| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੭. ਉਕ੍ਖਿਤ੍ਤਾਨੁવਤ੍ਤਿਕਾਸਿਕ੍ਖਾਪਦવਣ੍ਣਨਾ
7. Ukkhittānuvattikāsikkhāpadavaṇṇanā
ਸਤ੍ਥੁਸਾਸਨੇਨਾਤਿ ਞਤ੍ਤਿਸਮ੍ਪਦਾਯ ਚੇવ ਅਨੁਸ੍ਸਾવਨਸਮ੍ਪਦਾਯ ਚ। ਇਧ ਪਨ ਚੋਦਨਾਸਾਰਣਾਪੁਬ੍ਬਕਮੇવ ਞਤ੍ਤਿਅਨੁਸ੍ਸਾવਨਂ ਸਤ੍ਥੁਸਾਸਨਨ੍ਤਿ ਆਹ ‘‘ਇਧਾਪੀ’’ਤਿਆਦਿ। ਕਰਣਨ੍ਤਿ ਞਤ੍ਤਿਟ੍ਠਪਨਞ੍ਚੇવ ਅਨੁਸ੍ਸਾવਨਾવਚਨਞ੍ਚ। ਅਨਾਦਰਨ੍ਤਿ ਪੁਗ੍ਗਲੇ ਚੇવ ਧਮ੍ਮੇ ਚ ਆਦਰવਿਰਹਿਤਂ। ਤੇਨਾਹ ‘‘ਯੇਨਾ’’ਤਿਆਦਿ। ਤਤ੍ਥ ਪਰਿਯਾਪਨ੍ਨਗਣੇ વਾਤਿ ਤਸ੍ਮਿਂ ਸਙ੍ਘੇ ਪਰਿਯਾਪਨ੍ਨੇ ਸਮ੍ਬਹੁਲਪੁਗ੍ਗਲਸਙ੍ਖਾਤੇ ਗਣੇ વਾ। ‘‘ਸਮ੍ਮਾવਤ੍ਤਨਾਯ ਅવਤ੍ਤਮਾਨਨ੍ਤਿ ਅਤ੍ਥੋ’’ਤਿ ਇਮਿਨਾ ਅਧਿਪ੍ਪਾਯਤ੍ਥੋ વੁਤ੍ਤੋ। ਏਕਕਮ੍ਮਾਦਿਕੇਤਿ ਏਕਕਮ੍ਮਏਕੁਦ੍ਦੇਸਸਮਸਿਕ੍ਖਾਤਾਯ। ਸਹ ਅਯਨਭਾવੇਨਾਤਿ ਸਹ વਤ੍ਤਨਭਾવੇਨ। ਸਮਾਨੋ ਸਂવਾਸੋ ਏਤੇਸਨ੍ਤਿ ਸਮਾਨਸਂવਾਸਕਾ।
Satthusāsanenāti ñattisampadāya ceva anussāvanasampadāya ca. Idha pana codanāsāraṇāpubbakameva ñattianussāvanaṃ satthusāsananti āha ‘‘idhāpī’’tiādi. Karaṇanti ñattiṭṭhapanañceva anussāvanāvacanañca. Anādaranti puggale ceva dhamme ca ādaravirahitaṃ. Tenāha ‘‘yenā’’tiādi. Tattha pariyāpannagaṇe vāti tasmiṃ saṅghe pariyāpanne sambahulapuggalasaṅkhāte gaṇe vā. ‘‘Sammāvattanāya avattamānanti attho’’ti iminā adhippāyattho vutto. Ekakammādiketi ekakammaekuddesasamasikkhātāya. Saha ayanabhāvenāti saha vattanabhāvena. Samāno saṃvāso etesanti samānasaṃvāsakā.
ਇਦਾਨਿ ਯੇਨ ਸਂવਾਸੇਨ ਤੇ ‘‘ਸਮਾਨਸਂવਾਸਕਾ’’ਤਿ (ਪਾਚਿ॰ ਅਟ੍ਠ॰ ੬੬੯) વੁਤ੍ਤਾ, ਸੋ ਸਂવਾਸੋ ਤਸ੍ਸ ਉਕ੍ਖਿਤ੍ਤਕਸ੍ਸ ਤੇਹਿ ਸਦ੍ਧਿਂ ਨਤ੍ਥਿ, ਯੇਹਿ ਚ ਸਦ੍ਧਿਂ ਤਸ੍ਸ ਸੋ ਸਂવਾਸੋ ਨਤ੍ਥਿ, ਨ ਤੇਨ ਤੇ ਭਿਕ੍ਖੂ ਅਤ੍ਤਨੋ ਸਹਾਯਾ ਕਤਾ ਹੋਨ੍ਤਿ, ਤਸ੍ਮਾ ਸੋ ਅਕਤਸਹਾਯੋ ਨਾਮਾਤਿ ਇਮਮਤ੍ਥਂ ਦਸ੍ਸੇਤੁਂ ‘‘ਯਸ੍ਸ ਪਨਾ’’ਤਿਆਦਿ વੁਤ੍ਤਂ। ਏવਂ ਪਦવਣ੍ਣਨਂ ਕਤ੍વਾ ਇਦਾਨਿ ਅਤ੍ਥਮਤ੍ਤਂ ਦਸ੍ਸੇਤੁਂ ‘‘ਸਮਾਨਸਂવਾਸਕਭਾવਂ ਅਨੁਪਗਤਨ੍ਤਿ ਅਤ੍ਥੋ’’ਤਿ વੁਤ੍ਤਂ। ਕਿਂ ਤਂ ਅਨੁવਤ੍ਤਨਨ੍ਤਿ ਕਸ੍ਸਚਿ ਆਸਙ੍ਕਾ ਸਿਯਾਤਿ ਤਂ ਸਰੂਪਤੋ ਦਸ੍ਸੇਨ੍ਤੋ ‘‘ਯਂਦਿਟ੍ਠਿਕੋ ਸੋ ਹੋਤੀ’’ਤਿਆਦਿਮਾਹ। ਤਤ੍ਥ ਸੋਤਿ ਯੋ ਉਕ੍ਖਿਤ੍ਤਕੋ, ਸੋ।
Idāni yena saṃvāsena te ‘‘samānasaṃvāsakā’’ti (pāci. aṭṭha. 669) vuttā, so saṃvāso tassa ukkhittakassa tehi saddhiṃ natthi, yehi ca saddhiṃ tassa so saṃvāso natthi, na tena te bhikkhū attano sahāyā katā honti, tasmā so akatasahāyo nāmāti imamatthaṃ dassetuṃ ‘‘yassa panā’’tiādi vuttaṃ. Evaṃ padavaṇṇanaṃ katvā idāni atthamattaṃ dassetuṃ ‘‘samānasaṃvāsakabhāvaṃ anupagatanti attho’’ti vuttaṃ. Kiṃ taṃ anuvattananti kassaci āsaṅkā siyāti taṃ sarūpato dassento ‘‘yaṃdiṭṭhiko so hotī’’tiādimāha. Tattha soti yo ukkhittako, so.
ਉਕ੍ਖਿਤ੍ਤਾਨੁવਤ੍ਤਿਕਾਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ukkhittānuvattikāsikkhāpadavaṇṇanā niṭṭhitā.
