| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
ཨདྷིཀརཎབྷེདཝཎྞནཱ
Adhikaraṇabhedavaṇṇanā
ཨུཀྐོཊནབྷེདཱདིཝཎྞནཱ
Ukkoṭanabhedādivaṇṇanā
༣༤༠. ཨདྷིཀརཎཨུཀྐོཊེན སམཐཱནཾ ཨུཀྐོཊཾ དསྶེཏུནྟི ཨདྷིཀརཎཱནི སཏྟཧི སམཐེཧི སམྨནྟི, ཏཱནི ཨུཀྐོཊེནྟོ སཏྟ སམཐེ ཨུཀྐོཊེཏི ནཱམཱཏི ཨདྷིཔྤཱཡོ། པསཝཏཱིཏི སམྦྷཝཏི། ‘‘ཨནུཝཱདཱདྷིཀརཎེ ལབྦྷནྟཱི’ཏིཨཱདཱིནི ‘དྷམྨོ ཨདྷམྨོ’ཏིཨཱདཱིནཾ སམཱནཏྟཱ ཏེསུ ཝིསེསཏོ ལབྦྷནྟཱི’’ཏི ཝུཏྟཾ། ཨནིཧཏནྟི སུཏྟཱདིནཱ། ཨཝིནིཙྪིཏནྟི ‘‘ཨཱཔཏྟིཨནཱཔཏྟཱི’’ཏིཨཱདིནཱ། ‘‘ཏཏྠ ཛཱཏཀཾ ཨདྷིཀརཎཾ ཨུཀྐོཊེཏི…པེ॰… ཏིཎཝཏྠཱརཀཾ ཨུཀྐོཊེཏཱི’’ཏི དསེཝ ཝུཏྟཱ། ‘‘སམྨུཁཱཝིནཡཔཊིཉྙཱཏཀརཎཡེབྷུཡྻསིཀཱ ཨཝུཏྟཏྟཱ ཨུཀྐོཊེཏུཾ ན སཀྐཱ, ཀམྨཝཱཙཱཔི ཏེསཾ ནཏྠི། ཏསྨཱ ཏེ ཨུཀྐོཊེཏུཾ ན སཀྐཱཏི ཝདནྟཱི’’ཏི ལིཁིཏཾ། པཱལི༹མུཏྟཀཝིནིཙྪཡེནེཝཱཏི ཝིནཡལཀྑཎཾ ཝིནཱ ཀེཝལཾ དྷམྨདེསནཱམཏྟཝསེནེཝཱཏི ཨཏྠོ། ཁནྡྷཀཏོ ཝཱ པརིཝཱརཏོ ཝཱ ཨཱནཱིཏསུཏྟེན། ནིཛ྄ཛྷཱཔེནྟི དསྶེནྟི། པུབྦེ དྷམྨཝིནཡེན ཝིནིཙྪིཏཾ ཨདྷིཀརཎཾ ཨུཔཛ྄ཛྷཱཡཱདཱིནཾ ཨཏྠཱཡ ‘‘ཨདྷམྨཾ དྷམྨོ’’ཏིཨཱདཱིནི དཱིཔེཏྭཱཏི ཨཏྠོ། ཝིསམཱནི ཀཱཡཀམྨཱདཱིནི ནིསྶིཏཏྟཱ ཝིསམནིསྶིཏོ། ཨེཝཾ སེསེསུ།
340.Adhikaraṇaukkoṭenasamathānaṃ ukkoṭaṃ dassetunti adhikaraṇāni sattahi samathehi sammanti, tāni ukkoṭento satta samathe ukkoṭeti nāmāti adhippāyo. Pasavatīti sambhavati. ‘‘Anuvādādhikaraṇe labbhantī’tiādīni ‘dhammo adhammo’tiādīnaṃ samānattā tesu visesato labbhantī’’ti vuttaṃ. Anihatanti suttādinā. Avinicchitanti ‘‘āpattianāpattī’’tiādinā. ‘‘Tattha jātakaṃ adhikaraṇaṃ ukkoṭeti…pe… tiṇavatthārakaṃ ukkoṭetī’’ti daseva vuttā. ‘‘Sammukhāvinayapaṭiññātakaraṇayebhuyyasikā avuttattā ukkoṭetuṃ na sakkā, kammavācāpi tesaṃ natthi. Tasmā te ukkoṭetuṃ na sakkāti vadantī’’ti likhitaṃ. Pāḷimuttakavinicchayenevāti vinayalakkhaṇaṃ vinā kevalaṃ dhammadesanāmattavasenevāti attho. Khandhakato vā parivārato vā ānītasuttena. Nijjhāpenti dassenti. Pubbe dhammavinayena vinicchitaṃ adhikaraṇaṃ upajjhāyādīnaṃ atthāya ‘‘adhammaṃ dhammo’’tiādīni dīpetvāti attho. Visamāni kāyakammādīni nissitattā visamanissito. Evaṃ sesesu.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡. ཨུཀྐོཊནབྷེདཱདི • 1. Ukkoṭanabhedādi
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / ཨུཀྐོཊནབྷེདཱདིཝཎྞནཱ • Ukkoṭanabhedādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨདྷིཀརཎབྷེདཝཎྞནཱ • Adhikaraṇabhedavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཨུཀྐོཊནབྷེདཱདིཝཎྞནཱ • Ukkoṭanabhedādivaṇṇanā
