| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਅਧਿਕਰਣਭੇਦਂ
Adhikaraṇabhedaṃ
ਉਕ੍ਕੋਟਨਭੇਦਾਦਿવਣ੍ਣਨਾ
Ukkoṭanabhedādivaṇṇanā
੩੪੦. ਅਧਿਕਰਣਭੇਦੇ ਏવਮਤ੍ਥੋ વੇਦਿਤਬ੍ਬੋਤਿ ਯੋਜਨਾ। ਦਸ੍ਸੇਤੁਂ ਆਹਾਤਿ ਸਮ੍ਬਨ੍ਧੋ। ਦ੍વੇ ਸਮਥੇਤਿ ਏਤ੍ਥ ਦ੍વਿਨ੍ਨਂ ਸਮਥਾਨਂ ਸਰੂਪਂ ਦਸ੍ਸੇਨ੍ਤੋ ਆਹ ‘‘ਸਮ੍ਮੁਖਾવਿਨਯਞ੍ਚ ਯੇਭੁਯ੍ਯਸਿਕਞ੍ਚਾ’’ਤਿ। ‘‘ਪਟਿਸੇਧੇਤੀ’’ਤਿ ਇਮਿਨਾ ਉਕ੍ਕੋਟੇਤੀਤਿ ਏਤ੍ਥ ਕੁਟਧਾਤੁਯਾ ਛੇਦਨਤ੍ਥਂ ਅਤ੍ਥਤੋ ਦਸ੍ਸੇਤਿ। ਛੇਦਨਂ ਨਾਮ ਅਤ੍ਥਤੋ ਸਮਥਪਟਿਸੇਧਨਨ੍ਤਿ ਅਤ੍ਥੋ।
340. Adhikaraṇabhede evamattho veditabboti yojanā. Dassetuṃ āhāti sambandho. Dve samatheti ettha dvinnaṃ samathānaṃ sarūpaṃ dassento āha ‘‘sammukhāvinayañca yebhuyyasikañcā’’ti. ‘‘Paṭisedhetī’’ti iminā ukkoṭetīti ettha kuṭadhātuyā chedanatthaṃ atthato dasseti. Chedanaṃ nāma atthato samathapaṭisedhananti attho.
੩੪੧. ਦ੍વਾਦਸਸੁ ਉਕ੍ਕੋਟੇਸੂਤਿ ਨਿਦ੍ਧਾਰਣੇ ਭੁਮ੍ਮਂ। ਅਕਤਂ ਕਮ੍ਮਨ੍ਤਿਆਦਯੋਤਿ ਏਤ੍ਥ ਆਦਿਸਦ੍ਦੇਨ ‘‘ਦੁਕ੍ਕਟਂ ਕਮ੍ਮਂ, ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ ਦ੍વੇ ਉਕ੍ਕੋਟਾ ਸਙ੍ਗਹੇਤਬ੍ਬਾ। ਅਨਿਹਤਂ ਕਮ੍ਮਨ੍ਤਿਆਦਯੋਤਿ ਏਤ੍ਥ ਆਦਿਸਦ੍ਦੇਨ ‘‘ਦੁਨ੍ਨਿਹਤਂ, ਪੁਨ ਨਿਹਨਿਤਬ੍ਬ’’ਨ੍ਤਿ ਦ੍વੇ ਉਕ੍ਕੋਟਾ ਸਙ੍ਗਹੇਤਬ੍ਬਾ। ਅવਿਨਿਚ੍ਛਿਤਨ੍ਤਿਆਦਯੋਤਿ ਏਤ੍ਥ ਆਦਿਸਦ੍ਦੇਨ ‘‘ਦੁવਿਨਿਚ੍ਛਿਤਂ, ਪੁਨ વਿਨਿਚ੍ਛਿਤਬ੍ਬ’’ਨ੍ਤਿ ਦ੍વੇ ਉਕ੍ਕੋਟਾ ਸਙ੍ਗਹੇਤਬ੍ਬਾ। ਅવੂਪਸਨ੍ਤਨ੍ਤਿਆਦਯੋਤਿ ਏਤ੍ਥ ਆਦਿਸਦ੍ਦੇਨ ‘‘ਦੁવੂਪਸਨ੍ਤਂ, ਪੁਨ વੂਪਸਮੇਤਬ੍ਬ’’ਨ੍ਤਿ ਦ੍વੇ ਉਕ੍ਕੋਟਾ ਸਙ੍ਗਹੇਤਬ੍ਬਾ। ਅਪਿਚਾਤਿ ਸਾਮਞ੍ਞਤੋ ਪਨ।
