| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
அதி⁴கரணபே⁴த³வண்ணனா
Adhikaraṇabhedavaṇṇanā
உக்கோடனபே⁴தா³தி³வண்ணனா
Ukkoṭanabhedādivaṇṇanā
340. அதி⁴கரணஉக்கோடேன ஸமதா²னங் உக்கோடங் த³ஸ்ஸேதுந்தி அதி⁴கரணானி ஸத்தஹி ஸமதே²ஹி ஸம்மந்தி, தானி உக்கோடெந்தோ ஸத்த ஸமதே² உக்கோடேதி நாமாதி அதி⁴ப்பாயோ. பஸவதீதி ஸம்ப⁴வதி. ‘‘அனுவாதா³தி⁴கரணே லப்³ப⁴ந்தீ’திஆதீ³னி ‘த⁴ம்மோ அத⁴ம்மோ’திஆதீ³னங் ஸமானத்தா தேஸு விஸேஸதோ லப்³ப⁴ந்தீ’’தி வுத்தங். அனிஹதந்தி ஸுத்தாதி³னா. அவினிச்சி²தந்தி ‘‘ஆபத்திஅனாபத்தீ’’திஆதி³னா. ‘‘தத்த² ஜாதகங் அதி⁴கரணங் உக்கோடேதி…பே॰… திணவத்தா²ரகங் உக்கோடேதீ’’தி த³ஸேவ வுத்தா. ‘‘ஸம்முகா²வினயபடிஞ்ஞாதகரணயேபு⁴ய்யஸிகா அவுத்தத்தா உக்கோடேதுங் ந ஸக்கா, கம்மவாசாபி தேஸங் நத்தி². தஸ்மா தே உக்கோடேதுங் ந ஸக்காதி வத³ந்தீ’’தி லிகி²தங். பாளிமுத்தகவினிச்ச²யேனேவாதி வினயலக்க²ணங் வினா கேவலங் த⁴ம்மதே³ஸனாமத்தவஸேனேவாதி அத்தோ². க²ந்த⁴கதோ வா பரிவாரதோ வா ஆனீதஸுத்தேன. நிஜ்ஜா²பெந்தி த³ஸ்ஸெந்தி. புப்³பே³ த⁴ம்மவினயேன வினிச்சி²தங் அதி⁴கரணங் உபஜ்ஜா²யாதீ³னங் அத்தா²ய ‘‘அத⁴ம்மங் த⁴ம்மோ’’திஆதீ³னி தீ³பெத்வாதி அத்தோ². விஸமானி காயகம்மாதீ³னி நிஸ்ஸிதத்தா விஸமனிஸ்ஸிதோ. ஏவங் ஸேஸேஸு.
340.Adhikaraṇaukkoṭenasamathānaṃ ukkoṭaṃ dassetunti adhikaraṇāni sattahi samathehi sammanti, tāni ukkoṭento satta samathe ukkoṭeti nāmāti adhippāyo. Pasavatīti sambhavati. ‘‘Anuvādādhikaraṇe labbhantī’tiādīni ‘dhammo adhammo’tiādīnaṃ samānattā tesu visesato labbhantī’’ti vuttaṃ. Anihatanti suttādinā. Avinicchitanti ‘‘āpattianāpattī’’tiādinā. ‘‘Tattha jātakaṃ adhikaraṇaṃ ukkoṭeti…pe… tiṇavatthārakaṃ ukkoṭetī’’ti daseva vuttā. ‘‘Sammukhāvinayapaṭiññātakaraṇayebhuyyasikā avuttattā ukkoṭetuṃ na sakkā, kammavācāpi tesaṃ natthi. Tasmā te ukkoṭetuṃ na sakkāti vadantī’’ti likhitaṃ. Pāḷimuttakavinicchayenevāti vinayalakkhaṇaṃ vinā kevalaṃ dhammadesanāmattavasenevāti attho. Khandhakato vā parivārato vā ānītasuttena. Nijjhāpenti dassenti. Pubbe dhammavinayena vinicchitaṃ adhikaraṇaṃ upajjhāyādīnaṃ atthāya ‘‘adhammaṃ dhammo’’tiādīni dīpetvāti attho. Visamāni kāyakammādīni nissitattā visamanissito. Evaṃ sesesu.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. உக்கோடனபே⁴தா³தி³ • 1. Ukkoṭanabhedādi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / உக்கோடனபே⁴தா³தி³வண்ணனா • Ukkoṭanabhedādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அதி⁴கரணபே⁴த³வண்ணனா • Adhikaraṇabhedavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / உக்கோடனபே⁴தா³தி³வண்ணனா • Ukkoṭanabhedādivaṇṇanā
