| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༣. ཨུཛ྄ཛྷཱཔནཀསིཀྑཱཔདཝཎྞནཱ
3. Ujjhāpanakasikkhāpadavaṇṇanā
༡༠༣. ‘‘ཚནྡཱཡཱ’’ཏི ཨཀྑརཀྑརཱཡཱཏིཨཱདི ཝིཡ ལིངྒཝིཔལླཱསེན ཝུཏྟཾ, ཚནྡཏྠནྟི ཝཱ ཨཏྠོ། ཡེསཾ སེནཱསནཱནི པཉྙཔེཏི, ཏེསཾ ཨཏྟནི ཚནྡཏྠནྟི ཨདྷིཔྤཱཡོ།
103.‘‘Chandāyā’’ti akkharakkharāyātiādi viya liṅgavipallāsena vuttaṃ, chandatthanti vā attho. Yesaṃ senāsanāni paññapeti, tesaṃ attani chandatthanti adhippāyo.
༡༠༦. ཨནུཔསམྤནྣནྟིཨཱདཱིསུ ཀརཎཏྠོ གཧེཏབྦོ། ཨཉྙཾ ཨནུཔསམྤནྣནྟི ཨཉྙེན ཨནུཔསམྤནྣེན། ཏསྶ ཝཱཏི ཨནུཔསམྤནྣསྶ། ‘‘སམྨུཏིཀཱལེ པཉྩངྒཝིརཧཱདཡོ ཨསམྨཏཱ ནཱམཱ’’ཏི, ‘‘ཨུཔསམྤནྣེན ལདྡྷསམྨུཏི སིཀྑཱཔཙྩཀྑཱནེན ཝིནསྶཏཱི’’ཏི ཙ ཝུཏྟཾ། སངྒྷེནཱཏི སབྦེན སངྒྷེན ཀམྨཝཱཙཱཡ ཨསྶཱཝེཏྭཱ ‘‘ཏཝེསོ བྷཱརོ’’ཏི ཀེཝལཾ ཨཱརོཔིཏབྷཱརོ། ཀེཝལ-སདྡོ ཧེཏྠ ཀམྨཝཱཙཱཡ ཨསྶཱཝིཏབྷཱཝམཏྟམེཝ དཱིཔེཏི། སཡམེཝཱཏི ཨིཏརེསཾ བྷིཀྑཱུནཾ ཨནུམཏིཡཱ། ཨབྷཱུཏེན ཁཱིཡནཀསྶ ཨཱདིཀམྨིཀསྶ ཀཐཾ ཨནཱཔཏྟཱིཏི ཙེ? ཨིམིནཱ སིཀྑཱཔདེན། མུསཱཝཱདེ ཨཱཔཏྟིཡེཝ དྭེ པཱཙིཏྟིཡོ ཝུཏྟཱ ཝིཡ དིསྶནྟི པུབྦཔཡོགེ རུཀྑཱདིཚིནྡནཱདཱིསུ ཝིཡ, ཝིཙཱརེཏབྦཾ།
106.Anupasampannantiādīsu karaṇattho gahetabbo. Aññaṃ anupasampannanti aññena anupasampannena. Tassa vāti anupasampannassa. ‘‘Sammutikāle pañcaṅgavirahādayo asammatā nāmā’’ti, ‘‘upasampannena laddhasammuti sikkhāpaccakkhānena vinassatī’’ti ca vuttaṃ. Saṅghenāti sabbena saṅghena kammavācāya assāvetvā ‘‘taveso bhāro’’ti kevalaṃ āropitabhāro. Kevala-saddo hettha kammavācāya assāvitabhāvamattameva dīpeti. Sayamevāti itaresaṃ bhikkhūnaṃ anumatiyā. Abhūtena khīyanakassa ādikammikassa kathaṃ anāpattīti ce? Iminā sikkhāpadena. Musāvāde āpattiyeva dve pācittiyo vuttā viya dissanti pubbapayoge rukkhādichindanādīsu viya, vicāretabbaṃ.
ཨུཛ྄ཛྷཱཔནཀསིཀྑཱཔདཝཎྞནཱ ནིཊྛིཏཱ།
Ujjhāpanakasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. བྷཱུཏགཱམཝགྒོ • 2. Bhūtagāmavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༣. ཨུཛ྄ཛྷཱཔནཀསིཀྑཱཔདཝཎྞནཱ • 3. Ujjhāpanakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༣. ཨུཛ྄ཛྷཱཔནཀསིཀྑཱཔདཝཎྞནཱ • 3. Ujjhāpanakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༣. ཨུཛ྄ཛྷཱཔནཀསིཀྑཱཔདཝཎྞནཱ • 3. Ujjhāpanakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༣. ཨུཛ྄ཛྷཱཔནཀསིཀྑཱཔདཾ • 3. Ujjhāpanakasikkhāpadaṃ