341. Dvādasasu ukkoṭesūti niddhāraṇe bhummaṃ. Akataṃ kammantiādayoti ettha ādisaddena ‘‘dukkaṭaṃ kammaṃ, puna kātabbaṃ kamma’’nti dve ukkoṭā saṅgahetabbā. Anihataṃ kammantiādayoti ettha ādisaddena ‘‘dunnihataṃ, puna nihanitabba’’nti dve ukkoṭā saṅgahetabbā. Avinicchitantiādayoti ettha ādisaddena ‘‘duvinicchitaṃ, puna vinicchitabba’’nti dve ukkoṭā saṅgahetabbā. Avūpasantantiādayoti ettha ādisaddena ‘‘duvūpasantaṃ, puna vūpasametabba’’nti dve ukkoṭā saṅgahetabbā. Apicāti sāmaññato pana.
ਤਤ੍ਥ ਜਾਤਕਨ੍ਤਿ ਏਤ੍ਥ ਤਸਦ੍ਦਸ੍ਸ વਿਸਯਂ ਦਸ੍ਸੇਨ੍ਤੋ ਆਹ ‘‘ਯਸ੍ਮਿਂવਿਹਾਰੇ’’ਤਿ। ਯਸ੍ਮਿਂવਿਹਾਰੇ ਉਪ੍ਪਨ੍ਨਂ ਹੋਤੀਤਿ ਸਮ੍ਬਨ੍ਧੋ। ਅਞ੍ਞਮਞ੍ਞਸ੍ਸ ਅਤ੍ਤੇਸੁ, ਅਤ੍ਤਾਨਂ વਾ ਪਟਿਪਕ੍ਖਂ ਅਤ੍ਥਯਨ੍ਤਿ ਇਚ੍ਛਨ੍ਤੀਤਿ ਅਤ੍ਤਪਚ੍ਚਤ੍ਥਿਕਾ। ਪਾਲ਼ਿਮੁਤ੍ਤਕવਿਨਿਚ੍ਛਯੇਨੇવਾਤਿ ਪਾਲ਼ਿਯਂ ਆਗਤੇਹਿ ਸਮਥੇਹਿ ਮੁਤ੍ਤਕੇਨ ਧਮ੍ਮਦੇਸਨਾਮਤ੍ਤવਿਨਿਚ੍ਛਯੇਨੇવ। ਇਦਨ੍ਤਿ ਅਧਿਕਰਣਂ। ਯੇਨਾਪਿ વਿਨਿਚ੍ਛਯੇਨਾਤਿ ਪਾਲ਼ਿਮੁਤ੍ਤਕੇਨ ਯੇਨਾਪਿ વਿਨਿਚ੍ਛਯੇਨ।
Tattha jātakanti ettha tasaddassa visayaṃ dassento āha ‘‘yasmiṃvihāre’’ti. Yasmiṃvihāre uppannaṃ hotīti sambandho. Aññamaññassa attesu, attānaṃ vā paṭipakkhaṃ atthayanti icchantīti attapaccatthikā. Pāḷimuttakavinicchayenevāti pāḷiyaṃ āgatehi samathehi muttakena dhammadesanāmattavinicchayeneva. Idanti adhikaraṇaṃ. Yenāpi vinicchayenāti pāḷimuttakena yenāpi vinicchayena.
ਅਞ੍ਞੋਤਿ ਨੇવਾਸਿਕੇਹਿ ਅਞ੍ਞੋ વਿਨਯਧਰੋ ਪੁਚ੍ਛਤੀਤਿ ਸਮ੍ਬਨ੍ਧੋ। ਤੇਹਿ ਚਾਤਿ ਨੇવਾਸਿਕੇਹਿ ਚ।
Aññoti nevāsikehi añño vinayadharo pucchatīti sambandho. Tehi cāti nevāsikehi ca.
