| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
10. угкид̇д̇абад̣̇умияад̇т̇зраабад̣̇аанам̣
10. Ukkhittapadumiyattheraapadānaṃ
129.
129.
‘‘наг̇арз хам̣савад̇ияаа, ахосим̣ маалиго д̇ад̣̇аа;
‘‘Nagare haṃsavatiyā, ahosiṃ māliko tadā;
ог̇аахзд̇ваа бад̣̇умасарам̣, сад̇абад̇д̇ам̣ ожинаамахам̣.
Ogāhetvā padumasaraṃ, satapattaṃ ocināmahaṃ.
130.
130.
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
131.
131.
‘‘кийн̣аасавзхи суд̣̇д̇хзхи, чал̣абхин̃н̃зхи жхааяибхи 3;
‘‘Khīṇāsavehi suddhehi, chaḷabhiññehi jhāyibhi 4;
мама вуд̣̇д̇хим̣ саманвзсам̣, ааг̇ажчи мама санд̇игам̣ 5.
Mama vuddhiṃ samanvesaṃ, āgacchi mama santikaṃ 6.
132.
132.
‘‘д̣̇исваанахам̣ д̣̇звад̣̇звам̣, саяамбхум̣ логанааяагам̣;
‘‘Disvānahaṃ devadevaṃ, sayambhuṃ lokanāyakaṃ;
ван̣дз чзд̇ваа сад̇абад̇д̇ам̣, угкибимамб̣арз д̇ад̣̇аа.
Vaṇṭe chetvā satapattaṃ, ukkhipimambare tadā.
133.
133.
‘‘яад̣̇и б̣уд̣̇д̇хо д̇увам̣ вийра, логаж̇здто нараасабхо;
‘‘Yadi buddho tuvaṃ vīra, lokajeṭṭho narāsabho;
саяам̣ г̇анд̇ваа сад̇абад̇д̇аа, мад̇т̇агз д̇хаараяанд̇у д̇з.
Sayaṃ gantvā satapattā, matthake dhārayantu te.
134.
134.
‘‘ад̇хидтахи махаавийро, логаж̇здто нараасабхо;
‘‘Adhiṭṭhahi mahāvīro, lokajeṭṭho narāsabho;
б̣уд̣̇д̇хасса аанубхаавзна, мад̇т̇агз д̇хаараяим̣су д̇з.
Buddhassa ānubhāvena, matthake dhārayiṃsu te.
135.
135.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
136.
136.
‘‘д̇ад̇т̇а мз сугад̇ам̣ б̣яамхам̣, сад̇абад̇д̇анд̇и вужжад̇и;
‘‘Tattha me sukataṃ byamhaṃ, satapattanti vuccati;
садтияож̇анамуб̣б̣ид̣̇д̇хам̣, д̇им̣саяож̇анавид̇т̇ад̇ам̣.
Saṭṭhiyojanamubbiddhaṃ, tiṃsayojanavitthataṃ.
137.
137.
‘‘сахассагкад̇д̇ум̣ д̣̇звинд̣̇о, д̣̇звараж̇ж̇амагаараяим̣;
‘‘Sahassakkhattuṃ devindo, devarajjamakārayiṃ;
бан̃жасад̇д̇ад̇игкад̇д̇ун̃жа, жаггавад̇д̇ий ахосахам̣.
Pañcasattatikkhattuñca, cakkavattī ahosahaṃ.
138.
138.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
анубхоми сагам̣ гаммам̣, буб̣б̣з сугад̇амад̇д̇ано.
Anubhomi sakaṃ kammaṃ, pubbe sukatamattano.
139.
139.
‘‘д̇знзвзгабад̣̇умзна, анубход̇ваана самбад̣̇аа;
‘‘Tenevekapadumena, anubhotvāna sampadā;
г̇од̇амасса бхаг̇авад̇о, д̇хаммам̣ сажчигарим̣ ахам̣.
Gotamassa bhagavato, dhammaṃ sacchikariṃ ahaṃ.
140.
140.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
141.
141.
‘‘сад̇асахассид̇о габбз, яам̣ бубпамабхибууж̇аяим̣;
‘‘Satasahassito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, згабад̣̇умассид̣̇ам̣ палам̣.
Duggatiṃ nābhijānāmi, ekapadumassidaṃ phalaṃ.
142.
142.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа угкид̇д̇абад̣̇умияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā ukkhittapadumiyo thero imā gāthāyo abhāsitthāti.
угкид̇д̇абад̣̇умияад̇т̇зрассаабад̣̇аанам̣ д̣̇асамам̣.
Ukkhittapadumiyattherassāpadānaṃ dasamaṃ.
г̇анд̇ход̣̇агаваг̇г̇о жад̇уд̇им̣сад̇имо.
Gandhodakavaggo catutiṃsatimo.
д̇ассуд̣̇д̣̇аанам̣ –
Tassuddānaṃ –
г̇анд̇хад̇хуубо уд̣̇аган̃жа, буннааг̇а згад̣̇уссагаа;
Gandhadhūpo udakañca, punnāga ekadussakā;
пусид̇о жа бабхан̇гаро, гудид̣̇о уд̇д̇арийяаго.
Phusito ca pabhaṅkaro, kuṭido uttarīyako.
саваний згабад̣̇умий, г̇аат̇ааяо саб̣б̣абин̣д̣ид̇аа;
Savanī ekapadumī, gāthāyo sabbapiṇḍitā;
згам̣ г̇аат̇аасад̇ан̃жзва, жад̇уд̇аалийсамзва жа.
Ekaṃ gāthāsatañceva, catutālīsameva ca.
Footnotes:
