| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಅಧಿಕರಣಭೇದಂ
Adhikaraṇabhedaṃ
ಉಕ್ಕೋಟನಭೇದಾದಿಕಥಾವಣ್ಣನಾ
Ukkoṭanabhedādikathāvaṇṇanā
೩೪೧. ‘‘ಅಲಂ ಆವುಸೋ’’ತಿ ಅತ್ತಪಚ್ಚತ್ಥಿಕೇ ಸಞ್ಞಾಪೇತ್ವಾತಿ ಪತ್ತಚೀವರಾದಿಅತ್ಥಾಯ ಅಲಂ ಭಣ್ಡನಾದಿಕರಣನ್ತಿ ವಿವಾದಾದೀಸು ದೋಸದಸ್ಸನಮತ್ತೇನ ಸಞ್ಞಾಪೇತ್ವಾ ಅಞ್ಞಮಞ್ಞಂ ಖಮಾಪೇತ್ವಾ ವೂಪಸಮೇನ್ತಿ, ನ ಪನ ಅಞ್ಞಮಞ್ಞಂ ಆಪತ್ತಾನಾಪತ್ತಿದಸ್ಸನವಸೇನಾತಿ ಅಧಿಪ್ಪಾಯೋ। ತೇನಾಹ ‘‘ಪಾಳಿಮುತ್ತಕವಿನಿಚ್ಛಯೇನೇವಾ’’ತಿ।
341.‘‘Alaṃāvuso’’ti attapaccatthike saññāpetvāti pattacīvarādiatthāya alaṃ bhaṇḍanādikaraṇanti vivādādīsu dosadassanamattena saññāpetvā aññamaññaṃ khamāpetvā vūpasamenti, na pana aññamaññaṃ āpattānāpattidassanavasenāti adhippāyo. Tenāha ‘‘pāḷimuttakavinicchayenevā’’ti.
ವಿಸಮಾನಿ ಕಾಯಕಮ್ಮಾದೀನಿ ನಿಸ್ಸಿತೋ ಭಿಕ್ಖು ವಿಸಮನಿಸ್ಸಿತೋ ನಾಮ, ಮಿಚ್ಛಾದಿಟ್ಠಿನಿಸ್ಸಿತೋ ಗಹನನಿಸ್ಸಿತೋ, ಬಲವನ್ತೇ ಪುರಿಸೇ ನಿಸ್ಸಿತೋ ಬಲವನಿಸ್ಸಿತೋ ನಾಮಾತಿ ದಸ್ಸೇನ್ತೋ ‘‘ಏಕೋ ವಿಸಮಾನೀ’’ತಿಆದಿಮಾಹ।
Visamāni kāyakammādīni nissito bhikkhu visamanissito nāma, micchādiṭṭhinissito gahananissito, balavante purise nissito balavanissito nāmāti dassento ‘‘eko visamānī’’tiādimāha.
ಉಕ್ಕೋಟನಭೇದಾದಿಕಥಾವಣ್ಣನಾ ನಿಟ್ಠಿತಾ।
Ukkoṭanabhedādikathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೧. ಉಕ್ಕೋಟನಭೇದಾದಿ • 1. Ukkoṭanabhedādi
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಉಕ್ಕೋಟನಭೇದಾದಿವಣ್ಣನಾ • Ukkoṭanabhedādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಅಧಿಕರಣಭೇದವಣ್ಣನಾ • Adhikaraṇabhedavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಉಕ್ಕೋಟನಭೇದಾದಿವಣ್ಣನಾ • Ukkoṭanabhedādivaṇṇanā
