̇т̇о.
Idanti liṅgavipallāsena vuttaṃ, ayanti attho. Dhammānudhammapaṭipadāti nibbānadhammassa anucchavikatāya anudhammabhūtā paṭipadā. Paṭipakkhavidhamane asithilatāya daḷhā. Bhāsitamattena ca savanamattena cāti ettha ca-saddo visesanivattiattho. Tena bhāsitassa sutassa ca sammāpaṭipattivisesaṃ nivatteti. Lokapariyāyanti lokassa parividhamanaṃ uppādanirodhavasena saṅkhārānaṃ parāvuttiṃ. Tenāha ‘‘saṅkhāralokassa udayabbaya’’nti. Svāyamattho saccapaṭivedheneva hotīti āha ‘‘catusaccadhammañca aññāyā’’ti . Evaṃ na kubbantīti attani vijjamānampi guṇaṃ anāvīkaronto ‘‘yathā tumhe vadatha, evaṃ na kubbantī’’ti avijjamānataṃ byākarotīti attho.
агаарагамзваад̇и д̣̇осам̣ агаарагамзва. ажжаяасса бадиг̇г̇ан̣ханам̣ наама ад̇хиваасанам̣, звам̣ со д̣̇зсагзна д̣̇зсияамаано д̇ад̇о виг̇ад̇о наама ход̇и. д̇знааха ‘‘бадиг̇г̇ан̣хаад̇ууд̇и камад̇уу’’д̇и.
Akārakamevāti dosaṃ akārakameva. Accayassa paṭiggaṇhanaṃ nāma adhivāsanaṃ, evaṃ so desakena desiyamāno tato vigato nāma hoti. Tenāha ‘‘paṭiggaṇhātūti khamatū’’ti.
сабхаавзнаад̇и сабхаавад̇о. згасад̣̇исанд̇и барзсам̣ жид̇д̇аажаарам̣ ж̇аананд̇амби аж̇аананд̇зхи саха згасад̣̇исам̣ гаронд̇аа. барад̇од̇и бажчаа. гат̇ааяа уббаннааяаад̇и ‘‘гассажжаяаа на виж̇ж̇анд̇ий’’д̇иаад̣̇игат̇ааяа бавад̇д̇амаанааяа ‘‘д̇ат̇ааг̇ад̇асса б̣уд̣̇д̇хассаа’’д̇иаад̣̇инаа б̣уд̣̇д̇хаб̣алам̣ б̣уд̣̇д̇хаанубхаавам̣ д̣̇ийбзд̇ваа. камиссаамийд̇и ажжаяад̣̇зсанам̣ бадиг̇г̇ан̣хиссаами. д̇аббадиг̇г̇ахо хи ид̇ха камананд̇и ад̇хиббзд̇ам̣, сад̇т̇аа бана саб̣б̣агаалам̣ камо зва.
Sabhāvenāti sabhāvato. Ekasadisanti paresaṃ cittācāraṃ jānantampi ajānantehi saha ekasadisaṃ karontā. Paratoti pacchā. Kathāya uppannāyāti ‘‘kassaccayā na vijjantī’’tiādikathāya pavattamānāya ‘‘tathāgatassa buddhassā’’tiādinā buddhabalaṃ buddhānubhāvaṃ dīpetvā. Khamissāmīti accayadesanaṃ paṭiggaṇhissāmi. Tappaṭiggaho hi idha khamananti adhippetaṃ, satthā pana sabbakālaṃ khamo eva.
гобо анд̇арз жид̇д̇з зд̇ассаад̇и гобанд̇аро. д̣̇осо г̇ару г̇аругаад̇аб̣б̣о ассаад̇и д̣̇осаг̇ару. ‘‘бадимужжад̇ий’’д̇и ваа баато, аяамзва ад̇т̇о. ажжааяигагамманд̇и сахасаа анубад̇хаарзд̇ваа гирияаа. но жид̇хаад̇и но жз ид̇ха. ид̇хаад̇и нибаад̇амад̇д̇ам̣. абаг̇ад̇ам̣ абанийд̇ам̣. д̣̇осо но жз сияаа, д̇зна барияааязна яад̣̇и абараад̇хо наама на бхавзяяаад̇и. на саммзяяум̣ на вуубасамзяяум̣. гусалод̇и анаваж̇ж̇о.
