| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
3. උජ්‌ඣාපනකසික්‌ඛාපදවණ්‌ණනා
3. Ujjhāpanakasikkhāpadavaṇṇanā
103. ‘‘ඡන්‌දායා’’ති අක්‌ඛරක්‌ඛරායාතිආදි විය ලිඞ්‌ගවිපල්‌ලාසෙන වුත්‌තං, ඡන්‌දත්‌ථන්‌ති වා අත්‌ථො. යෙසං සෙනාසනානි පඤ්‌ඤපෙති, තෙසං අත්‌තනි ඡන්‌දත්‌ථන්‌ති අධිප්‌පායො.
103.‘‘Chandāyā’’ti akkharakkharāyātiādi viya liṅgavipallāsena vuttaṃ, chandatthanti vā attho. Yesaṃ senāsanāni paññapeti, tesaṃ attani chandatthanti adhippāyo.
106. අනුපසම්‌පන්‌නන්‌තිආදීසු කරණත්‌ථො ගහෙතබ්‌බො. අඤ්‌ඤං අනුපසම්‌පන්‌නන්‌ති අඤ්‌ඤෙන අනුපසම්‌පන්‌නෙන. තස්‌ස වාති අනුපසම්‌පන්‌නස්‌ස. ‘‘සම්‌මුතිකාලෙ පඤ්‌චඞ්‌ගවිරහාදයො අසම්‌මතා නාමා’’ති, ‘‘උපසම්‌පන්‌නෙන ලද්‌ධසම්‌මුති සික්‌ඛාපච්‌චක්‌ඛානෙන විනස්‌සතී’’ති ච වුත්‌තං. සඞ්‌ඝෙනාති සබ්‌බෙන සඞ්‌ඝෙන කම්‌මවාචාය අස්‌සාවෙත්‌වා ‘‘තවෙසො භාරො’’ති කෙවලං ආරොපිතභාරො. කෙවල-සද්‌දො හෙත්‌ථ කම්‌මවාචාය අස්‌සාවිතභාවමත්‌තමෙව දීපෙති. සයමෙවාති ඉතරෙසං භික්‌ඛූනං අනුමතියා. අභූතෙන ඛීයනකස්‌ස ආදිකම්‌මිකස්‌ස කථං අනාපත්‌තීති චෙ? ඉමිනා සික්‌ඛාපදෙන. මුසාවාදෙ ආපත්‌තියෙව ද්‌වෙ පාචිත්‌තියො වුත්‌තා විය දිස්‌සන්‌ති පුබ්‌බපයොගෙ රුක්‌ඛාදිඡින්‌දනාදීසු විය, විචාරෙතබ්‌බං.
106.Anupasampannantiādīsu karaṇattho gahetabbo. Aññaṃ anupasampannanti aññena anupasampannena. Tassa vāti anupasampannassa. ‘‘Sammutikāle pañcaṅgavirahādayo asammatā nāmā’’ti, ‘‘upasampannena laddhasammuti sikkhāpaccakkhānena vinassatī’’ti ca vuttaṃ. Saṅghenāti sabbena saṅghena kammavācāya assāvetvā ‘‘taveso bhāro’’ti kevalaṃ āropitabhāro. Kevala-saddo hettha kammavācāya assāvitabhāvamattameva dīpeti. Sayamevāti itaresaṃ bhikkhūnaṃ anumatiyā. Abhūtena khīyanakassa ādikammikassa kathaṃ anāpattīti ce? Iminā sikkhāpadena. Musāvāde āpattiyeva dve pācittiyo vuttā viya dissanti pubbapayoge rukkhādichindanādīsu viya, vicāretabbaṃ.
උජ්‌ඣාපනකසික්‌ඛාපදවණ්‌ණනා නිට්‌ඨිතා.
Ujjhāpanakasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 2. භූතගාමවග්‌ගො • 2. Bhūtagāmavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 3. උජ්‌ඣාපනකසික්‌ඛාපදවණ්‌ණනා • 3. Ujjhāpanakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 3. උජ්‌ඣාපනකසික්‌ඛාපදවණ්‌ණනා • 3. Ujjhāpanakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 3. උජ්‌ඣාපනකසික්‌ඛාපදවණ්‌ණනා • 3. Ujjhāpanakasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 3. උජ්‌ඣාපනකසික්‌ඛාපදං • 3. Ujjhāpanakasikkhāpadaṃ
