| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
7. угкид̇д̇аанувад̇д̇игаасигкаабад̣̇аван̣н̣анаа
7. Ukkhittānuvattikāsikkhāpadavaṇṇanā
сад̇т̇усаасанзнаад̇и н̃ад̇д̇исамбад̣̇ааяа жзва ануссааванасамбад̣̇ааяа жа. ид̇ха бана жод̣̇анаасааран̣аабуб̣б̣агамзва н̃ад̇д̇иануссааванам̣ сад̇т̇усаасананд̇и ааха ‘‘ид̇хаабий’’д̇иаад̣̇и. гаран̣анд̇и н̃ад̇д̇идтабанан̃жзва ануссааванааважанан̃жа. анаад̣̇аранд̇и буг̇г̇алз жзва д̇хаммз жа аад̣̇аравирахид̇ам̣. д̇знааха ‘‘язнаа’’д̇иаад̣̇и. д̇ад̇т̇а барияаабаннаг̇ан̣з ваад̇и д̇асмим̣ сан̇гхз барияаабаннз самб̣ахулабуг̇г̇аласан̇каад̇з г̇ан̣з ваа. ‘‘саммаавад̇д̇анааяа авад̇д̇амаананд̇и ад̇т̇о’’д̇и иминаа ад̇хиббааяад̇т̇о вуд̇д̇о. згагаммаад̣̇игзд̇и згагаммазгуд̣̇д̣̇зсасамасигкаад̇ааяа. саха аяанабхаавзнаад̇и саха вад̇д̇анабхаавзна. самаано сам̣ваасо зд̇зсанд̇и самаанасам̣ваасагаа.
Satthusāsanenāti ñattisampadāya ceva anussāvanasampadāya ca. Idha pana codanāsāraṇāpubbakameva ñattianussāvanaṃ satthusāsananti āha ‘‘idhāpī’’tiādi. Karaṇanti ñattiṭṭhapanañceva anussāvanāvacanañca. Anādaranti puggale ceva dhamme ca ādaravirahitaṃ. Tenāha ‘‘yenā’’tiādi. Tattha pariyāpannagaṇe vāti tasmiṃ saṅghe pariyāpanne sambahulapuggalasaṅkhāte gaṇe vā. ‘‘Sammāvattanāya avattamānanti attho’’ti iminā adhippāyattho vutto. Ekakammādiketi ekakammaekuddesasamasikkhātāya. Saha ayanabhāvenāti saha vattanabhāvena. Samāno saṃvāso etesanti samānasaṃvāsakā.
ид̣̇аани язна сам̣ваасзна д̇з ‘‘самаанасам̣ваасагаа’’д̇и (баажи. адта. 669) вуд̇д̇аа, со сам̣ваасо д̇асса угкид̇д̇агасса д̇зхи сад̣̇д̇хим̣ над̇т̇и, язхи жа сад̣̇д̇хим̣ д̇асса со сам̣ваасо над̇т̇и, на д̇зна д̇з бхигкуу ад̇д̇ано сахааяаа гад̇аа хонд̇и, д̇асмаа со агад̇асахааяо наамаад̇и имамад̇т̇ам̣ д̣̇ассзд̇ум̣ ‘‘яасса банаа’’д̇иаад̣̇и вуд̇д̇ам̣. звам̣ бад̣̇аван̣н̣анам̣ гад̇ваа ид̣̇аани ад̇т̇амад̇д̇ам̣ д̣̇ассзд̇ум̣ ‘‘самаанасам̣ваасагабхаавам̣ анубаг̇ад̇анд̇и ад̇т̇о’’д̇и вуд̇д̇ам̣. гим̣ д̇ам̣ анувад̇д̇ананд̇и гассажи аасан̇гаа сияаад̇и д̇ам̣ саруубад̇о д̣̇ассзнд̇о ‘‘яам̣д̣̇идтиго со ход̇ий’’д̇иаад̣̇имааха. д̇ад̇т̇а сод̇и яо угкид̇д̇аго, со.
Idāni yena saṃvāsena te ‘‘samānasaṃvāsakā’’ti (pāci. aṭṭha. 669) vuttā, so saṃvāso tassa ukkhittakassa tehi saddhiṃ natthi, yehi ca saddhiṃ tassa so saṃvāso natthi, na tena te bhikkhū attano sahāyā katā honti, tasmā so akatasahāyo nāmāti imamatthaṃ dassetuṃ ‘‘yassa panā’’tiādi vuttaṃ. Evaṃ padavaṇṇanaṃ katvā idāni atthamattaṃ dassetuṃ ‘‘samānasaṃvāsakabhāvaṃ anupagatanti attho’’ti vuttaṃ. Kiṃ taṃ anuvattananti kassaci āsaṅkā siyāti taṃ sarūpato dassento ‘‘yaṃdiṭṭhiko so hotī’’tiādimāha. Tattha soti yo ukkhittako, so.
угкид̇д̇аанувад̇д̇игаасигкаабад̣̇аван̣н̣анаа нидтид̇аа.
Ukkhittānuvattikāsikkhāpadavaṇṇanā niṭṭhitā.
