| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
9. угкид̇д̇асамбхог̇асигкаабад̣̇аван̣н̣анаа
9. Ukkhittasambhogasikkhāpadavaṇṇanā
424. навамз баяог̇аг̇ан̣анааяаад̇и д̣̇аанаг̇г̇ахан̣аббаяог̇аг̇ан̣анааяа. сам̣ваасз гаммабарияосаанавасзна, сахасзяяааяа згасмим̣ нибаннз ид̇арасса нибаж̇ж̇анабаяог̇авасзна аабад̇д̇ибарижчзд̣̇о взд̣̇ид̇аб̣б̣о. зд̇т̇а жа бад̣̇абхааж̇анз ‘‘згажчаннз’’д̇и ависзсзна вуд̇д̇ад̇д̇аа наануубажаарзби згажчаннз нибаж̇ж̇анд̇асса аабад̇д̇и. д̇знзва маад̇игаадтагат̇ааяам̣ (ган̇каа. адта. угкид̇д̇асамбхог̇асигкаабад̣̇аван̣н̣анаа) вуд̇д̇ам̣ ‘‘саха ваа сзяяам̣ габбзяяаад̇и наануубажаарзби згажчаннз нибаж̇ж̇зяяаа’’д̇и. бан̣н̣ад̇д̇им̣ аж̇аананд̇зна арахад̇ааби гирияааб̣яаагад̇ажид̇д̇зна аабаж̇ж̇ид̇аб̣б̣ад̇д̇аа ‘‘д̇ижид̇д̇а’’нд̇и вуд̇д̇ам̣. яам̣ бана гзнажи вуд̇д̇ам̣ ‘‘д̇ижид̇д̇анд̇и зд̇т̇а вибаагааб̣яаагад̇ажид̇д̇зна саха ваа сзяяам̣ габбзяяаад̇и звамад̇т̇о д̣̇адтаб̣б̣о, ан̃н̃ат̇аа сажид̇д̇агад̇д̇аа сигкаабад̣̇асса гирияааб̣яаагад̇ам̣ санд̇хааяа на яуж̇ж̇ад̇ий’’д̇и, д̇ам̣ на г̇ахзд̇аб̣б̣ам̣. на хи сажид̇д̇агасигкаабад̣̇авийд̇иггамо арахад̇о на самбхавад̇и. д̇знзва бат̇авийкан̣анаад̣̇ийсу сажид̇д̇агасигкаабад̣̇зсу д̇ижид̇д̇амзва вуд̇д̇ам̣. сзсамзд̇т̇а уд̇д̇аанамзва. агад̇аануд̇хаммад̇аа, ж̇аананаа, самбхог̇аад̣̇игаран̣анд̇и имаани банзд̇т̇а д̇ийн̣и ан̇г̇аани.
424. Navame payogagaṇanāyāti dānaggahaṇappayogagaṇanāya. Saṃvāse kammapariyosānavasena, sahaseyyāya ekasmiṃ nipanne itarassa nipajjanapayogavasena āpattiparicchedo veditabbo. Ettha ca padabhājane ‘‘ekacchanne’’ti avisesena vuttattā nānūpacārepi ekacchanne nipajjantassa āpatti. Teneva mātikāṭṭhakathāyaṃ (kaṅkhā. aṭṭha. ukkhittasambhogasikkhāpadavaṇṇanā) vuttaṃ ‘‘saha vā seyyaṃ kappeyyāti nānūpacārepi ekacchanne nipajjeyyā’’ti. Paṇṇattiṃ ajānantena arahatāpi kiriyābyākatacittena āpajjitabbattā ‘‘ticitta’’nti vuttaṃ. Yaṃ pana kenaci vuttaṃ ‘‘ticittanti ettha vipākābyākatacittena saha vā seyyaṃ kappeyyāti evamattho daṭṭhabbo, aññathā sacittakattā sikkhāpadassa kiriyābyākataṃ sandhāya na yujjatī’’ti, taṃ na gahetabbaṃ. Na hi sacittakasikkhāpadavītikkamo arahato na sambhavati. Teneva pathavīkhaṇanādīsu sacittakasikkhāpadesu ticittameva vuttaṃ. Sesamettha uttānameva. Akatānudhammatā, jānanā, sambhogādikaraṇanti imāni panettha tīṇi aṅgāni.
угкид̇д̇асамбхог̇асигкаабад̣̇аван̣н̣анаа нидтид̇аа.
Ukkhittasambhogasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. угкид̇д̇асамбхог̇асигкаабад̣̇аван̣н̣анаа • 9. Ukkhittasambhogasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. угкид̇д̇асамбхог̇асигкаабад̣̇аван̣н̣анаа • 9. Ukkhittasambhogasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. угкид̇д̇асамбхог̇асигкаабад̣̇ам̣ • 9. Ukkhittasambhogasikkhāpadaṃ
