| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
ад̇хигаран̣абхзд̣̇о
Adhikaraṇabhedo
1. уггоданабхзд̣̇аад̣̇и
1. Ukkoṭanabhedādi
340. 1 жад̇д̇аари ад̇хигаран̣аани. виваад̣̇аад̇хигаран̣ам̣, ануваад̣̇аад̇хигаран̣ам̣, аабад̇д̇аад̇хигаран̣ам̣, гижжаад̇хигаран̣ам̣ – имаани жад̇д̇аари ад̇хигаран̣аани.
340.2 Cattāri adhikaraṇāni. Vivādādhikaraṇaṃ, anuvādādhikaraṇaṃ, āpattādhikaraṇaṃ, kiccādhikaraṇaṃ – imāni cattāri adhikaraṇāni.
имзсам̣ жад̇уннам̣ ад̇хигаран̣аанам̣ гад̇и уггодаа? имзсам̣ жад̇уннам̣ ад̇хигаран̣аанам̣ д̣̇аса уггодаа. виваад̣̇аад̇хигаран̣асса д̣̇вз уггодаа, ануваад̣̇аад̇хигаран̣асса жад̇д̇ааро уггодаа, аабад̇д̇аад̇хигаран̣асса д̇аяо уггодаа, гижжаад̇хигаран̣асса зго уггодо – имзсам̣ жад̇уннам̣ ад̇хигаран̣аанам̣ имз д̣̇аса уггодаа.
Imesaṃ catunnaṃ adhikaraṇānaṃ kati ukkoṭā? Imesaṃ catunnaṃ adhikaraṇānaṃ dasa ukkoṭā. Vivādādhikaraṇassa dve ukkoṭā, anuvādādhikaraṇassa cattāro ukkoṭā, āpattādhikaraṇassa tayo ukkoṭā, kiccādhikaraṇassa eko ukkoṭo – imesaṃ catunnaṃ adhikaraṇānaṃ ime dasa ukkoṭā.
виваад̣̇аад̇хигаран̣ам̣ уггодзнд̇о гад̇и самат̇з уггодзд̇и? ануваад̣̇аад̇хигаран̣ам̣ уггодзнд̇о гад̇и самат̇з уггодзд̇и? аабад̇д̇аад̇хигаран̣ам̣ уггодзнд̇о гад̇и самат̇з уггодзд̇и? гижжаад̇хигаран̣ам̣ уггодзнд̇о гад̇и самат̇з уггодзд̇и?
Vivādādhikaraṇaṃ ukkoṭento kati samathe ukkoṭeti? Anuvādādhikaraṇaṃ ukkoṭento kati samathe ukkoṭeti? Āpattādhikaraṇaṃ ukkoṭento kati samathe ukkoṭeti? Kiccādhikaraṇaṃ ukkoṭento kati samathe ukkoṭeti?
виваад̣̇аад̇хигаран̣ам̣ уггодзнд̇о д̣̇вз самат̇з уггодзд̇и. ануваад̣̇аад̇хигаран̣ам̣ уггодзнд̇о жад̇д̇ааро самат̇з уггодзд̇и. аабад̇д̇аад̇хигаран̣ам̣ уггодзнд̇о д̇аяо самат̇з уггодзд̇и. гижжаад̇хигаран̣ам̣ уггодзнд̇о згам̣ самат̇ам̣ уггодзд̇и.
Vivādādhikaraṇaṃ ukkoṭento dve samathe ukkoṭeti. Anuvādādhikaraṇaṃ ukkoṭento cattāro samathe ukkoṭeti. Āpattādhikaraṇaṃ ukkoṭento tayo samathe ukkoṭeti. Kiccādhikaraṇaṃ ukkoṭento ekaṃ samathaṃ ukkoṭeti.
