| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
9. உக்கி²த்தஸம்போ⁴க³ஸிக்கா²பத³வண்ணனா
9. Ukkhittasambhogasikkhāpadavaṇṇanā
424. நவமே பயோக³க³ணனாயாதி தா³னக்³க³ஹணப்பயோக³க³ணனாய. ஸங்வாஸே கம்மபரியோஸானவஸேன, ஸஹஸெய்யாய ஏகஸ்மிங் நிபன்னே இதரஸ்ஸ நிபஜ்ஜனபயோக³வஸேன ஆபத்திபரிச்சே²தோ³ வேதி³தப்³போ³. எத்த² ச பத³பா⁴ஜனே ‘‘ஏகச்ச²ன்னே’’தி அவிஸேஸேன வுத்தத்தா நானூபசாரேபி ஏகச்ச²ன்னே நிபஜ்ஜந்தஸ்ஸ ஆபத்தி. தேனேவ மாதிகாட்ட²கதா²யங் (கங்கா²॰ அட்ட²॰ உக்கி²த்தஸம்போ⁴க³ஸிக்கா²பத³வண்ணனா) வுத்தங் ‘‘ஸஹ வா ஸெய்யங் கப்பெய்யாதி நானூபசாரேபி ஏகச்ச²ன்னே நிபஜ்ஜெய்யா’’தி. பண்ணத்திங் அஜானந்தேன அரஹதாபி கிரியாப்³யாகதசித்தேன ஆபஜ்ஜிதப்³ப³த்தா ‘‘திசித்த’’ந்தி வுத்தங். யங் பன கேனசி வுத்தங் ‘‘திசித்தந்தி எத்த² விபாகாப்³யாகதசித்தேன ஸஹ வா ஸெய்யங் கப்பெய்யாதி ஏவமத்தோ² த³ட்ட²ப்³போ³, அஞ்ஞதா² ஸசித்தகத்தா ஸிக்கா²பத³ஸ்ஸ கிரியாப்³யாகதங் ஸந்தா⁴ய ந யுஜ்ஜதீ’’தி, தங் ந க³ஹேதப்³ப³ங். ந ஹி ஸசித்தகஸிக்கா²பத³வீதிக்கமோ அரஹதோ ந ஸம்ப⁴வதி. தேனேவ பத²வீக²ணனாதீ³ஸு ஸசித்தகஸிக்கா²பதே³ஸு திசித்தமேவ வுத்தங். ஸேஸமெத்த² உத்தானமேவ. அகதானுத⁴ம்மதா, ஜானநா, ஸம்போ⁴கா³தி³கரணந்தி இமானி பனெத்த² தீணி அங்கா³னி.
424. Navame payogagaṇanāyāti dānaggahaṇappayogagaṇanāya. Saṃvāse kammapariyosānavasena, sahaseyyāya ekasmiṃ nipanne itarassa nipajjanapayogavasena āpattiparicchedo veditabbo. Ettha ca padabhājane ‘‘ekacchanne’’ti avisesena vuttattā nānūpacārepi ekacchanne nipajjantassa āpatti. Teneva mātikāṭṭhakathāyaṃ (kaṅkhā. aṭṭha. ukkhittasambhogasikkhāpadavaṇṇanā) vuttaṃ ‘‘saha vā seyyaṃ kappeyyāti nānūpacārepi ekacchanne nipajjeyyā’’ti. Paṇṇattiṃ ajānantena arahatāpi kiriyābyākatacittena āpajjitabbattā ‘‘ticitta’’nti vuttaṃ. Yaṃ pana kenaci vuttaṃ ‘‘ticittanti ettha vipākābyākatacittena saha vā seyyaṃ kappeyyāti evamattho daṭṭhabbo, aññathā sacittakattā sikkhāpadassa kiriyābyākataṃ sandhāya na yujjatī’’ti, taṃ na gahetabbaṃ. Na hi sacittakasikkhāpadavītikkamo arahato na sambhavati. Teneva pathavīkhaṇanādīsu sacittakasikkhāpadesu ticittameva vuttaṃ. Sesamettha uttānameva. Akatānudhammatā, jānanā, sambhogādikaraṇanti imāni panettha tīṇi aṅgāni.
உக்கி²த்தஸம்போ⁴க³ஸிக்கா²பத³வண்ணனா நிட்டி²தா.
Ukkhittasambhogasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 9. உக்கி²த்தஸம்போ⁴க³ஸிக்கா²பத³வண்ணனா • 9. Ukkhittasambhogasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 9. உக்கி²த்தஸம்போ⁴க³ஸிக்கா²பத³வண்ணனா • 9. Ukkhittasambhogasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 9. உக்கி²த்தஸம்போ⁴க³ஸிக்கா²பத³ங் • 9. Ukkhittasambhogasikkhāpadaṃ
