| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
3. உக்கோடனஸிக்கா²பத³வண்ணனா
3. Ukkoṭanasikkhāpadavaṇṇanā
392. ததியஸிக்கா²பதே³ – உக்கோடெந்தீதி தஸ்ஸ தஸ்ஸ பி⁴க்கு²னோ ஸந்திகங் க³ந்த்வா ‘‘அகதங் கம்ம’’ந்திஆதீ³னி வத³ந்தா உச்சாலெந்தி; யதா²பதிட்டி²தபா⁴வேன பதிட்டா²துங் ந தெ³ந்தி.
392. Tatiyasikkhāpade – ukkoṭentīti tassa tassa bhikkhuno santikaṃ gantvā ‘‘akataṃ kamma’’ntiādīni vadantā uccālenti; yathāpatiṭṭhitabhāvena patiṭṭhātuṃ na denti.
393. யதா²த⁴ம்மந்தி யோ யஸ்ஸ அதி⁴கரணஸ்ஸ வூபஸமனாய த⁴ம்மோ வுத்தோ, தேனேவ த⁴ம்மேனாதி அத்தோ². நிஹதாதி⁴கரணந்தி நிஹதங் அதி⁴கரணங்; ஸத்தா²ரா வுத்தத⁴ம்மேனேவ வூபஸமிதங் அதி⁴கரணந்தி அத்தோ².
393.Yathādhammanti yo yassa adhikaraṇassa vūpasamanāya dhammo vutto, teneva dhammenāti attho. Nihatādhikaraṇanti nihataṃ adhikaraṇaṃ; satthārā vuttadhammeneva vūpasamitaṃ adhikaraṇanti attho.
395. த⁴ம்மகம்மே த⁴ம்மகம்மஸஞ்ஞீதி யேன கம்மேன தங் அதி⁴கரணங் வூபஸமிதங், தஞ்சே த⁴ம்மகம்மங் ஹோதி, தஸ்மிங் த⁴ம்மகம்மே அயம்பி த⁴ம்மகம்மஸஞ்ஞீ ஹுத்வா யதி³ உக்கோடேதி, பாசித்தியங் ஆபஜ்ஜதீதி அத்தோ². ஏதேன நயேன ஸேஸபதா³னிபி வேதி³தப்³பா³னி. அயமெத்த² ஸங்கே²போ, வித்தா²ரோ பன ‘‘இமேஸங் சதுன்னங் அதி⁴கரணானங் கதி உக்கோடனா’’திஆதி³னா நயேன பரிவாரே வுத்தோ. அட்ட²கதா²ஸு தங் ஸப்³ப³ங் ஆஹரித்வா தஸ்ஸேவத்தோ² வண்ணிதோ. மயங் பன தங் தத்தே²வ வண்ணயிஸ்ஸாம. இத⁴ ஆஹரித்வா வண்ணியமானே ஹி ஸுட்டு²தரங் ஸம்மோஹோ ப⁴வெய்யாதி ந வண்ணயிம்ஹ. ஸேஸமெத்த² உத்தானமேவ. திஸமுட்டா²னங் – கிரியங், ஸஞ்ஞாவிமொக்க²ங், ஸசித்தகங், லோகவஜ்ஜங், காயகம்மங், வசீகம்மங், அகுஸலசித்தங், து³க்க²வேத³னந்தி.
395.Dhammakamme dhammakammasaññīti yena kammena taṃ adhikaraṇaṃ vūpasamitaṃ, tañce dhammakammaṃ hoti, tasmiṃ dhammakamme ayampi dhammakammasaññī hutvā yadi ukkoṭeti, pācittiyaṃ āpajjatīti attho. Etena nayena sesapadānipi veditabbāni. Ayamettha saṅkhepo, vitthāro pana ‘‘imesaṃ catunnaṃ adhikaraṇānaṃ kati ukkoṭanā’’tiādinā nayena parivāre vutto. Aṭṭhakathāsu taṃ sabbaṃ āharitvā tassevattho vaṇṇito. Mayaṃ pana taṃ tattheva vaṇṇayissāma. Idha āharitvā vaṇṇiyamāne hi suṭṭhutaraṃ sammoho bhaveyyāti na vaṇṇayimha. Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
உக்கோடனஸிக்கா²பத³ங் ததியங்.
Ukkoṭanasikkhāpadaṃ tatiyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. உக்கோடனஸிக்கா²பத³வண்ணனா • 3. Ukkoṭanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. உக்கோடனஸிக்கா²பத³வண்ணனா • 3. Ukkoṭanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 3. உக்கோடனஸிக்கா²பத³வண்ணனா • 3. Ukkoṭanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. உக்கோடனஸிக்கா²பத³ங் • 3. Ukkoṭanasikkhāpadaṃ
