| Library / Tipiṭaka / තිපිටක • Tipiṭaka / මහාවිභඞ්‌ග-අට්‌ඨකථා • Mahāvibhaṅga-aṭṭhakathā |
9. උක්‌ඛිත්‌තසම්‌භොගසික්‌ඛාපදවණ්‌ණනා
9. Ukkhittasambhogasikkhāpadavaṇṇanā
424-5. නවමෙ – අකටානුධම්‌මෙනාති අනුධම්‌මො වුච්‌චති ආපත්‌තියා අදස්‌සනෙ වා අප්‌පටිකම්‌මෙ වා පාපිකාය දිට්‌ඨියා අප්‌පටිනිස්‌සග්‌ගෙ වා ධම්‌මෙන විනයෙන සත්‌ථුසාසනෙන උක්‌ඛිත්‌තකස්‌ස අනුලොමවත්‌තං දිස්‌වා කතා ඔසාරණා; සො ඔසාරණසඞ්‌ඛාතො අනුධම්‌මො යස්‌ස න කතො, අයං අකටානුධම්‌මො නාම, තාදිසෙන සද්‌ධින්‌ති අත්‌ථො. තෙනෙවස්‌ස පදභාජනෙ ‘‘අකටානුධම්‌මො නාම උක්‌ඛිත්‌තො අනොසාරිතො’’ති වුත්‌තං.
424-5. Navame – akaṭānudhammenāti anudhammo vuccati āpattiyā adassane vā appaṭikamme vā pāpikāya diṭṭhiyā appaṭinissagge vā dhammena vinayena satthusāsanena ukkhittakassa anulomavattaṃ disvā katā osāraṇā; so osāraṇasaṅkhāto anudhammo yassa na kato, ayaṃ akaṭānudhammo nāma, tādisena saddhinti attho. Tenevassa padabhājane ‘‘akaṭānudhammo nāma ukkhitto anosārito’’ti vuttaṃ.
දෙති වා පටිග්‌ගණ්‌හාති වාති එකපයොගෙන බහුම්‌පි දදතො වා ගණ්‌හතො වා එකං පාචිත්‌තියං. විච්‌ඡින්‌දිත්‌වා විච්‌ඡින්‌දිත්‌වා දෙන්‌තස්‌ස ච ගණ්‌හන්‌තස්‌ස ච පයොගගණනාය පාචිත්‌තියානි . සෙසමෙත්‌ථ උත්‌තානමෙව. තිසමුට්‌ඨානං – කිරියං, සඤ්‌ඤාවිමොක්‌ඛං, සචිත්‌තකං, පණ්‌ණත්‌තිවජ්‌ජං, කායකම්‌මං, වචීකම්‌මං, තිචිත්‌තං, තිවෙදනන්‌ති.
Deti vā paṭiggaṇhāti vāti ekapayogena bahumpi dadato vā gaṇhato vā ekaṃ pācittiyaṃ. Vicchinditvā vicchinditvā dentassa ca gaṇhantassa ca payogagaṇanāya pācittiyāni . Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
උක්‌ඛිත්‌තසම්‌භොගසික්‌ඛාපදං නවමං.
Ukkhittasambhogasikkhāpadaṃ navamaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 7. සප්‌පාණකවග්‌ගො • 7. Sappāṇakavaggo
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 9. උක්‌ඛිත්‌තසම්‌භොගසික්‌ඛාපදවණ්‌ණනා • 9. Ukkhittasambhogasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 9. උක්‌ඛිත්‌තසම්‌භොගසික්‌ඛාපදවණ්‌ණනා • 9. Ukkhittasambhogasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 9. උක්‌ඛිත්‌තසම්‌භොගසික්‌ඛාපදවණ්‌ණනා • 9. Ukkhittasambhogasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 9. උක්‌ඛිත්‌තසම්‌භොගසික්‌ඛාපදං • 9. Ukkhittasambhogasikkhāpadaṃ
