| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
3. உஜ்ஜா²பனகஸிக்கா²பத³வண்ணனா
3. Ujjhāpanakasikkhāpadavaṇṇanā
103. ததியே சிந்தாயனத்த²ஸ்ஸ ஜே²-தா⁴துஸ்ஸ அனேகத்த²தாய ஓலோகனத்த²ஸம்ப⁴வதோ வுத்தங் ‘‘ஓலோகாபெந்தீ’’தி. ச²ந்தா³யாதி லிங்க³விபல்லாஸோதி ஆஹ ‘‘ச²ந்தே³னா’’தி.
103. Tatiye cintāyanatthassa jhe-dhātussa anekatthatāya olokanatthasambhavato vuttaṃ ‘‘olokāpentī’’ti. Chandāyāti liṅgavipallāsoti āha ‘‘chandenā’’ti.
105. பி⁴க்கு²ங் லாமகதோ சிந்தாபனத்த²ங் அஞ்ஞேஸங் தங் அவண்ணகத²னங் உஜ்ஜா²பனங் நாம. அஞ்ஞேஸங் பன அவத்வா அஞ்ஞமஞ்ஞங் ஸமுல்லபனவஸேன பி⁴க்கு²னோ தோ³ஸப்பகாஸனங் கி²ய்யனங் நாமாதி அயமேதேஸங் பே⁴தோ³.
105. Bhikkhuṃ lāmakato cintāpanatthaṃ aññesaṃ taṃ avaṇṇakathanaṃ ujjhāpanaṃ nāma. Aññesaṃ pana avatvā aññamaññaṃ samullapanavasena bhikkhuno dosappakāsanaṃ khiyyanaṃ nāmāti ayametesaṃ bhedo.
106. அஞ்ஞங் அனுபஸம்பன்னங் உஜ்ஜா²பேதீதி அஞ்ஞேன அனுபஸம்பன்னேன உஜ்ஜா²பேதி. தஸ்ஸ வா தங் ஸந்திகேதி தஸ்ஸ அனுபஸம்பன்னஸ்ஸ ஸந்திகே தங் ஸங்கே⁴ன ஸம்மதங் உபஸம்பன்னங் கி²ய்யதி. இதா⁴பி முஸாவாதே³ன உஜ்ஜா²பனாதீ³னங் ஸம்ப⁴வதோ து³க்கடட்டா²னானி ச ஆதி³கம்மிகஸ்ஸ அனாபத்தி ச இமினா ஏவ ஸிக்கா²பதே³ன வுத்தாதி வேதி³தப்³ப³ங் ஸப்³ப³த்த² முஸாவாத³பாசித்தியஸ்ஸ அனிவத்திதோ. த⁴ம்மகம்மேன ஸம்மததா, உபஸம்பன்னதா, அக³திக³மனாபா⁴வோ, தஸ்ஸ அவண்ணகாமதா, யஸ்ஸ ஸந்திகே வத³தி. தஸ்ஸ உபஸம்பன்னதா, உஜ்ஜா²பனங் வா கி²ய்யனங் வாதி இமானெத்த² ச² அங்கா³னி.
106.Aññaṃ anupasampannaṃ ujjhāpetīti aññena anupasampannena ujjhāpeti. Tassa vā taṃ santiketi tassa anupasampannassa santike taṃ saṅghena sammataṃ upasampannaṃ khiyyati. Idhāpi musāvādena ujjhāpanādīnaṃ sambhavato dukkaṭaṭṭhānāni ca ādikammikassa anāpatti ca iminā eva sikkhāpadena vuttāti veditabbaṃ sabbattha musāvādapācittiyassa anivattito. Dhammakammena sammatatā, upasampannatā, agatigamanābhāvo, tassa avaṇṇakāmatā, yassa santike vadati. Tassa upasampannatā, ujjhāpanaṃ vā khiyyanaṃ vāti imānettha cha aṅgāni.
உஜ்ஜா²பனகஸிக்கா²பத³வண்ணனா நிட்டி²தா.
Ujjhāpanakasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. பூ⁴தகா³மவக்³கோ³ • 2. Bhūtagāmavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. உஜ்ஜா²பனகஸிக்கா²பத³வண்ணனா • 3. Ujjhāpanakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. உஜ்ஜா²பனகஸிக்கா²பத³வண்ணனா • 3. Ujjhāpanakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. உஜ்ஜா²பனகஸிக்கா²பத³வண்ணனா • 3. Ujjhāpanakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. உஜ்ஜா²பனகஸிக்கா²பத³ங் • 3. Ujjhāpanakasikkhāpadaṃ
