| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
3. уж̇жхаабанагасигкаабад̣̇аван̣н̣анаа
3. Ujjhāpanakasikkhāpadavaṇṇanā
103. д̇ад̇ияз жинд̇ааяанад̇т̇асса жхз-д̇хаад̇усса анзгад̇т̇ад̇ааяа ологанад̇т̇асамбхавад̇о вуд̇д̇ам̣ ‘‘ологаабзнд̇ий’’д̇и. чанд̣̇ааяаад̇и лин̇г̇авибаллаасод̇и ааха ‘‘чанд̣̇знаа’’д̇и.
103. Tatiye cintāyanatthassa jhe-dhātussa anekatthatāya olokanatthasambhavato vuttaṃ ‘‘olokāpentī’’ti. Chandāyāti liṅgavipallāsoti āha ‘‘chandenā’’ti.
105. бхигкум̣ лаамагад̇о жинд̇аабанад̇т̇ам̣ ан̃н̃зсам̣ д̇ам̣ аван̣н̣агат̇анам̣ уж̇жхаабанам̣ наама. ан̃н̃зсам̣ бана авад̇ваа ан̃н̃аман̃н̃ам̣ самуллабанавасзна бхигкуно д̣̇осаббагаасанам̣ кияяанам̣ наамаад̇и аяамзд̇зсам̣ бхзд̣̇о.
105. Bhikkhuṃ lāmakato cintāpanatthaṃ aññesaṃ taṃ avaṇṇakathanaṃ ujjhāpanaṃ nāma. Aññesaṃ pana avatvā aññamaññaṃ samullapanavasena bhikkhuno dosappakāsanaṃ khiyyanaṃ nāmāti ayametesaṃ bhedo.
106. ан̃н̃ам̣ анубасамбаннам̣ уж̇жхаабзд̇ийд̇и ан̃н̃зна анубасамбаннзна уж̇жхаабзд̇и. д̇асса ваа д̇ам̣ санд̇игзд̇и д̇асса анубасамбаннасса санд̇игз д̇ам̣ сан̇гхзна саммад̇ам̣ убасамбаннам̣ кияяад̇и. ид̇хааби мусааваад̣̇зна уж̇жхаабанаад̣̇ийнам̣ самбхавад̇о д̣̇уггададтаанаани жа аад̣̇игаммигасса анаабад̇д̇и жа иминаа зва сигкаабад̣̇зна вуд̇д̇аад̇и взд̣̇ид̇аб̣б̣ам̣ саб̣б̣ад̇т̇а мусааваад̣̇абаажид̇д̇ияасса анивад̇д̇ид̇о. д̇хаммагаммзна саммад̇ад̇аа, убасамбаннад̇аа, аг̇ад̇иг̇аманаабхааво, д̇асса аван̣н̣агаамад̇аа, яасса санд̇игз вад̣̇ад̇и. д̇асса убасамбаннад̇аа, уж̇жхаабанам̣ ваа кияяанам̣ ваад̇и имаанзд̇т̇а ча ан̇г̇аани.
106.Aññaṃ anupasampannaṃ ujjhāpetīti aññena anupasampannena ujjhāpeti. Tassa vā taṃ santiketi tassa anupasampannassa santike taṃ saṅghena sammataṃ upasampannaṃ khiyyati. Idhāpi musāvādena ujjhāpanādīnaṃ sambhavato dukkaṭaṭṭhānāni ca ādikammikassa anāpatti ca iminā eva sikkhāpadena vuttāti veditabbaṃ sabbattha musāvādapācittiyassa anivattito. Dhammakammena sammatatā, upasampannatā, agatigamanābhāvo, tassa avaṇṇakāmatā, yassa santike vadati. Tassa upasampannatā, ujjhāpanaṃ vā khiyyanaṃ vāti imānettha cha aṅgāni.
уж̇жхаабанагасигкаабад̣̇аван̣н̣анаа нидтид̇аа.
Ujjhāpanakasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. уж̇жхаабанагасигкаабад̣̇аван̣н̣анаа • 3. Ujjhāpanakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. уж̇жхаабанагасигкаабад̣̇аван̣н̣анаа • 3. Ujjhāpanakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. уж̇жхаабанагасигкаабад̣̇аван̣н̣анаа • 3. Ujjhāpanakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. уж̇жхаабанагасигкаабад̣̇ам̣ • 3. Ujjhāpanakasikkhāpadaṃ