341. гад̇и уггодаа? гад̇ихаагаарзхи уггоданам̣ басавад̇и? гад̇ихан̇г̇зхи саманнааг̇ад̇о буг̇г̇ало ад̇хигаран̣ам̣ уггодзд̇и? гад̇и буг̇г̇алаа ад̇хигаран̣ам̣ уггодзнд̇аа аабад̇д̇им̣ аабаж̇ж̇анд̇и?
341. Kati ukkoṭā? Katihākārehi ukkoṭanaṃ pasavati? Katihaṅgehi samannāgato puggalo adhikaraṇaṃ ukkoṭeti? Kati puggalā adhikaraṇaṃ ukkoṭentā āpattiṃ āpajjanti?
д̣̇ваад̣̇аса уггодаа. д̣̇асахаагаарзхи уггоданам̣ басавад̇и. жад̇уухан̇г̇зхи саманнааг̇ад̇о буг̇г̇ало ад̇хигаран̣ам̣ уггодзд̇и. жад̇д̇ааро буг̇г̇алаа ад̇хигаран̣ам̣ уггодзнд̇аа аабад̇д̇им̣ аабаж̇ж̇анд̇и?
Dvādasa ukkoṭā. Dasahākārehi ukkoṭanaṃ pasavati. Catūhaṅgehi samannāgato puggalo adhikaraṇaṃ ukkoṭeti. Cattāro puggalā adhikaraṇaṃ ukkoṭentā āpattiṃ āpajjanti?
гад̇амз д̣̇ваад̣̇аса уггодаа? агад̇ам̣ гаммам̣, д̣̇уггадам̣ гаммам̣, буна гаад̇аб̣б̣ам̣ гаммам̣, анихад̇ам̣, д̣̇уннихад̇ам̣, буна ниханид̇аб̣б̣ам̣, авинижчид̇ам̣, д̣̇увинижчид̇ам̣, буна винижчид̇аб̣б̣ам̣, авуубасанд̇ам̣, д̣̇увуубасанд̇ам̣, буна вуубасамзд̇аб̣б̣анд̇и – имз д̣̇ваад̣̇аса уггодаа.
Katame dvādasa ukkoṭā? Akataṃ kammaṃ, dukkaṭaṃ kammaṃ, puna kātabbaṃ kammaṃ, anihataṃ, dunnihataṃ, puna nihanitabbaṃ, avinicchitaṃ, duvinicchitaṃ, puna vinicchitabbaṃ, avūpasantaṃ, duvūpasantaṃ, puna vūpasametabbanti – ime dvādasa ukkoṭā.
гад̇амзхи д̣̇асахаагаарзхи уггоданам̣ басавад̇и? д̇ад̇т̇а ж̇аад̇агам̣ ад̇хигаран̣ам̣ уггодзд̇и, д̇ад̇т̇а ж̇аад̇агам̣ вуубасанд̇ам̣ ад̇хигаран̣ам̣ уггодзд̇и, анд̇араамаг̇г̇з ад̇хигаран̣ам̣ уггодзд̇и, анд̇араамаг̇г̇з вуубасанд̇ам̣ ад̇хигаран̣ам̣ уггодзд̇и, д̇ад̇т̇а г̇ад̇ам̣ ад̇хигаран̣ам̣ уггодзд̇и, д̇ад̇т̇а г̇ад̇ам̣ вуубасанд̇ам̣ ад̇хигаран̣ам̣ уггодзд̇и, сад̇ивинаяам̣ уггодзд̇и, амуул̣хавинаяам̣ уггодзд̇и, д̇ассабаабияасигам̣ уггодзд̇и, д̇ин̣авад̇т̇аарагам̣ уггодзд̇и – имзхи д̣̇асахаагаарзхи уггоданам̣ басавад̇и.
