| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಅಧಿಕರಣಭೇದಂ
Adhikaraṇabhedaṃ
ಉಕ್ಕೋಟನಭೇದಾದಿವಣ್ಣನಾ
Ukkoṭanabhedādivaṇṇanā
೩೪೦. ಅಧಿಕರಣಭೇದೇ ಏವಮತ್ಥೋ ವೇದಿತಬ್ಬೋತಿ ಯೋಜನಾ। ದಸ್ಸೇತುಂ ಆಹಾತಿ ಸಮ್ಬನ್ಧೋ। ದ್ವೇ ಸಮಥೇತಿ ಏತ್ಥ ದ್ವಿನ್ನಂ ಸಮಥಾನಂ ಸರೂಪಂ ದಸ್ಸೇನ್ತೋ ಆಹ ‘‘ಸಮ್ಮುಖಾವಿನಯಞ್ಚ ಯೇಭುಯ್ಯಸಿಕಞ್ಚಾ’’ತಿ। ‘‘ಪಟಿಸೇಧೇತೀ’’ತಿ ಇಮಿನಾ ಉಕ್ಕೋಟೇತೀತಿ ಏತ್ಥ ಕುಟಧಾತುಯಾ ಛೇದನತ್ಥಂ ಅತ್ಥತೋ ದಸ್ಸೇತಿ। ಛೇದನಂ ನಾಮ ಅತ್ಥತೋ ಸಮಥಪಟಿಸೇಧನನ್ತಿ ಅತ್ಥೋ।
340. Adhikaraṇabhede evamattho veditabboti yojanā. Dassetuṃ āhāti sambandho. Dve samatheti ettha dvinnaṃ samathānaṃ sarūpaṃ dassento āha ‘‘sammukhāvinayañca yebhuyyasikañcā’’ti. ‘‘Paṭisedhetī’’ti iminā ukkoṭetīti ettha kuṭadhātuyā chedanatthaṃ atthato dasseti. Chedanaṃ nāma atthato samathapaṭisedhananti attho.
೩೪೧. ದ್ವಾದಸಸು ಉಕ್ಕೋಟೇಸೂತಿ ನಿದ್ಧಾರಣೇ ಭುಮ್ಮಂ। ಅಕತಂ ಕಮ್ಮನ್ತಿಆದಯೋತಿ ಏತ್ಥ ಆದಿಸದ್ದೇನ ‘‘ದುಕ್ಕಟಂ ಕಮ್ಮಂ, ಪುನ ಕಾತಬ್ಬಂ ಕಮ್ಮ’’ನ್ತಿ ದ್ವೇ ಉಕ್ಕೋಟಾ ಸಙ್ಗಹೇತಬ್ಬಾ। ಅನಿಹತಂ ಕಮ್ಮನ್ತಿಆದಯೋತಿ ಏತ್ಥ ಆದಿಸದ್ದೇನ ‘‘ದುನ್ನಿಹತಂ, ಪುನ ನಿಹನಿತಬ್ಬ’’ನ್ತಿ ದ್ವೇ ಉಕ್ಕೋಟಾ ಸಙ್ಗಹೇತಬ್ಬಾ। ಅವಿನಿಚ್ಛಿತನ್ತಿಆದಯೋತಿ ಏತ್ಥ ಆದಿಸದ್ದೇನ ‘‘ದುವಿನಿಚ್ಛಿತಂ, ಪುನ ವಿನಿಚ್ಛಿತಬ್ಬ’’ನ್ತಿ ದ್ವೇ ಉಕ್ಕೋಟಾ ಸಙ್ಗಹೇತಬ್ಬಾ। ಅವೂಪಸನ್ತನ್ತಿಆದಯೋತಿ ಏತ್ಥ ಆದಿಸದ್ದೇನ ‘‘ದುವೂಪಸನ್ತಂ, ಪುನ ವೂಪಸಮೇತಬ್ಬ’’ನ್ತಿ ದ್ವೇ ಉಕ್ಕೋಟಾ ಸಙ್ಗಹೇತಬ್ಬಾ। ಅಪಿಚಾತಿ ಸಾಮಞ್ಞತೋ ಪನ।
341. Dvādasasu ukkoṭesūti niddhāraṇe bhummaṃ. Akataṃ kammantiādayoti ettha ādisaddena ‘‘dukkaṭaṃ kammaṃ, puna kātabbaṃ kamma’’nti dve ukkoṭā saṅgahetabbā. Anihataṃ kammantiādayoti ettha ādisaddena ‘‘dunnihataṃ, puna nihanitabba’’nti dve ukkoṭā saṅgahetabbā. Avinicchitantiādayoti ettha ādisaddena ‘‘duvinicchitaṃ, puna vinicchitabba’’nti dve ukkoṭā saṅgahetabbā. Avūpasantantiādayoti ettha ādisaddena ‘‘duvūpasantaṃ, puna vūpasametabba’’nti dve ukkoṭā saṅgahetabbā. Apicāti sāmaññato pana.