ਏਤਸ੍ਸਾਤਿ વਿਨਯਧਰਸ੍ਸ। ਅਯਨ੍ਤਿ વਿਨਯਧਰੋ। ਤਤ੍ਥਾਤਿ ਤਂ ਗਾਮਂ। ਅਞ੍ਞਮਞ੍ਞਂ વਾ ਸਞ੍ਞਾਪੇਨ੍ਤੀਤਿ ਅਤ੍ਤਪਚ੍ਚਤ੍ਥਿਕਾ ਅਞ੍ਞਮਞ੍ਞਂ વਾ ਸਞ੍ਞਾਪੇਨ੍ਤਿ। ਤੇ ਭਿਕ੍ਖੂਤਿ ਤੇ ਅਤ੍ਤਪਚ੍ਚਤ੍ਥਿਕਾ ਭਿਕ੍ਖੂ। ਨਿਜ੍ਝਾਪੇਨ੍ਤੀਤਿ ਸਞ੍ਞਾਪੇਨ੍ਤਿ। ਉਕ੍ਕੋਟੇਤਿ ਯੋਤਿ ਯੋ ਉਕ੍ਕੋਟੇਤਿ। ਏਤੇਤਿ ਅਤ੍ਤਪਚ੍ਚਤ੍ਥਿਕੇ ਭਿਕ੍ਖੂ, ਦਿਸ੍વਾਤਿ ਸਮ੍ਬਨ੍ਧੋ। ਤਤ੍ਥਾਤਿ ਗਾਮਂ। ਤਤ੍ਥੇવਾਤਿ ਅਨ੍ਤਰਾਮਗ੍ਗੇ ਏવ।
Etassāti vinayadharassa. Ayanti vinayadharo. Tatthāti taṃ gāmaṃ. Aññamaññaṃ vā saññāpentīti attapaccatthikā aññamaññaṃ vā saññāpenti. Te bhikkhūti te attapaccatthikā bhikkhū. Nijjhāpentīti saññāpenti. Ukkoṭeti yoti yo ukkoṭeti. Eteti attapaccatthike bhikkhū, disvāti sambandho. Tatthāti gāmaṃ. Tatthevāti antarāmagge eva.
ਤਤ੍ਥੇવਾਤਿ ਗਾਮਮੇવ। ਤਤ੍ਥੇવਾਤਿ ਤਸ੍ਮਿਂਯੇવ ਠਾਨੇ। ਤਤ੍ਥ ਗਤਨ੍ਤਿ ਤਂ ਗਾਮਂ ਗਤਂ।
Tatthevāti gāmameva. Tatthevāti tasmiṃyeva ṭhāne. Tattha gatanti taṃ gāmaṃ gataṃ.
‘‘ਏਸੇવ ਨਯੋ’’ਤਿ ਇਮਿਨਾ ਪਾਚਿਤ੍ਤਿਯਮੇવ ਅਤਿਦਿਸਤਿ।
‘‘Eseva nayo’’ti iminā pācittiyameva atidisati.
ਸਙ੍ਘੇਨ…ਪੇ॰… ਅਧਿਕਰਣੇ વਦਨ੍ਤੋਪੀਤਿ ਸਮ੍ਬਨ੍ਧੋ। ਯਂ ਪਨੇਤਂ ਆਪਤ੍ਤਿવੁਟ੍ਠਾਨਂ ਨਾਮ ਹੋਤੀਤਿ ਯੋਜਨਾ। ਏਤਨ੍ਤਿ ਆਪਤ੍ਤਿવੁਟ੍ਠਾਨਂ। વਦਨ੍ਤੋਪੀਤਿ ਪਿਸਦ੍ਦੋ ਨ ਕੇવਲਂ ਤਿਣવਤ੍ਥਾਰਕਂ ਉਕ੍ਕੋਟੇਨ੍ਤੋਯੇવ ਉਕ੍ਕੋਟੇਤਿ ਨਾਮ, ਅਥ ਖੋ વਦਨ੍ਤੋਪੀਤਿ ਦਸ੍ਸੇਤਿ।
Saṅghena…pe… adhikaraṇe vadantopīti sambandho. Yaṃ panetaṃ āpattivuṭṭhānaṃ nāma hotīti yojanā. Etanti āpattivuṭṭhānaṃ. Vadantopīti pisaddo na kevalaṃ tiṇavatthārakaṃ ukkoṭentoyeva ukkoṭeti nāma, atha kho vadantopīti dasseti.