Katamehi dasahākārehi ukkoṭanaṃ pasavati? Tattha jātakaṃ adhikaraṇaṃ ukkoṭeti, tattha jātakaṃ vūpasantaṃ adhikaraṇaṃ ukkoṭeti, antarāmagge adhikaraṇaṃ ukkoṭeti, antarāmagge vūpasantaṃ adhikaraṇaṃ ukkoṭeti, tattha gataṃ adhikaraṇaṃ ukkoṭeti, tattha gataṃ vūpasantaṃ adhikaraṇaṃ ukkoṭeti, sativinayaṃ ukkoṭeti, amūḷhavinayaṃ ukkoṭeti, tassapāpiyasikaṃ ukkoṭeti, tiṇavatthārakaṃ ukkoṭeti – imehi dasahākārehi ukkoṭanaṃ pasavati.
гад̇амзхи жад̇уухан̇г̇зхи саманнааг̇ад̇о буг̇г̇ало ад̇хигаран̣ам̣ уггодзд̇и? чанд̣̇ааг̇ад̇им̣ г̇ажчанд̇о ад̇хигаран̣ам̣ уггодзд̇и, д̣̇осааг̇ад̇им̣ г̇ажчанд̇о ад̇хигаран̣ам̣ уггодзд̇и, мохааг̇ад̇им̣ г̇ажчанд̇о ад̇хигаран̣ам̣ уггодзд̇и, бхаяааг̇ад̇им̣ г̇ажчанд̇о ад̇хигаран̣ам̣ уггодзд̇и – имзхи жад̇уухан̇г̇зхи саманнааг̇ад̇о буг̇г̇ало ад̇хигаран̣ам̣ уггодзд̇и.
Katamehi catūhaṅgehi samannāgato puggalo adhikaraṇaṃ ukkoṭeti? Chandāgatiṃ gacchanto adhikaraṇaṃ ukkoṭeti, dosāgatiṃ gacchanto adhikaraṇaṃ ukkoṭeti, mohāgatiṃ gacchanto adhikaraṇaṃ ukkoṭeti, bhayāgatiṃ gacchanto adhikaraṇaṃ ukkoṭeti – imehi catūhaṅgehi samannāgato puggalo adhikaraṇaṃ ukkoṭeti.
гад̇амз жад̇д̇ааро буг̇г̇алаа ад̇хигаран̣ам̣ уггодзнд̇аа аабад̇д̇им̣ аабаж̇ж̇анд̇и? д̇ад̣̇ахубасамбанно уггодзд̇и уггоданагам̣ баажид̇д̇ияам̣, ааг̇анд̇уго уггодзд̇и уггоданагам̣ баажид̇д̇ияам̣, гаараго уггодзд̇и уггоданагам̣ баажид̇д̇ияам̣, чанд̣̇ад̣̇ааяаго уггодзд̇и уггоданагам̣ баажид̇д̇ияам̣ – имз жад̇д̇ааро буг̇г̇алаа ад̇хигаран̣ам̣ уггодзнд̇аа аабад̇д̇им̣ аабаж̇ж̇анд̇и.
Katame cattāro puggalā adhikaraṇaṃ ukkoṭentā āpattiṃ āpajjanti? Tadahupasampanno ukkoṭeti ukkoṭanakaṃ pācittiyaṃ, āgantuko ukkoṭeti ukkoṭanakaṃ pācittiyaṃ, kārako ukkoṭeti ukkoṭanakaṃ pācittiyaṃ, chandadāyako ukkoṭeti ukkoṭanakaṃ pācittiyaṃ – ime cattāro puggalā adhikaraṇaṃ ukkoṭentā āpattiṃ āpajjanti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / уггоданабхзд̣̇аад̣̇иван̣н̣анаа • Ukkoṭanabhedādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣абхзд̣̇аван̣н̣анаа • Adhikaraṇabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / уггоданабхзд̣̇аад̣̇иван̣н̣анаа • Ukkoṭanabhedādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / уггоданабхзд̣̇аад̣̇игат̇ааван̣н̣анаа • Ukkoṭanabhedādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / уггоданабхзд̣̇аад̣̇иван̣н̣анаа • Ukkoṭanabhedādivaṇṇanā
