| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4-5. உக்கசேலஸுத்தாதி³வண்ணனா
4-5. Ukkacelasuttādivaṇṇanā
380-381. சதுத்தே² அசிரபரினிப்³பு³தேஸு ஸாரிபுத்தமொக்³க³ல்லானேஸூதி நசிரபரினிப்³பு³தேஸு த்³வீஸு அக்³க³ஸாவகேஸு. தேஸஞ்ஹி த⁴ம்மஸேனாபதி கத்திகமாஸபுண்ணமாய பரினிப்³பு³தோ, மஹாமொக்³க³ல்லானோ ததோ அட்³ட⁴மாஸங் அதிக்கம்ம அமாவஸுபோஸதே². ஸத்தா² த்³வீஸு அக்³க³ஸாவகேஸு பரினிப்³பு³தேஸு மஹாபி⁴க்கு²ஸங்க⁴பரிவாரோ மஹாமண்ட³லே சாரிகங் சரமானோ அனுபுப்³பே³ன உக்கசேலனக³ரங் பத்வா தத்த² பிண்டா³ய சரித்வா க³ங்கா³பிட்டே² ரஜதபட்டவண்ணவாலிகாபுலினே விஹாஸி. தேன வுத்தங் ‘‘அசிரபரினிப்³பு³தேஸு ஸாரிபுத்தமொக்³க³ல்லானேஸூ’’தி. யே மஹந்ததரா க²ந்தா⁴ தே பலுஜ்ஜெய்யுந்தி இதா⁴பி யோஜனஸதுப்³பே³தோ⁴ மஹாஜம்பு³ருக்கோ² விய பி⁴க்கு²ஸங்கோ⁴, தஸ்ஸ த³க்கி²ணதோ ச உத்தரதோ ச க³தா பண்ணாஸயோஜனிகா த்³வே மஹாக²ந்தா⁴ விய த்³வே அக்³க³ஸாவகாதி. ஸேஸங் புரிமனயேனேவ யோஜேதப்³ப³ங். பஞ்சமே தி³ட்டீ²தி கம்மஸ்ஸகதி³ட்டி².
380-381. Catutthe aciraparinibbutesu sāriputtamoggallānesūti naciraparinibbutesu dvīsu aggasāvakesu. Tesañhi dhammasenāpati kattikamāsapuṇṇamāya parinibbuto, mahāmoggallāno tato aḍḍhamāsaṃ atikkamma amāvasuposathe. Satthā dvīsu aggasāvakesu parinibbutesu mahābhikkhusaṅghaparivāro mahāmaṇḍale cārikaṃ caramāno anupubbena ukkacelanagaraṃ patvā tattha piṇḍāya caritvā gaṅgāpiṭṭhe rajatapaṭṭavaṇṇavālikāpuline vihāsi. Tena vuttaṃ ‘‘aciraparinibbutesu sāriputtamoggallānesū’’ti. Ye mahantatarā khandhā te palujjeyyunti idhāpi yojanasatubbedho mahājamburukkho viya bhikkhusaṅgho, tassa dakkhiṇato ca uttarato ca gatā paṇṇāsayojanikā dve mahākhandhā viya dve aggasāvakāti. Sesaṃ purimanayeneva yojetabbaṃ. Pañcame diṭṭhīti kammassakadiṭṭhi.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
4. உக்கசேலஸுத்தங் • 4. Ukkacelasuttaṃ
5. பா³ஹியஸுத்தங் • 5. Bāhiyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-5. உக்கசேலஸுத்தாதி³வண்ணனா • 4-5. Ukkacelasuttādivaṇṇanā