ತತ್ಥ ಜಾತಕನ್ತಿ ಏತ್ಥ ತಸದ್ದಸ್ಸ ವಿಸಯಂ ದಸ್ಸೇನ್ತೋ ಆಹ ‘‘ಯಸ್ಮಿಂವಿಹಾರೇ’’ತಿ। ಯಸ್ಮಿಂವಿಹಾರೇ ಉಪ್ಪನ್ನಂ ಹೋತೀತಿ ಸಮ್ಬನ್ಧೋ। ಅಞ್ಞಮಞ್ಞಸ್ಸ ಅತ್ತೇಸು, ಅತ್ತಾನಂ ವಾ ಪಟಿಪಕ್ಖಂ ಅತ್ಥಯನ್ತಿ ಇಚ್ಛನ್ತೀತಿ ಅತ್ತಪಚ್ಚತ್ಥಿಕಾ। ಪಾಳಿಮುತ್ತಕವಿನಿಚ್ಛಯೇನೇವಾತಿ ಪಾಳಿಯಂ ಆಗತೇಹಿ ಸಮಥೇಹಿ ಮುತ್ತಕೇನ ಧಮ್ಮದೇಸನಾಮತ್ತವಿನಿಚ್ಛಯೇನೇವ। ಇದನ್ತಿ ಅಧಿಕರಣಂ। ಯೇನಾಪಿ ವಿನಿಚ್ಛಯೇನಾತಿ ಪಾಳಿಮುತ್ತಕೇನ ಯೇನಾಪಿ ವಿನಿಚ್ಛಯೇನ।
Tattha jātakanti ettha tasaddassa visayaṃ dassento āha ‘‘yasmiṃvihāre’’ti. Yasmiṃvihāre uppannaṃ hotīti sambandho. Aññamaññassa attesu, attānaṃ vā paṭipakkhaṃ atthayanti icchantīti attapaccatthikā. Pāḷimuttakavinicchayenevāti pāḷiyaṃ āgatehi samathehi muttakena dhammadesanāmattavinicchayeneva. Idanti adhikaraṇaṃ. Yenāpi vinicchayenāti pāḷimuttakena yenāpi vinicchayena.
ಅಞ್ಞೋತಿ ನೇವಾಸಿಕೇಹಿ ಅಞ್ಞೋ ವಿನಯಧರೋ ಪುಚ್ಛತೀತಿ ಸಮ್ಬನ್ಧೋ। ತೇಹಿ ಚಾತಿ ನೇವಾಸಿಕೇಹಿ ಚ।
Aññoti nevāsikehi añño vinayadharo pucchatīti sambandho. Tehi cāti nevāsikehi ca.
ಏತಸ್ಸಾತಿ ವಿನಯಧರಸ್ಸ। ಅಯನ್ತಿ ವಿನಯಧರೋ। ತತ್ಥಾತಿ ತಂ ಗಾಮಂ। ಅಞ್ಞಮಞ್ಞಂ ವಾ ಸಞ್ಞಾಪೇನ್ತೀತಿ ಅತ್ತಪಚ್ಚತ್ಥಿಕಾ ಅಞ್ಞಮಞ್ಞಂ ವಾ ಸಞ್ಞಾಪೇನ್ತಿ। ತೇ ಭಿಕ್ಖೂತಿ ತೇ ಅತ್ತಪಚ್ಚತ್ಥಿಕಾ ಭಿಕ್ಖೂ। ನಿಜ್ಝಾಪೇನ್ತೀತಿ ಸಞ್ಞಾಪೇನ್ತಿ। ಉಕ್ಕೋಟೇತಿ ಯೋತಿ ಯೋ ಉಕ್ಕೋಟೇತಿ। ಏತೇತಿ ಅತ್ತಪಚ್ಚತ್ಥಿಕೇ ಭಿಕ್ಖೂ, ದಿಸ್ವಾತಿ ಸಮ್ಬನ್ಧೋ। ತತ್ಥಾತಿ ಗಾಮಂ। ತತ್ಥೇವಾತಿ ಅನ್ತರಾಮಗ್ಗೇ ಏವ।
Etassāti vinayadharassa. Ayanti vinayadharo. Tatthāti taṃ gāmaṃ. Aññamaññaṃ vā saññāpentīti attapaccatthikā aññamaññaṃ vā saññāpenti. Te bhikkhūti te attapaccatthikā bhikkhū. Nijjhāpentīti saññāpenti. Ukkoṭeti yoti yo ukkoṭeti. Eteti attapaccatthike bhikkhū, disvāti sambandho. Tatthāti gāmaṃ. Tatthevāti antarāmagge eva.