ਛਨ੍ਦਾਗਤਿਂ ਗਚ੍ਛਨ੍ਤੋਤਿਆਦੀਸੁ ਅਗਤਿਗਮਨਾਕਾਰਂ ਦਸ੍ਸੇਨ੍ਤੋ ਆਹ ‘‘વਿਨਯਧਰੋ ਹੁਤ੍વਾ’’ਤਿਆਦਿ। ਅਤ੍ਥਾਯ ਉਕ੍ਕੋਟੇਨ੍ਤੋਤਿ ਸਮ੍ਬਨ੍ਧੋ। ਤਸ੍ਸਾਤਿ ਅਨਤ੍ਥਂ ਚਰਨ੍ਤਸ੍ਸ। ਮਨ੍ਦੋ ਪਨ ਉਕ੍ਕੋਟੇਤਿ ਨਾਮਾਤਿ ਸਮ੍ਬਨ੍ਧੋ। ਏਕੋ ਬਲવਨਿਸ੍ਸਿਤੋ ਚ ਹੋਤੀਤਿ ਸਮ੍ਬਨ੍ਧੋ। ਗਹਨਮਿਚ੍ਛਾਦਿਟ੍ਠਿਨ੍ਤਿ ਗਹਨਸਦਿਸਂ ਮਿਚ੍ਛਾਦਿਟ੍ਠਿਂ ਪવਨਸਦਿਸਂ ਮਿਚ੍ਛਾਦਿਟ੍ਠਿਨ੍ਤਿ ਅਤ੍ਥੋ। ਬਲવਨ੍ਤੇ ਚਾਤਿ ਏਤ੍ਥ ਚਸਦ੍ਦੋ ਸਬ੍ਬਕਮ੍ਮੇਸੁ ਯੋਜੇਤਬ੍ਬੋ। ਨਿਸ੍ਸਿਤਤ੍ਤਾਤਿ ਏਕਸ੍ਸ ਨਿਸ੍ਸਿਤਤ੍ਤਾ। ਬਲવਨਿਸ੍ਸਿਤੋ ਚਾਤਿ ਏਤ੍ਥਾਪਿ ਚ ਸਦ੍ਦੋ ਸਬ੍ਬਕਤ੍ਤੂਸੁ ਯੋਜੇਤਬ੍ਬੋ। ਤਸ੍ਸਾਤਿ વਿਸਮਾਦਿਨਿਸ੍ਸਿਤਸ੍ਸ।
Chandāgatiṃ gacchantotiādīsu agatigamanākāraṃ dassento āha ‘‘vinayadharo hutvā’’tiādi. Atthāya ukkoṭentoti sambandho. Tassāti anatthaṃ carantassa. Mando pana ukkoṭeti nāmāti sambandho. Eko balavanissito ca hotīti sambandho. Gahanamicchādiṭṭhinti gahanasadisaṃ micchādiṭṭhiṃ pavanasadisaṃ micchādiṭṭhinti attho. Balavante cāti ettha casaddo sabbakammesu yojetabbo. Nissitattāti ekassa nissitattā. Balavanissito cāti etthāpi ca saddo sabbakattūsu yojetabbo. Tassāti visamādinissitassa.
