| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪-੫. ਉਕ੍ਕਚੇਲਸੁਤ੍ਤਾਦਿવਣ੍ਣਨਾ
4-5. Ukkacelasuttādivaṇṇanā
੩੮੦-੩੮੧. ਚਤੁਤ੍ਥੇ ਅਚਿਰਪਰਿਨਿਬ੍ਬੁਤੇਸੁ ਸਾਰਿਪੁਤ੍ਤਮੋਗ੍ਗਲ੍ਲਾਨੇਸੂਤਿ ਨਚਿਰਪਰਿਨਿਬ੍ਬੁਤੇਸੁ ਦ੍વੀਸੁ ਅਗ੍ਗਸਾવਕੇਸੁ। ਤੇਸਞ੍ਹਿ ਧਮ੍ਮਸੇਨਾਪਤਿ ਕਤ੍ਤਿਕਮਾਸਪੁਣ੍ਣਮਾਯ ਪਰਿਨਿਬ੍ਬੁਤੋ, ਮਹਾਮੋਗ੍ਗਲ੍ਲਾਨੋ ਤਤੋ ਅਡ੍ਢਮਾਸਂ ਅਤਿਕ੍ਕਮ੍ਮ ਅਮਾવਸੁਪੋਸਥੇ। ਸਤ੍ਥਾ ਦ੍વੀਸੁ ਅਗ੍ਗਸਾવਕੇਸੁ ਪਰਿਨਿਬ੍ਬੁਤੇਸੁ ਮਹਾਭਿਕ੍ਖੁਸਙ੍ਘਪਰਿવਾਰੋ ਮਹਾਮਣ੍ਡਲੇ ਚਾਰਿਕਂ ਚਰਮਾਨੋ ਅਨੁਪੁਬ੍ਬੇਨ ਉਕ੍ਕਚੇਲਨਗਰਂ ਪਤ੍વਾ ਤਤ੍ਥ ਪਿਣ੍ਡਾਯ ਚਰਿਤ੍વਾ ਗਙ੍ਗਾਪਿਟ੍ਠੇ ਰਜਤਪਟ੍ਟવਣ੍ਣવਾਲਿਕਾਪੁਲਿਨੇ વਿਹਾਸਿ। ਤੇਨ વੁਤ੍ਤਂ ‘‘ਅਚਿਰਪਰਿਨਿਬ੍ਬੁਤੇਸੁ ਸਾਰਿਪੁਤ੍ਤਮੋਗ੍ਗਲ੍ਲਾਨੇਸੂ’’ਤਿ। ਯੇ ਮਹਨ੍ਤਤਰਾ ਖਨ੍ਧਾ ਤੇ ਪਲੁਜ੍ਜੇਯ੍ਯੁਨ੍ਤਿ ਇਧਾਪਿ ਯੋਜਨਸਤੁਬ੍ਬੇਧੋ ਮਹਾਜਮ੍ਬੁਰੁਕ੍ਖੋ વਿਯ ਭਿਕ੍ਖੁਸਙ੍ਘੋ, ਤਸ੍ਸ ਦਕ੍ਖਿਣਤੋ ਚ ਉਤ੍ਤਰਤੋ ਚ ਗਤਾ ਪਣ੍ਣਾਸਯੋਜਨਿਕਾ ਦ੍વੇ ਮਹਾਖਨ੍ਧਾ વਿਯ ਦ੍વੇ ਅਗ੍ਗਸਾવਕਾਤਿ। ਸੇਸਂ ਪੁਰਿਮਨਯੇਨੇવ ਯੋਜੇਤਬ੍ਬਂ। ਪਞ੍ਚਮੇ ਦਿਟ੍ਠੀਤਿ ਕਮ੍ਮਸ੍ਸਕਦਿਟ੍ਠਿ।
380-381. Catutthe aciraparinibbutesu sāriputtamoggallānesūti naciraparinibbutesu dvīsu aggasāvakesu. Tesañhi dhammasenāpati kattikamāsapuṇṇamāya parinibbuto, mahāmoggallāno tato aḍḍhamāsaṃ atikkamma amāvasuposathe. Satthā dvīsu aggasāvakesu parinibbutesu mahābhikkhusaṅghaparivāro mahāmaṇḍale cārikaṃ caramāno anupubbena ukkacelanagaraṃ patvā tattha piṇḍāya caritvā gaṅgāpiṭṭhe rajatapaṭṭavaṇṇavālikāpuline vihāsi. Tena vuttaṃ ‘‘aciraparinibbutesu sāriputtamoggallānesū’’ti. Ye mahantatarā khandhā te palujjeyyunti idhāpi yojanasatubbedho mahājamburukkho viya bhikkhusaṅgho, tassa dakkhiṇato ca uttarato ca gatā paṇṇāsayojanikā dve mahākhandhā viya dve aggasāvakāti. Sesaṃ purimanayeneva yojetabbaṃ. Pañcame diṭṭhīti kammassakadiṭṭhi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੪. ਉਕ੍ਕਚੇਲਸੁਤ੍ਤਂ • 4. Ukkacelasuttaṃ
੫. ਬਾਹਿਯਸੁਤ੍ਤਂ • 5. Bāhiyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪-੫. ਉਕ੍ਕਚੇਲਸੁਤ੍ਤਾਦਿવਣ੍ਣਨਾ • 4-5. Ukkacelasuttādivaṇṇanā