ತತ್ಥೇವಾತಿ ಗಾಮಮೇವ। ತತ್ಥೇವಾತಿ ತಸ್ಮಿಂಯೇವ ಠಾನೇ। ತತ್ಥ ಗತನ್ತಿ ತಂ ಗಾಮಂ ಗತಂ।
Tatthevāti gāmameva. Tatthevāti tasmiṃyeva ṭhāne. Tattha gatanti taṃ gāmaṃ gataṃ.
‘‘ಏಸೇವ ನಯೋ’’ತಿ ಇಮಿನಾ ಪಾಚಿತ್ತಿಯಮೇವ ಅತಿದಿಸತಿ।
‘‘Eseva nayo’’ti iminā pācittiyameva atidisati.
ಸಙ್ಘೇನ…ಪೇ॰… ಅಧಿಕರಣೇ ವದನ್ತೋಪೀತಿ ಸಮ್ಬನ್ಧೋ। ಯಂ ಪನೇತಂ ಆಪತ್ತಿವುಟ್ಠಾನಂ ನಾಮ ಹೋತೀತಿ ಯೋಜನಾ। ಏತನ್ತಿ ಆಪತ್ತಿವುಟ್ಠಾನಂ। ವದನ್ತೋಪೀತಿ ಪಿಸದ್ದೋ ನ ಕೇವಲಂ ತಿಣವತ್ಥಾರಕಂ ಉಕ್ಕೋಟೇನ್ತೋಯೇವ ಉಕ್ಕೋಟೇತಿ ನಾಮ, ಅಥ ಖೋ ವದನ್ತೋಪೀತಿ ದಸ್ಸೇತಿ।
Saṅghena…pe… adhikaraṇe vadantopīti sambandho. Yaṃ panetaṃ āpattivuṭṭhānaṃ nāma hotīti yojanā. Etanti āpattivuṭṭhānaṃ. Vadantopīti pisaddo na kevalaṃ tiṇavatthārakaṃ ukkoṭentoyeva ukkoṭeti nāma, atha kho vadantopīti dasseti.
ಛನ್ದಾಗತಿಂ ಗಚ್ಛನ್ತೋತಿಆದೀಸು ಅಗತಿಗಮನಾಕಾರಂ ದಸ್ಸೇನ್ತೋ ಆಹ ‘‘ವಿನಯಧರೋ ಹುತ್ವಾ’’ತಿಆದಿ। ಅತ್ಥಾಯ ಉಕ್ಕೋಟೇನ್ತೋತಿ ಸಮ್ಬನ್ಧೋ। ತಸ್ಸಾತಿ ಅನತ್ಥಂ ಚರನ್ತಸ್ಸ। ಮನ್ದೋ ಪನ ಉಕ್ಕೋಟೇತಿ ನಾಮಾತಿ ಸಮ್ಬನ್ಧೋ। ಏಕೋ ಬಲವನಿಸ್ಸಿತೋ ಚ ಹೋತೀತಿ ಸಮ್ಬನ್ಧೋ। ಗಹನಮಿಚ್ಛಾದಿಟ್ಠಿನ್ತಿ ಗಹನಸದಿಸಂ ಮಿಚ್ಛಾದಿಟ್ಠಿಂ ಪವನಸದಿಸಂ ಮಿಚ್ಛಾದಿಟ್ಠಿನ್ತಿ ಅತ್ಥೋ। ಬಲವನ್ತೇ ಚಾತಿ ಏತ್ಥ ಚಸದ್ದೋ ಸಬ್ಬಕಮ್ಮೇಸು ಯೋಜೇತಬ್ಬೋ। ನಿಸ್ಸಿತತ್ತಾತಿ ಏಕಸ್ಸ ನಿಸ್ಸಿತತ್ತಾ। ಬಲವನಿಸ್ಸಿತೋ ಚಾತಿ ಏತ್ಥಾಪಿ ಚ ಸದ್ದೋ ಸಬ್ಬಕತ್ತೂಸು ಯೋಜೇತಬ್ಬೋ। ತಸ್ಸಾತಿ ವಿಸಮಾದಿನಿಸ್ಸಿತಸ್ಸ।
Chandāgatiṃ gacchantotiādīsu agatigamanākāraṃ dassento āha ‘‘vinayadharo hutvā’’tiādi. Atthāya ukkoṭentoti sambandho. Tassāti anatthaṃ carantassa. Mando pana ukkoṭeti nāmāti sambandho. Eko balavanissito ca hotīti sambandho. Gahanamicchādiṭṭhinti gahanasadisaṃ micchādiṭṭhiṃ pavanasadisaṃ micchādiṭṭhinti attho. Balavante cāti ettha casaddo sabbakammesu yojetabbo. Nissitattāti ekassa nissitattā. Balavanissito cāti etthāpi ca saddo sabbakattūsu yojetabbo. Tassāti visamādinissitassa.
