| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৩. উক্কোটনসিক্খাপদৰণ্ণনা
3. Ukkoṭanasikkhāpadavaṇṇanā
৩৯২. ততিযসিক্খাপদে – উক্কোটেন্তীতি তস্স তস্স ভিক্খুনো সন্তিকং গন্ত্ৰা ‘‘অকতং কম্ম’’ন্তিআদীনি ৰদন্তা উচ্চালেন্তি; যথাপতিট্ঠিতভাৰেন পতিট্ঠাতুং ন দেন্তি।
392. Tatiyasikkhāpade – ukkoṭentīti tassa tassa bhikkhuno santikaṃ gantvā ‘‘akataṃ kamma’’ntiādīni vadantā uccālenti; yathāpatiṭṭhitabhāvena patiṭṭhātuṃ na denti.
৩৯৩. যথাধম্মন্তি যো যস্স অধিকরণস্স ৰূপসমনায ধম্মো ৰুত্তো, তেনেৰ ধম্মেনাতি অত্থো। নিহতাধিকরণন্তি নিহতং অধিকরণং; সত্থারা ৰুত্তধম্মেনেৰ ৰূপসমিতং অধিকরণন্তি অত্থো।
393.Yathādhammanti yo yassa adhikaraṇassa vūpasamanāya dhammo vutto, teneva dhammenāti attho. Nihatādhikaraṇanti nihataṃ adhikaraṇaṃ; satthārā vuttadhammeneva vūpasamitaṃ adhikaraṇanti attho.
৩৯৫. ধম্মকম্মে ধম্মকম্মসঞ্ঞীতি যেন কম্মেন তং অধিকরণং ৰূপসমিতং, তঞ্চে ধম্মকম্মং হোতি, তস্মিং ধম্মকম্মে অযম্পি ধম্মকম্মসঞ্ঞী হুত্ৰা যদি উক্কোটেতি, পাচিত্তিযং আপজ্জতীতি অত্থো। এতেন নযেন সেসপদানিপি ৰেদিতব্বানি। অযমেত্থ সঙ্খেপো, ৰিত্থারো পন ‘‘ইমেসং চতুন্নং অধিকরণানং কতি উক্কোটনা’’তিআদিনা নযেন পরিৰারে ৰুত্তো। অট্ঠকথাসু তং সব্বং আহরিত্ৰা তস্সেৰত্থো ৰণ্ণিতো। মযং পন তং তত্থেৰ ৰণ্ণযিস্সাম। ইধ আহরিত্ৰা ৰণ্ণিযমানে হি সুট্ঠুতরং সম্মোহো ভৰেয্যাতি ন ৰণ্ণযিম্হ। সেসমেত্থ উত্তানমেৰ। তিসমুট্ঠানং – কিরিযং, সঞ্ঞাৰিমোক্খং, সচিত্তকং, লোকৰজ্জং, কাযকম্মং, ৰচীকম্মং, অকুসলচিত্তং, দুক্খৰেদনন্তি।
395.Dhammakamme dhammakammasaññīti yena kammena taṃ adhikaraṇaṃ vūpasamitaṃ, tañce dhammakammaṃ hoti, tasmiṃ dhammakamme ayampi dhammakammasaññī hutvā yadi ukkoṭeti, pācittiyaṃ āpajjatīti attho. Etena nayena sesapadānipi veditabbāni. Ayamettha saṅkhepo, vitthāro pana ‘‘imesaṃ catunnaṃ adhikaraṇānaṃ kati ukkoṭanā’’tiādinā nayena parivāre vutto. Aṭṭhakathāsu taṃ sabbaṃ āharitvā tassevattho vaṇṇito. Mayaṃ pana taṃ tattheva vaṇṇayissāma. Idha āharitvā vaṇṇiyamāne hi suṭṭhutaraṃ sammoho bhaveyyāti na vaṇṇayimha. Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
উক্কোটনসিক্খাপদং ততিযং।
Ukkoṭanasikkhāpadaṃ tatiyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৭. সপ্পাণকৰগ্গো • 7. Sappāṇakavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৩. উক্কোটনসিক্খাপদৰণ্ণনা • 3. Ukkoṭanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৩. উক্কোটনসিক্খাপদৰণ্ণনা • 3. Ukkoṭanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৩. উক্কোটনসিক্খাপদৰণ্ণনা • 3. Ukkoṭanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৩. উক্কোটনসিক্খাপদং • 3. Ukkoṭanasikkhāpadaṃ