ਸੋਤਿ ਸਾਮਣੇਰੋ। ਮਙ੍ਕੁਭੂਤਾਤ੍ਥਾਤਿ ਮਙ੍ਕੂ ਹੁਤ੍વਾ ਭੂਤਾ, ਮਙ੍ਕੁਂ વਾ ਪਤ੍ਤਾ ਅਤ੍ਥ ਭવਥਾਤਿ ਅਤ੍ਥੋ। ਤੇਤਿ ਪਰਾਜਯਭਿਕ੍ਖੂ। ਤਸ੍ਸਾਤਿ ਸਾਮਣੇਰਸ੍ਸ। ਸੋਤਿ ਸਾਮਣੇਰੋ। ਤੇਤਿ ਪਰਾਜਯਭਿਕ੍ਖੂ। ਤਨ੍ਤਿ ਸਾਮਣੇਰਂ। ਸੋਤਿ ਦਹਰੋ। ਤਤੋਤਿ ਸਨ੍ਨਿਪਾਤਕਾਰਣਾ। ਹਿਯ੍ਯੋਤਿ ਅਨਨ੍ਤਰਾਤੀਤਾਹੇ। ਇਤੀਤਿ ਏવਂ વਦੇਤਿ। ਸੋਤਿ ਦਹਰੋ। ਇਦਂ ਸਿਕ੍ਖਾਪਦਂ ਪਞ੍ਞਤ੍ਤਨ੍ਤਿ ਯੋਜਨਾ। ਗਚ੍ਛਾਤਿ ਗਚ੍ਛਾਹਿ। ਇਤੀਤਿ ਏવਂ વਤ੍ਤਬ੍ਬੋਤਿ ਯੋਜਨਾ।
Soti sāmaṇero. Maṅkubhūtātthāti maṅkū hutvā bhūtā, maṅkuṃ vā pattā attha bhavathāti attho. Teti parājayabhikkhū. Tassāti sāmaṇerassa. Soti sāmaṇero. Teti parājayabhikkhū. Tanti sāmaṇeraṃ. Soti daharo. Tatoti sannipātakāraṇā. Hiyyoti anantarātītāhe. Itīti evaṃ vadeti. Soti daharo. Idaṃ sikkhāpadaṃ paññattanti yojanā. Gacchāti gacchāhi. Itīti evaṃ vattabboti yojanā.
ਸਙ੍ਘੇਨ ਸਦ੍ਧਿਂ ਅਧਿਕਰਣਂ વਿਨਿਚ੍ਛਿਨਿਤ੍વਾ ਪਰਿવੇਣਗਤਂ ਏਕਂ ਭਿਕ੍ਖੁਨ੍ਤਿ ਯੋਜਨਾ। ਕਿਸ੍ਸਾਤਿ ਕੇਨ ਕਾਰਣੇਨ। ਏવਂ ਇਮਿਨਾਕਾਰੇਨ વਿਨਿਚ੍ਛਿਤਬ੍ਬਂ ਨਨੂਤਿ ਯੋਜਨਾ। ਸੋਤਿ વਿਨਿਚ੍ਛਯਕਾਰਕੋ ਭਿਕ੍ਖੁ। ਛਨ੍ਦਦਾਯਕੋ ਸੁવਿਞ੍ਞੇਯ੍ਯੋਯੇવ।
Saṅghena saddhiṃ adhikaraṇaṃ vinicchinitvā pariveṇagataṃ ekaṃ bhikkhunti yojanā. Kissāti kena kāraṇena. Evaṃ iminākārena vinicchitabbaṃ nanūti yojanā. Soti vinicchayakārako bhikkhu. Chandadāyako suviññeyyoyeva.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਉਕ੍ਕੋਟਨਭੇਦਾਦਿ • 1. Ukkoṭanabhedādi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਉਕ੍ਕੋਟਨਭੇਦਾਦਿવਣ੍ਣਨਾ • Ukkoṭanabhedādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਧਿਕਰਣਭੇਦવਣ੍ਣਨਾ • Adhikaraṇabhedavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਉਕ੍ਕੋਟਨਭੇਦਾਦਿવਣ੍ਣਨਾ • Ukkoṭanabhedādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਉਕ੍ਕੋਟਨਭੇਦਾਦਿਕਥਾવਣ੍ਣਨਾ • Ukkoṭanabhedādikathāvaṇṇanā
