| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৯. উক্খিত্তসম্ভোগসিক্খাপদৰণ্ণনা
9. Ukkhittasambhogasikkhāpadavaṇṇanā
৪২৪-৫. নৰমে – অকটানুধম্মেনাতি অনুধম্মো ৰুচ্চতি আপত্তিযা অদস্সনে ৰা অপ্পটিকম্মে ৰা পাপিকায দিট্ঠিযা অপ্পটিনিস্সগ্গে ৰা ধম্মেন ৰিনযেন সত্থুসাসনেন উক্খিত্তকস্স অনুলোমৰত্তং দিস্ৰা কতা ওসারণা; সো ওসারণসঙ্খাতো অনুধম্মো যস্স ন কতো, অযং অকটানুধম্মো নাম, তাদিসেন সদ্ধিন্তি অত্থো। তেনেৰস্স পদভাজনে ‘‘অকটানুধম্মো নাম উক্খিত্তো অনোসারিতো’’তি ৰুত্তং।
424-5. Navame – akaṭānudhammenāti anudhammo vuccati āpattiyā adassane vā appaṭikamme vā pāpikāya diṭṭhiyā appaṭinissagge vā dhammena vinayena satthusāsanena ukkhittakassa anulomavattaṃ disvā katā osāraṇā; so osāraṇasaṅkhāto anudhammo yassa na kato, ayaṃ akaṭānudhammo nāma, tādisena saddhinti attho. Tenevassa padabhājane ‘‘akaṭānudhammo nāma ukkhitto anosārito’’ti vuttaṃ.
দেতি ৰা পটিগ্গণ্হাতি ৰাতি একপযোগেন বহুম্পি দদতো ৰা গণ্হতো ৰা একং পাচিত্তিযং। ৰিচ্ছিন্দিত্ৰা ৰিচ্ছিন্দিত্ৰা দেন্তস্স চ গণ্হন্তস্স চ পযোগগণনায পাচিত্তিযানি । সেসমেত্থ উত্তানমেৰ। তিসমুট্ঠানং – কিরিযং, সঞ্ঞাৰিমোক্খং, সচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
Deti vā paṭiggaṇhāti vāti ekapayogena bahumpi dadato vā gaṇhato vā ekaṃ pācittiyaṃ. Vicchinditvā vicchinditvā dentassa ca gaṇhantassa ca payogagaṇanāya pācittiyāni . Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
উক্খিত্তসম্ভোগসিক্খাপদং নৰমং।
Ukkhittasambhogasikkhāpadaṃ navamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৭. সপ্পাণকৰগ্গো • 7. Sappāṇakavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৯. উক্খিত্তসম্ভোগসিক্খাপদৰণ্ণনা • 9. Ukkhittasambhogasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৯. উক্খিত্তসম্ভোগসিক্খাপদৰণ্ণনা • 9. Ukkhittasambhogasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৯. উক্খিত্তসম্ভোগসিক্খাপদৰণ্ণনা • 9. Ukkhittasambhogasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৯. উক্খিত্তসম্ভোগসিক্খাপদং • 9. Ukkhittasambhogasikkhāpadaṃ
