| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
9. угкид̇д̇асамбхог̇асигкаабад̣̇аван̣н̣анаа
9. Ukkhittasambhogasikkhāpadavaṇṇanā
агад̇аануд̇хаммзнаад̇и угкибид̇ваа аносаарид̇зна. д̇знааха ‘‘ануд̇хаммо вужжад̇ий’’д̇иаад̣̇и. зд̇т̇а ануд̇хаммод̇и осааран̣аа вужжад̇ийд̇и самб̣анд̇хо. угкзбанийяагаммассаануруубо, бажчаа гад̇д̇аб̣б̣о ваа д̇хаммод̇и ануд̇хаммо. ануломавад̇д̇ам̣ д̣̇исваад̇и ‘‘на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о’’д̇иаад̣̇игам̣ (жуул̣ава. 70) адтаарасавид̇хам̣ вад̇д̇ам̣ д̣̇исваа, зд̇зсу адтаарасасу ануломавад̇д̇зсу вад̇д̇анд̇ам̣ д̣̇исваад̇и ад̇хиббааяо. аамисасамбхог̇ам̣ ваа д̇хаммасамбхог̇ам̣ ваад̇и зд̇т̇а яам̣ гин̃жи аамисасса д̣̇аанам̣, бадиг̇г̇ахан̣ан̃жа аамисасамбхог̇о. д̇хаммасса уд̣̇д̣̇исанам̣, уд̣̇д̣̇исаабанан̃жа д̇хаммасамбхог̇о. сам̣васзяяаад̇и ‘‘убосат̇ам̣ ваа бавааран̣ам̣ ваа сан̇гхагаммам̣ ваа’’д̇и (баажи. 425) звам̣ бад̣̇абхааж̇анияам̣ вуд̇д̇ам̣ д̇ивид̇хам̣ сам̣ваасам̣ гарзяяа. яасмаа банзд̇т̇а убосат̇абавааран̣ааби сан̇гхзхиязва гаад̇аб̣б̣ад̇д̇аа сан̇гхагаммааниязва хонд̇и, д̇асмаа ‘‘убосат̇аад̣̇игам̣ сан̇гхагаммам̣ гарзяяаа’’д̇и вуд̇д̇ам̣. баяог̇з баяог̇зд̇и д̣̇аанз д̣̇аанз, г̇ахан̣з г̇ахан̣з жаад̇и ад̇т̇о.
Akatānudhammenāti ukkhipitvā anosāritena. Tenāha ‘‘anudhammo vuccatī’’tiādi. Ettha anudhammoti osāraṇā vuccatīti sambandho. Ukkhepanīyakammassānurūpo, pacchā kattabbo vā dhammoti anudhammo. Anulomavattaṃ disvāti ‘‘na upasampādetabbaṃ, na nissayo dātabbo’’tiādikaṃ (cūḷava. 70) aṭṭhārasavidhaṃ vattaṃ disvā, etesu aṭṭhārasasu anulomavattesu vattantaṃ disvāti adhippāyo. Āmisasambhogaṃ vā dhammasambhogaṃ vāti ettha yaṃ kiñci āmisassa dānaṃ, paṭiggahaṇañca āmisasambhogo. Dhammassa uddisanaṃ, uddisāpanañca dhammasambhogo. Saṃvaseyyāti ‘‘uposathaṃ vā pavāraṇaṃ vā saṅghakammaṃ vā’’ti (pāci. 425) evaṃ padabhājaniyaṃ vuttaṃ tividhaṃ saṃvāsaṃ kareyya. Yasmā panettha uposathapavāraṇāpi saṅghehiyeva kātabbattā saṅghakammāniyeva honti, tasmā ‘‘uposathādikaṃ saṅghakammaṃ kareyyā’’ti vuttaṃ. Payoge payogeti dāne dāne, gahaṇe gahaṇe cāti attho.
бан̣н̣ад̇д̇им̣ аж̇аананд̇зна арахад̇ааби гирияааб̣яаагад̇ажид̇д̇зна аабаж̇ж̇ид̇аб̣б̣ад̇д̇аа ‘‘д̇ижид̇д̇а’’нд̇и вуд̇д̇ам̣.
Paṇṇattiṃ ajānantena arahatāpi kiriyābyākatacittena āpajjitabbattā ‘‘ticitta’’nti vuttaṃ.
угкид̇д̇асамбхог̇асигкаабад̣̇аван̣н̣анаа нидтид̇аа.
Ukkhittasambhogasikkhāpadavaṇṇanā niṭṭhitā.
