| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
ад̇хигаран̣абхзд̣̇аван̣н̣анаа
Adhikaraṇabhedavaṇṇanā
уггоданабхзд̣̇аад̣̇иван̣н̣анаа
Ukkoṭanabhedādivaṇṇanā
340. ад̇хигаран̣ауггодзна самат̇аанам̣ уггодам̣ д̣̇ассзд̇унд̇и ад̇хигаран̣аани сад̇д̇ахи самат̇зхи самманд̇и, д̇аани уггодзнд̇о сад̇д̇а самат̇з уггодзд̇и наамаад̇и ад̇хиббааяо. басавад̇ийд̇и самбхавад̇и. ‘‘ануваад̣̇аад̇хигаран̣з лаб̣бханд̇ий’д̇иаад̣̇ийни ‘д̇хаммо ад̇хаммо’д̇иаад̣̇ийнам̣ самаанад̇д̇аа д̇зсу висзсад̇о лаб̣бханд̇ий’’д̇и вуд̇д̇ам̣. анихад̇анд̇и суд̇д̇аад̣̇инаа. авинижчид̇анд̇и ‘‘аабад̇д̇ианаабад̇д̇ий’’д̇иаад̣̇инаа. ‘‘д̇ад̇т̇а ж̇аад̇агам̣ ад̇хигаран̣ам̣ уггодзд̇и…бз… д̇ин̣авад̇т̇аарагам̣ уггодзд̇ий’’д̇и д̣̇асзва вуд̇д̇аа. ‘‘саммукаавинаяабадин̃н̃аад̇агаран̣аязбхуяяасигаа авуд̇д̇ад̇д̇аа уггодзд̇ум̣ на саггаа, гаммаваажааби д̇зсам̣ над̇т̇и. д̇асмаа д̇з уггодзд̇ум̣ на саггаад̇и вад̣̇анд̇ий’’д̇и ликид̇ам̣. баал̣имуд̇д̇агавинижчаязнзваад̇и винаяалагкан̣ам̣ винаа гзвалам̣ д̇хаммад̣̇зсанаамад̇д̇авасзнзваад̇и ад̇т̇о. канд̇хагад̇о ваа бариваарад̇о ваа аанийд̇асуд̇д̇зна. ниж̇жхаабзнд̇и д̣̇ассзнд̇и. буб̣б̣з д̇хаммавинаязна винижчид̇ам̣ ад̇хигаран̣ам̣ убаж̇жхааяаад̣̇ийнам̣ ад̇т̇ааяа ‘‘ад̇хаммам̣ д̇хаммо’’д̇иаад̣̇ийни д̣̇ийбзд̇ваад̇и ад̇т̇о. висамаани гааяагаммаад̣̇ийни ниссид̇ад̇д̇аа висаманиссид̇о. звам̣ сзсзсу.
340.Adhikaraṇaukkoṭenasamathānaṃ ukkoṭaṃ dassetunti adhikaraṇāni sattahi samathehi sammanti, tāni ukkoṭento satta samathe ukkoṭeti nāmāti adhippāyo. Pasavatīti sambhavati. ‘‘Anuvādādhikaraṇe labbhantī’tiādīni ‘dhammo adhammo’tiādīnaṃ samānattā tesu visesato labbhantī’’ti vuttaṃ. Anihatanti suttādinā. Avinicchitanti ‘‘āpattianāpattī’’tiādinā. ‘‘Tattha jātakaṃ adhikaraṇaṃ ukkoṭeti…pe… tiṇavatthārakaṃ ukkoṭetī’’ti daseva vuttā. ‘‘Sammukhāvinayapaṭiññātakaraṇayebhuyyasikā avuttattā ukkoṭetuṃ na sakkā, kammavācāpi tesaṃ natthi. Tasmā te ukkoṭetuṃ na sakkāti vadantī’’ti likhitaṃ. Pāḷimuttakavinicchayenevāti vinayalakkhaṇaṃ vinā kevalaṃ dhammadesanāmattavasenevāti attho. Khandhakato vā parivārato vā ānītasuttena. Nijjhāpenti dassenti. Pubbe dhammavinayena vinicchitaṃ adhikaraṇaṃ upajjhāyādīnaṃ atthāya ‘‘adhammaṃ dhammo’’tiādīni dīpetvāti attho. Visamāni kāyakammādīni nissitattā visamanissito. Evaṃ sesesu.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. уггоданабхзд̣̇аад̣̇и • 1. Ukkoṭanabhedādi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / уггоданабхзд̣̇аад̣̇иван̣н̣анаа • Ukkoṭanabhedādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣абхзд̣̇аван̣н̣анаа • Adhikaraṇabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / уггоданабхзд̣̇аад̣̇иван̣н̣анаа • Ukkoṭanabhedādivaṇṇanā
