| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. уж̇жхаабанагасигкаабад̣̇аван̣н̣анаа
3. Ujjhāpanakasikkhāpadavaṇṇanā
язна важанзнаад̇и ‘‘чанд̣̇ааяа ид̇т̇аннаамо ид̣̇ам̣ наама гарод̇ий’’д̇иаад̣̇игзна язна важанзна. д̇знааха ‘‘чанд̣̇ааяаа’’д̇иаад̣̇и. д̇ад̇т̇а чанд̣̇ааяаад̇и чанд̣̇зна багкабаад̇зна. ‘‘агкарааяа ваажзд̇ий’’д̇иаад̣̇ийсу (баажи. 46) вияа лин̇г̇авибаллаасо зса. ид̣̇ам̣ наама гарод̇ийд̇и ад̇д̇ано санд̣̇идтасамбхад̇д̇аанам̣ бан̣ийд̇ам̣ сзнаасанам̣ ваа бан̃н̃абзд̇и, бхад̇д̇аад̣̇игам̣ ваад̇и ад̇хиббааяо. сзнаасанабан̃н̃аабагаад̣̇ибхзд̣̇анд̇и зд̇т̇а аад̣̇исад̣̇д̣̇зна бхад̇д̇уд̣̇д̣̇зсагаяааг̇убхааж̇агапалабхааж̇агаад̣̇ийнам̣ г̇ахан̣ам̣. анзгад̇т̇ад̇д̇аа д̇хаад̇уунам̣ жхз-сад̣̇д̣̇о ологанад̇т̇оби ход̇ийд̇и ааха ‘‘аван̃н̃ааяа ологаабзнд̇ий’’д̇и. жинд̇анад̇т̇оязва ваа г̇ахзд̇аб̣б̣од̇и ааха ‘‘лаамагад̇о ваа жинд̇аабзнд̇ий’’д̇и. д̇ат̇зва вад̣̇анд̇аад̇и ‘‘чанд̣̇ааяа ид̇т̇аннаамо ид̣̇ам̣ наама гарод̇ий’’д̇иаад̣̇ийни вад̣̇анд̇аа. вуд̇д̇анд̇и баал̣ияам̣ вуд̇д̇ам̣. ‘‘кияяанагз’’д̇и (баажи. адта. 105) аяамзд̇т̇а анубан̃н̃ад̇д̇и.
Yenavacanenāti ‘‘chandāya itthannāmo idaṃ nāma karotī’’tiādikena yena vacanena. Tenāha ‘‘chandāyā’’tiādi. Tattha chandāyāti chandena pakkhapātena. ‘‘Akkharāya vācetī’’tiādīsu (pāci. 46) viya liṅgavipallāso esa. Idaṃ nāma karotīti attano sandiṭṭhasambhattānaṃ paṇītaṃ senāsanaṃ vā paññapeti, bhattādikaṃ vāti adhippāyo. Senāsanapaññāpakādibhedanti ettha ādisaddena bhattuddesakayāgubhājakaphalabhājakādīnaṃ gahaṇaṃ. Anekatthattā dhātūnaṃ jhe-saddo olokanatthopi hotīti āha ‘‘avaññāya olokāpentī’’ti. Cintanatthoyeva vā gahetabboti āha ‘‘lāmakato vā cintāpentī’’ti. Tatheva vadantāti ‘‘chandāya itthannāmo idaṃ nāma karotī’’tiādīni vadantā. Vuttanti pāḷiyaṃ vuttaṃ. ‘‘Khiyyanake’’ti (pāci. aṭṭha. 105) ayamettha anupaññatti.
асаммад̇ассаад̇и сан̇гхзна гаммаваажааяа асаммад̇асса. гзвалам̣ ‘‘д̇авзсо бхааро’’д̇и сан̇гхзна ааробид̇абхаарасса, бхигкуунам̣ ваа паасувихаарад̇т̇ааяа саяамзва бхаарам̣ ваханд̇асса, яад̇ра ваа д̣̇вз д̇аяо бхигкуу вихаранд̇и, д̇ад̇ра д̇аад̣̇исам̣ гаммам̣ гаронд̇ассаад̇и ад̇хиббааяо. яасса гассажийд̇и убасамбаннасса ваа анубасамбаннасса ваа яасса гассажи. анубасамбаннасса бана саммад̇асса ваа асаммад̇асса ваад̇и зд̇т̇а бана (баажи. адта. 106) гин̃жааби анубасамбаннасса д̇зраса саммад̇ияо д̣̇аад̇ум̣ на вадданд̇и, д̇ат̇ааби яо убасамбаннагаалз лад̣̇д̇хасаммуд̇иго бажчаа анубасамбаннабхаавз тид̇о, д̇ам̣ санд̇хааяа ‘‘саммад̇асса ваа’’д̇и вуд̇д̇ам̣. яасса бана б̣яад̇д̇асса сааман̣зрасса гзвалам̣ сан̇гхзна ваа саммад̇зна ваа бхигкунаа ‘‘д̇вам̣ ид̣̇ам̣ гаммам̣ гарохий’’д̇и бхааро гад̇о, д̇ам̣ санд̇хааяа ‘‘асаммад̇асса ваа’’д̇и вуд̇д̇ам̣. яасмаа уж̇жхаабанан̃жа кияяанан̃жа мусааваад̣̇авасзна бавад̇д̇ам̣, д̇асмаа аад̣̇игаммигасса иминаава анаабад̇д̇и, мусааваад̣̇зна бана аабад̇д̇иязваад̇и г̇ахзд̇аб̣б̣ам̣.
Asammatassāti saṅghena kammavācāya asammatassa. Kevalaṃ ‘‘taveso bhāro’’ti saṅghena āropitabhārassa, bhikkhūnaṃ vā phāsuvihāratthāya sayameva bhāraṃ vahantassa, yatra vā dve tayo bhikkhū viharanti, tatra tādisaṃ kammaṃ karontassāti adhippāyo. Yassa kassacīti upasampannassa vā anupasampannassa vā yassa kassaci. Anupasampannassa pana sammatassa vā asammatassavāti ettha pana (pāci. aṭṭha. 106) kiñcāpi anupasampannassa terasa sammatiyo dātuṃ na vaṭṭanti, tathāpi yo upasampannakāle laddhasammutiko pacchā anupasampannabhāve ṭhito, taṃ sandhāya ‘‘sammatassa vā’’ti vuttaṃ. Yassa pana byattassa sāmaṇerassa kevalaṃ saṅghena vā sammatena vā bhikkhunā ‘‘tvaṃ idaṃ kammaṃ karohī’’ti bhāro kato, taṃ sandhāya ‘‘asammatassa vā’’ti vuttaṃ. Yasmā ujjhāpanañca khiyyanañca musāvādavasena pavattaṃ, tasmā ādikammikassa imināva anāpatti, musāvādena pana āpattiyevāti gahetabbaṃ.
уж̇жхаабанагасигкаабад̣̇аван̣н̣анаа нидтид̇аа.
Ujjhāpanakasikkhāpadavaṇṇanā niṭṭhitā.
