| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৮. উক্খিত্তাসিকসুত্তং
8. Ukkhittāsikasuttaṃ
১০৩. ‘‘ছ, ভিক্খৰে, আনিসংসে সম্পস্সমানেন অলমেৰ ভিক্খুনা সব্বসঙ্খারেসু অনোধিং করিত্ৰা দুক্খসঞ্ঞং উপট্ঠাপেতুং। কতমে ছ? ‘সব্বসঙ্খারেসু চ মে নিব্বিদসঞ্ঞা পচ্চুপট্ঠিতা ভৰিস্সতি, সেয্যথাপি উক্খিত্তাসিকে ৰধকে। সব্বলোকা চ মে মনো ৰুট্ঠহিস্সতি, নিব্বানে চ সন্তদস্সাৰী ভৰিস্সামি, অনুসযা চ মে সমুগ্ঘাতং গচ্ছিস্সন্তি 1, কিচ্চকারী চ ভৰিস্সামি, সত্থা চ মে পরিচিণ্ণো ভৰিস্সতি মেত্তাৰতাযা’তি। ইমে খো, ভিক্খৰে, ছ আনিসংসে সম্পস্সমানেন অলমেৰ ভিক্খুনা সব্বসঙ্খারেসু অনোধিং করিত্ৰা দুক্খসঞ্ঞং উপট্ঠাপেতু’’ন্তি। অট্ঠমং।
103. ‘‘Cha, bhikkhave, ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhāpetuṃ. Katame cha? ‘Sabbasaṅkhāresu ca me nibbidasaññā paccupaṭṭhitā bhavissati, seyyathāpi ukkhittāsike vadhake. Sabbalokā ca me mano vuṭṭhahissati, nibbāne ca santadassāvī bhavissāmi, anusayā ca me samugghātaṃ gacchissanti 2, kiccakārī ca bhavissāmi, satthā ca me pariciṇṇo bhavissati mettāvatāyā’ti. Ime kho, bhikkhave, cha ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhāpetu’’nti. Aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮. উক্খিত্তাসিকসুত্তৰণ্ণনা • 8. Ukkhittāsikasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১১. পাতুভাৰসুত্তাদিৰণ্ণনা • 1-11. Pātubhāvasuttādivaṇṇanā
