| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੯. ਉਕ੍ਖਿਤ੍ਤਸਮ੍ਭੋਗਸਿਕ੍ਖਾਪਦવਣ੍ਣਨਾ
9. Ukkhittasambhogasikkhāpadavaṇṇanā
ਅਕਤਾਨੁਧਮ੍ਮੇਨਾਤਿ ਉਕ੍ਖਿਪਿਤ੍વਾ ਅਨੋਸਾਰਿਤੇਨ। ਤੇਨਾਹ ‘‘ਅਨੁਧਮ੍ਮੋ વੁਚ੍ਚਤੀ’’ਤਿਆਦਿ। ਏਤ੍ਥ ਅਨੁਧਮ੍ਮੋਤਿ ਓਸਾਰਣਾ વੁਚ੍ਚਤੀਤਿ ਸਮ੍ਬਨ੍ਧੋ। ਉਕ੍ਖੇਪਨੀਯਕਮ੍ਮਸ੍ਸਾਨੁਰੂਪੋ, ਪਚ੍ਛਾ ਕਤ੍ਤਬ੍ਬੋ વਾ ਧਮ੍ਮੋਤਿ ਅਨੁਧਮ੍ਮੋ। ਅਨੁਲੋਮવਤ੍ਤਂ ਦਿਸ੍વਾਤਿ ‘‘ਨ ਉਪਸਮ੍ਪਾਦੇਤਬ੍ਬਂ, ਨ ਨਿਸ੍ਸਯੋ ਦਾਤਬ੍ਬੋ’’ਤਿਆਦਿਕਂ (ਚੂਲ਼વ॰ ੭੦) ਅਟ੍ਠਾਰਸવਿਧਂ વਤ੍ਤਂ ਦਿਸ੍વਾ, ਏਤੇਸੁ ਅਟ੍ਠਾਰਸਸੁ ਅਨੁਲੋਮવਤ੍ਤੇਸੁ વਤ੍ਤਨ੍ਤਂ ਦਿਸ੍વਾਤਿ ਅਧਿਪ੍ਪਾਯੋ। ਆਮਿਸਸਮ੍ਭੋਗਂ વਾ ਧਮ੍ਮਸਮ੍ਭੋਗਂ વਾਤਿ ਏਤ੍ਥ ਯਂ ਕਿਞ੍ਚਿ ਆਮਿਸਸ੍ਸ ਦਾਨਂ, ਪਟਿਗ੍ਗਹਣਞ੍ਚ ਆਮਿਸਸਮ੍ਭੋਗੋ। ਧਮ੍ਮਸ੍ਸ ਉਦ੍ਦਿਸਨਂ, ਉਦ੍ਦਿਸਾਪਨਞ੍ਚ ਧਮ੍ਮਸਮ੍ਭੋਗੋ। ਸਂવਸੇਯ੍ਯਾਤਿ ‘‘ਉਪੋਸਥਂ વਾ ਪવਾਰਣਂ વਾ ਸਙ੍ਘਕਮ੍ਮਂ વਾ’’ਤਿ (ਪਾਚਿ॰ ੪੨੫) ਏવਂ ਪਦਭਾਜਨਿਯਂ વੁਤ੍ਤਂ ਤਿવਿਧਂ ਸਂવਾਸਂ ਕਰੇਯ੍ਯ। ਯਸ੍ਮਾ ਪਨੇਤ੍ਥ ਉਪੋਸਥਪવਾਰਣਾਪਿ ਸਙ੍ਘੇਹਿਯੇવ ਕਾਤਬ੍ਬਤ੍ਤਾ ਸਙ੍ਘਕਮ੍ਮਾਨਿਯੇવ ਹੋਨ੍ਤਿ, ਤਸ੍ਮਾ ‘‘ਉਪੋਸਥਾਦਿਕਂ ਸਙ੍ਘਕਮ੍ਮਂ ਕਰੇਯ੍ਯਾ’’ਤਿ વੁਤ੍ਤਂ। ਪਯੋਗੇ ਪਯੋਗੇਤਿ ਦਾਨੇ ਦਾਨੇ, ਗਹਣੇ ਗਹਣੇ ਚਾਤਿ ਅਤ੍ਥੋ।
Akatānudhammenāti ukkhipitvā anosāritena. Tenāha ‘‘anudhammo vuccatī’’tiādi. Ettha anudhammoti osāraṇā vuccatīti sambandho. Ukkhepanīyakammassānurūpo, pacchā kattabbo vā dhammoti anudhammo. Anulomavattaṃ disvāti ‘‘na upasampādetabbaṃ, na nissayo dātabbo’’tiādikaṃ (cūḷava. 70) aṭṭhārasavidhaṃ vattaṃ disvā, etesu aṭṭhārasasu anulomavattesu vattantaṃ disvāti adhippāyo. Āmisasambhogaṃ vā dhammasambhogaṃ vāti ettha yaṃ kiñci āmisassa dānaṃ, paṭiggahaṇañca āmisasambhogo. Dhammassa uddisanaṃ, uddisāpanañca dhammasambhogo. Saṃvaseyyāti ‘‘uposathaṃ vā pavāraṇaṃ vā saṅghakammaṃ vā’’ti (pāci. 425) evaṃ padabhājaniyaṃ vuttaṃ tividhaṃ saṃvāsaṃ kareyya. Yasmā panettha uposathapavāraṇāpi saṅghehiyeva kātabbattā saṅghakammāniyeva honti, tasmā ‘‘uposathādikaṃ saṅghakammaṃ kareyyā’’ti vuttaṃ. Payoge payogeti dāne dāne, gahaṇe gahaṇe cāti attho.
ਪਣ੍ਣਤ੍ਤਿਂ ਅਜਾਨਨ੍ਤੇਨ ਅਰਹਤਾਪਿ ਕਿਰਿਯਾਬ੍ਯਾਕਤਚਿਤ੍ਤੇਨ ਆਪਜ੍ਜਿਤਬ੍ਬਤ੍ਤਾ ‘‘ਤਿਚਿਤ੍ਤ’’ਨ੍ਤਿ વੁਤ੍ਤਂ।
Paṇṇattiṃ ajānantena arahatāpi kiriyābyākatacittena āpajjitabbattā ‘‘ticitta’’nti vuttaṃ.
ਉਕ੍ਖਿਤ੍ਤਸਮ੍ਭੋਗਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ukkhittasambhogasikkhāpadavaṇṇanā niṭṭhitā.
