| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
3. உஜ்ஜா²பனகஸிக்கா²பத³வண்ணனா
3. Ujjhāpanakasikkhāpadavaṇṇanā
103. ‘‘ச²ந்தா³யா’’தி அக்க²ரக்க²ராயாதிஆதி³ விய லிங்க³விபல்லாஸேன வுத்தங், ச²ந்த³த்த²ந்தி வா அத்தோ². யேஸங் ஸேனாஸனானி பஞ்ஞபேதி, தேஸங் அத்தனி ச²ந்த³த்த²ந்தி அதி⁴ப்பாயோ.
103.‘‘Chandāyā’’ti akkharakkharāyātiādi viya liṅgavipallāsena vuttaṃ, chandatthanti vā attho. Yesaṃ senāsanāni paññapeti, tesaṃ attani chandatthanti adhippāyo.
106. அனுபஸம்பன்னந்திஆதீ³ஸு கரணத்தோ² க³ஹேதப்³போ³. அஞ்ஞங் அனுபஸம்பன்னந்தி அஞ்ஞேன அனுபஸம்பன்னேன. தஸ்ஸ வாதி அனுபஸம்பன்னஸ்ஸ. ‘‘ஸம்முதிகாலே பஞ்சங்க³விரஹாத³யோ அஸம்மதா நாமா’’தி, ‘‘உபஸம்பன்னேன லத்³த⁴ஸம்முதி ஸிக்கா²பச்சக்கா²னேன வினஸ்ஸதீ’’தி ச வுத்தங். ஸங்கே⁴னாதி ஸப்³பே³ன ஸங்கே⁴ன கம்மவாசாய அஸ்ஸாவெத்வா ‘‘தவேஸோ பா⁴ரோ’’தி கேவலங் ஆரோபிதபா⁴ரோ. கேவல-ஸத்³தோ³ ஹெத்த² கம்மவாசாய அஸ்ஸாவிதபா⁴வமத்தமேவ தீ³பேதி. ஸயமேவாதி இதரேஸங் பி⁴க்கூ²னங் அனுமதியா. அபூ⁴தேன கீ²யனகஸ்ஸ ஆதி³கம்மிகஸ்ஸ கத²ங் அனாபத்தீதி சே? இமினா ஸிக்கா²பதே³ன. முஸாவாதே³ ஆபத்தியேவ த்³வே பாசித்தியோ வுத்தா விய தி³ஸ்ஸந்தி புப்³ப³பயோகே³ ருக்கா²தி³சி²ந்த³னாதீ³ஸு விய, விசாரேதப்³ப³ங்.
106.Anupasampannantiādīsu karaṇattho gahetabbo. Aññaṃ anupasampannanti aññena anupasampannena. Tassa vāti anupasampannassa. ‘‘Sammutikāle pañcaṅgavirahādayo asammatā nāmā’’ti, ‘‘upasampannena laddhasammuti sikkhāpaccakkhānena vinassatī’’ti ca vuttaṃ. Saṅghenāti sabbena saṅghena kammavācāya assāvetvā ‘‘taveso bhāro’’ti kevalaṃ āropitabhāro. Kevala-saddo hettha kammavācāya assāvitabhāvamattameva dīpeti. Sayamevāti itaresaṃ bhikkhūnaṃ anumatiyā. Abhūtena khīyanakassa ādikammikassa kathaṃ anāpattīti ce? Iminā sikkhāpadena. Musāvāde āpattiyeva dve pācittiyo vuttā viya dissanti pubbapayoge rukkhādichindanādīsu viya, vicāretabbaṃ.
உஜ்ஜா²பனகஸிக்கா²பத³வண்ணனா நிட்டி²தா.
Ujjhāpanakasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. பூ⁴தகா³மவக்³கோ³ • 2. Bhūtagāmavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. உஜ்ஜா²பனகஸிக்கா²பத³வண்ணனா • 3. Ujjhāpanakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. உஜ்ஜா²பனகஸிக்கா²பத³வண்ணனா • 3. Ujjhāpanakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 3. உஜ்ஜா²பனகஸிக்கா²பத³வண்ணனா • 3. Ujjhāpanakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. உஜ்ஜா²பனகஸிக்கா²பத³ங் • 3. Ujjhāpanakasikkhāpadaṃ
