| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਅਧਿਕਰਣਭੇਦવਣ੍ਣਨਾ
Adhikaraṇabhedavaṇṇanā
ਉਕ੍ਕੋਟਨਭੇਦਾਦਿવਣ੍ਣਨਾ
Ukkoṭanabhedādivaṇṇanā
੩੪੦. ਅਧਿਕਰਣਉਕ੍ਕੋਟੇਨ ਸਮਥਾਨਂ ਉਕ੍ਕੋਟਂ ਦਸ੍ਸੇਤੁਨ੍ਤਿ ਅਧਿਕਰਣਾਨਿ ਸਤ੍ਤਹਿ ਸਮਥੇਹਿ ਸਮ੍ਮਨ੍ਤਿ, ਤਾਨਿ ਉਕ੍ਕੋਟੇਨ੍ਤੋ ਸਤ੍ਤ ਸਮਥੇ ਉਕ੍ਕੋਟੇਤਿ ਨਾਮਾਤਿ ਅਧਿਪ੍ਪਾਯੋ। ਪਸવਤੀਤਿ ਸਮ੍ਭવਤਿ। ‘‘ਅਨੁવਾਦਾਧਿਕਰਣੇ ਲਬ੍ਭਨ੍ਤੀ’ਤਿਆਦੀਨਿ ‘ਧਮ੍ਮੋ ਅਧਮ੍ਮੋ’ਤਿਆਦੀਨਂ ਸਮਾਨਤ੍ਤਾ ਤੇਸੁ વਿਸੇਸਤੋ ਲਬ੍ਭਨ੍ਤੀ’’ਤਿ વੁਤ੍ਤਂ। ਅਨਿਹਤਨ੍ਤਿ ਸੁਤ੍ਤਾਦਿਨਾ। ਅવਿਨਿਚ੍ਛਿਤਨ੍ਤਿ ‘‘ਆਪਤ੍ਤਿਅਨਾਪਤ੍ਤੀ’’ਤਿਆਦਿਨਾ। ‘‘ਤਤ੍ਥ ਜਾਤਕਂ ਅਧਿਕਰਣਂ ਉਕ੍ਕੋਟੇਤਿ…ਪੇ॰… ਤਿਣવਤ੍ਥਾਰਕਂ ਉਕ੍ਕੋਟੇਤੀ’’ਤਿ ਦਸੇવ વੁਤ੍ਤਾ। ‘‘ਸਮ੍ਮੁਖਾવਿਨਯਪਟਿਞ੍ਞਾਤਕਰਣਯੇਭੁਯ੍ਯਸਿਕਾ ਅવੁਤ੍ਤਤ੍ਤਾ ਉਕ੍ਕੋਟੇਤੁਂ ਨ ਸਕ੍ਕਾ, ਕਮ੍ਮવਾਚਾਪਿ ਤੇਸਂ ਨਤ੍ਥਿ। ਤਸ੍ਮਾ ਤੇ ਉਕ੍ਕੋਟੇਤੁਂ ਨ ਸਕ੍ਕਾਤਿ વਦਨ੍ਤੀ’’ਤਿ ਲਿਖਿਤਂ। ਪਾਲ਼ਿਮੁਤ੍ਤਕવਿਨਿਚ੍ਛਯੇਨੇવਾਤਿ વਿਨਯਲਕ੍ਖਣਂ વਿਨਾ ਕੇવਲਂ ਧਮ੍ਮਦੇਸਨਾਮਤ੍ਤવਸੇਨੇવਾਤਿ ਅਤ੍ਥੋ। ਖਨ੍ਧਕਤੋ વਾ ਪਰਿવਾਰਤੋ વਾ ਆਨੀਤਸੁਤ੍ਤੇਨ। ਨਿਜ੍ਝਾਪੇਨ੍ਤਿ ਦਸ੍ਸੇਨ੍ਤਿ। ਪੁਬ੍ਬੇ ਧਮ੍ਮવਿਨਯੇਨ વਿਨਿਚ੍ਛਿਤਂ ਅਧਿਕਰਣਂ ਉਪਜ੍ਝਾਯਾਦੀਨਂ ਅਤ੍ਥਾਯ ‘‘ਅਧਮ੍ਮਂ ਧਮ੍ਮੋ’’ਤਿਆਦੀਨਿ ਦੀਪੇਤ੍વਾਤਿ ਅਤ੍ਥੋ। વਿਸਮਾਨਿ ਕਾਯਕਮ੍ਮਾਦੀਨਿ ਨਿਸ੍ਸਿਤਤ੍ਤਾ વਿਸਮਨਿਸ੍ਸਿਤੋ। ਏવਂ ਸੇਸੇਸੁ।
340.Adhikaraṇaukkoṭenasamathānaṃ ukkoṭaṃ dassetunti adhikaraṇāni sattahi samathehi sammanti, tāni ukkoṭento satta samathe ukkoṭeti nāmāti adhippāyo. Pasavatīti sambhavati. ‘‘Anuvādādhikaraṇe labbhantī’tiādīni ‘dhammo adhammo’tiādīnaṃ samānattā tesu visesato labbhantī’’ti vuttaṃ. Anihatanti suttādinā. Avinicchitanti ‘‘āpattianāpattī’’tiādinā. ‘‘Tattha jātakaṃ adhikaraṇaṃ ukkoṭeti…pe… tiṇavatthārakaṃ ukkoṭetī’’ti daseva vuttā. ‘‘Sammukhāvinayapaṭiññātakaraṇayebhuyyasikā avuttattā ukkoṭetuṃ na sakkā, kammavācāpi tesaṃ natthi. Tasmā te ukkoṭetuṃ na sakkāti vadantī’’ti likhitaṃ. Pāḷimuttakavinicchayenevāti vinayalakkhaṇaṃ vinā kevalaṃ dhammadesanāmattavasenevāti attho. Khandhakato vā parivārato vā ānītasuttena. Nijjhāpenti dassenti. Pubbe dhammavinayena vinicchitaṃ adhikaraṇaṃ upajjhāyādīnaṃ atthāya ‘‘adhammaṃ dhammo’’tiādīni dīpetvāti attho. Visamāni kāyakammādīni nissitattā visamanissito. Evaṃ sesesu.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਉਕ੍ਕੋਟਨਭੇਦਾਦਿ • 1. Ukkoṭanabhedādi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਉਕ੍ਕੋਟਨਭੇਦਾਦਿવਣ੍ਣਨਾ • Ukkoṭanabhedādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਧਿਕਰਣਭੇਦવਣ੍ਣਨਾ • Adhikaraṇabhedavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਉਕ੍ਕੋਟਨਭੇਦਾਦਿવਣ੍ਣਨਾ • Ukkoṭanabhedādivaṇṇanā
