| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੩. ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ
3. Ujjhāpanakasikkhāpadavaṇṇanā
੧੦੩. ‘‘ਛਨ੍ਦਾਯਾ’’ਤਿ ਅਕ੍ਖਰਕ੍ਖਰਾਯਾਤਿਆਦਿ વਿਯ ਲਿਙ੍ਗવਿਪਲ੍ਲਾਸੇਨ વੁਤ੍ਤਂ, ਛਨ੍ਦਤ੍ਥਨ੍ਤਿ વਾ ਅਤ੍ਥੋ। ਯੇਸਂ ਸੇਨਾਸਨਾਨਿ ਪਞ੍ਞਪੇਤਿ, ਤੇਸਂ ਅਤ੍ਤਨਿ ਛਨ੍ਦਤ੍ਥਨ੍ਤਿ ਅਧਿਪ੍ਪਾਯੋ।
103.‘‘Chandāyā’’ti akkharakkharāyātiādi viya liṅgavipallāsena vuttaṃ, chandatthanti vā attho. Yesaṃ senāsanāni paññapeti, tesaṃ attani chandatthanti adhippāyo.
੧੦੬. ਅਨੁਪਸਮ੍ਪਨ੍ਨਨ੍ਤਿਆਦੀਸੁ ਕਰਣਤ੍ਥੋ ਗਹੇਤਬ੍ਬੋ। ਅਞ੍ਞਂ ਅਨੁਪਸਮ੍ਪਨ੍ਨਨ੍ਤਿ ਅਞ੍ਞੇਨ ਅਨੁਪਸਮ੍ਪਨ੍ਨੇਨ। ਤਸ੍ਸ વਾਤਿ ਅਨੁਪਸਮ੍ਪਨ੍ਨਸ੍ਸ। ‘‘ਸਮ੍ਮੁਤਿਕਾਲੇ ਪਞ੍ਚਙ੍ਗવਿਰਹਾਦਯੋ ਅਸਮ੍ਮਤਾ ਨਾਮਾ’’ਤਿ, ‘‘ਉਪਸਮ੍ਪਨ੍ਨੇਨ ਲਦ੍ਧਸਮ੍ਮੁਤਿ ਸਿਕ੍ਖਾਪਚ੍ਚਕ੍ਖਾਨੇਨ વਿਨਸ੍ਸਤੀ’’ਤਿ ਚ વੁਤ੍ਤਂ। ਸਙ੍ਘੇਨਾਤਿ ਸਬ੍ਬੇਨ ਸਙ੍ਘੇਨ ਕਮ੍ਮવਾਚਾਯ ਅਸ੍ਸਾવੇਤ੍વਾ ‘‘ਤવੇਸੋ ਭਾਰੋ’’ਤਿ ਕੇવਲਂ ਆਰੋਪਿਤਭਾਰੋ। ਕੇવਲ-ਸਦ੍ਦੋ ਹੇਤ੍ਥ ਕਮ੍ਮવਾਚਾਯ ਅਸ੍ਸਾવਿਤਭਾવਮਤ੍ਤਮੇવ ਦੀਪੇਤਿ। ਸਯਮੇવਾਤਿ ਇਤਰੇਸਂ ਭਿਕ੍ਖੂਨਂ ਅਨੁਮਤਿਯਾ। ਅਭੂਤੇਨ ਖੀਯਨਕਸ੍ਸ ਆਦਿਕਮ੍ਮਿਕਸ੍ਸ ਕਥਂ ਅਨਾਪਤ੍ਤੀਤਿ ਚੇ? ਇਮਿਨਾ ਸਿਕ੍ਖਾਪਦੇਨ। ਮੁਸਾવਾਦੇ ਆਪਤ੍ਤਿਯੇવ ਦ੍વੇ ਪਾਚਿਤ੍ਤਿਯੋ વੁਤ੍ਤਾ વਿਯ ਦਿਸ੍ਸਨ੍ਤਿ ਪੁਬ੍ਬਪਯੋਗੇ ਰੁਕ੍ਖਾਦਿਛਿਨ੍ਦਨਾਦੀਸੁ વਿਯ, વਿਚਾਰੇਤਬ੍ਬਂ।
106.Anupasampannantiādīsu karaṇattho gahetabbo. Aññaṃ anupasampannanti aññena anupasampannena. Tassa vāti anupasampannassa. ‘‘Sammutikāle pañcaṅgavirahādayo asammatā nāmā’’ti, ‘‘upasampannena laddhasammuti sikkhāpaccakkhānena vinassatī’’ti ca vuttaṃ. Saṅghenāti sabbena saṅghena kammavācāya assāvetvā ‘‘taveso bhāro’’ti kevalaṃ āropitabhāro. Kevala-saddo hettha kammavācāya assāvitabhāvamattameva dīpeti. Sayamevāti itaresaṃ bhikkhūnaṃ anumatiyā. Abhūtena khīyanakassa ādikammikassa kathaṃ anāpattīti ce? Iminā sikkhāpadena. Musāvāde āpattiyeva dve pācittiyo vuttā viya dissanti pubbapayoge rukkhādichindanādīsu viya, vicāretabbaṃ.
ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ujjhāpanakasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ • 3. Ujjhāpanakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ • 3. Ujjhāpanakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ • 3. Ujjhāpanakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਉਜ੍ਝਾਪਨਕਸਿਕ੍ਖਾਪਦਂ • 3. Ujjhāpanakasikkhāpadaṃ