Kopo antare citte etassāti kopantaro. Doso garu garukātabbo assāti dosagaru. ‘‘Paṭimuccatī’’ti vā pāṭho, ayameva attho. Accāyikakammanti sahasā anupadhāretvā kiriyā. No cidhāti no ce idha. Idhāti nipātamattaṃ. Apagataṃ apanītaṃ. Doso no ce siyā, tena pariyāyena yadi aparādho nāma na bhaveyyāti. Na sammeyyuṃ na vūpasameyyuṃ. Kusaloti anavajjo.
д̇хийро сад̇од̇и бад̣̇ад̣̇ваязна ваддачинд̣̇ам̣ ааха. го нижжамзва бан̣д̣ид̇о наамаад̇и ад̇т̇од̇и ‘‘гассажжаяаа’’д̇иаад̣̇игааяа бужчааг̇аат̇ааяа ад̇т̇о. д̣̇ийгхамаж̇жхимасам̣ван̣н̣анаасу д̇ат̇ааг̇ад̇а-сад̣̇д̣̇о вид̇т̇аарад̇о сам̣ван̣н̣ид̇од̇и ааха ‘‘звамаад̣̇ийхи гааран̣зхи д̇ат̇ааг̇ад̇ассаа’’д̇и. б̣уд̣̇д̇хад̇д̇аад̣̇ийхийд̇и аад̣̇и-сад̣̇д̣̇зна ‘‘б̣од̇хзд̇аа баж̇ааяаа’’д̇иаад̣̇инаа (махаани. 192; жуул̣ани. баарааяанад̇т̇уд̇иг̇аат̇аанид̣̇д̣̇зса 97) нид̣̇д̣̇зсз ааг̇ад̇агааран̣аани сан̇г̇аяханд̇и. вимогкам̣ вужжад̇и арияамаг̇г̇о, д̇асса анд̇о аг̇г̇апалам̣, д̇ад̇т̇а бхаваа бан̣н̣ад̇д̇и, д̇ассаа васзна. звам̣ б̣уд̣̇д̇хаб̣алам̣ д̣̇ийбзд̇и. ид̣̇аани кид̇д̇ам̣ сан̇кзбзна сам̣хараабид̇ам̣ ход̇ийд̇и д̣̇ассзд̇и.
Dhīro satoti padadvayena vaṭṭachindaṃ āha. Ko niccameva paṇḍito nāmāti atthoti ‘‘kassaccayā’’tiādikāya pucchāgāthāya attho. Dīghamajjhimasaṃvaṇṇanāsu tathāgata-saddo vitthārato saṃvaṇṇitoti āha ‘‘evamādīhi kāraṇehi tathāgatassā’’ti. Buddhattādīhīti ādi-saddena ‘‘bodhetā pajāyā’’tiādinā (mahāni. 192; cūḷani. pārāyanatthutigāthāniddesa 97) niddese āgatakāraṇāni saṅgayhanti. Vimokkhaṃ vuccati ariyamaggo, tassa anto aggaphalaṃ, tattha bhavā paṇṇatti, tassā vasena. Evaṃ buddhabalaṃ dīpeti. Idāni khittaṃ saṅkhepena saṃharāpitaṃ hotīti dasseti.
уж̇жхаанасан̃н̃исуд̇д̇аван̣н̣анаа нидтид̇аа.
Ujjhānasaññisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. уж̇жхаанасан̃н̃исуд̇д̇ам̣ • 5. Ujjhānasaññisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. уж̇жхаанасан̃н̃исуд̇д̇аван̣н̣анаа • 5. Ujjhānasaññisuttavaṇṇanā