ಸೋತಿ ಸಾಮಣೇರೋ। ಮಙ್ಕುಭೂತಾತ್ಥಾತಿ ಮಙ್ಕೂ ಹುತ್ವಾ ಭೂತಾ, ಮಙ್ಕುಂ ವಾ ಪತ್ತಾ ಅತ್ಥ ಭವಥಾತಿ ಅತ್ಥೋ। ತೇತಿ ಪರಾಜಯಭಿಕ್ಖೂ। ತಸ್ಸಾತಿ ಸಾಮಣೇರಸ್ಸ। ಸೋತಿ ಸಾಮಣೇರೋ। ತೇತಿ ಪರಾಜಯಭಿಕ್ಖೂ। ತನ್ತಿ ಸಾಮಣೇರಂ। ಸೋತಿ ದಹರೋ। ತತೋತಿ ಸನ್ನಿಪಾತಕಾರಣಾ। ಹಿಯ್ಯೋತಿ ಅನನ್ತರಾತೀತಾಹೇ। ಇತೀತಿ ಏವಂ ವದೇತಿ। ಸೋತಿ ದಹರೋ। ಇದಂ ಸಿಕ್ಖಾಪದಂ ಪಞ್ಞತ್ತನ್ತಿ ಯೋಜನಾ। ಗಚ್ಛಾತಿ ಗಚ್ಛಾಹಿ। ಇತೀತಿ ಏವಂ ವತ್ತಬ್ಬೋತಿ ಯೋಜನಾ।
Soti sāmaṇero. Maṅkubhūtātthāti maṅkū hutvā bhūtā, maṅkuṃ vā pattā attha bhavathāti attho. Teti parājayabhikkhū. Tassāti sāmaṇerassa. Soti sāmaṇero. Teti parājayabhikkhū. Tanti sāmaṇeraṃ. Soti daharo. Tatoti sannipātakāraṇā. Hiyyoti anantarātītāhe. Itīti evaṃ vadeti. Soti daharo. Idaṃ sikkhāpadaṃ paññattanti yojanā. Gacchāti gacchāhi. Itīti evaṃ vattabboti yojanā.
ಸಙ್ಘೇನ ಸದ್ಧಿಂ ಅಧಿಕರಣಂ ವಿನಿಚ್ಛಿನಿತ್ವಾ ಪರಿವೇಣಗತಂ ಏಕಂ ಭಿಕ್ಖುನ್ತಿ ಯೋಜನಾ। ಕಿಸ್ಸಾತಿ ಕೇನ ಕಾರಣೇನ। ಏವಂ ಇಮಿನಾಕಾರೇನ ವಿನಿಚ್ಛಿತಬ್ಬಂ ನನೂತಿ ಯೋಜನಾ। ಸೋತಿ ವಿನಿಚ್ಛಯಕಾರಕೋ ಭಿಕ್ಖು। ಛನ್ದದಾಯಕೋ ಸುವಿಞ್ಞೇಯ್ಯೋಯೇವ।
Saṅghena saddhiṃ adhikaraṇaṃ vinicchinitvā pariveṇagataṃ ekaṃ bhikkhunti yojanā. Kissāti kena kāraṇena. Evaṃ iminākārena vinicchitabbaṃ nanūti yojanā. Soti vinicchayakārako bhikkhu. Chandadāyako suviññeyyoyeva.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೧. ಉಕ್ಕೋಟನಭೇದಾದಿ • 1. Ukkoṭanabhedādi
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಉಕ್ಕೋಟನಭೇದಾದಿವಣ್ಣನಾ • Ukkoṭanabhedādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಅಧಿಕರಣಭೇದವಣ್ಣನಾ • Adhikaraṇabhedavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಉಕ್ಕೋಟನಭೇದಾದಿವಣ್ಣನಾ • Ukkoṭanabhedādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಉಕ್ಕೋಟನಭೇದಾದಿಕಥಾವಣ್ಣನಾ • Ukkoṭanabhedādikathāvaṇṇanā
