| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. уггоданасигкаабад̣̇аван̣н̣анаа
3. Ukkoṭanasikkhāpadavaṇṇanā
392. д̇ад̇ияасигкаабад̣̇з – уггодзнд̇ийд̇и д̇асса д̇асса бхигкуно санд̇игам̣ г̇анд̇ваа ‘‘агад̇ам̣ гамма’’нд̇иаад̣̇ийни вад̣̇анд̇аа ужжаалзнд̇и; яат̇аабад̇идтид̇абхаавзна бад̇идтаад̇ум̣ на д̣̇знд̇и.
392. Tatiyasikkhāpade – ukkoṭentīti tassa tassa bhikkhuno santikaṃ gantvā ‘‘akataṃ kamma’’ntiādīni vadantā uccālenti; yathāpatiṭṭhitabhāvena patiṭṭhātuṃ na denti.
393. яат̇аад̇хамманд̇и яо яасса ад̇хигаран̣асса вуубасаманааяа д̇хаммо вуд̇д̇о, д̇знзва д̇хаммзнаад̇и ад̇т̇о. нихад̇аад̇хигаран̣анд̇и нихад̇ам̣ ад̇хигаран̣ам̣; сад̇т̇аараа вуд̇д̇ад̇хаммзнзва вуубасамид̇ам̣ ад̇хигаран̣анд̇и ад̇т̇о.
393.Yathādhammanti yo yassa adhikaraṇassa vūpasamanāya dhammo vutto, teneva dhammenāti attho. Nihatādhikaraṇanti nihataṃ adhikaraṇaṃ; satthārā vuttadhammeneva vūpasamitaṃ adhikaraṇanti attho.
395. д̇хаммагаммз д̇хаммагаммасан̃н̃ийд̇и язна гаммзна д̇ам̣ ад̇хигаран̣ам̣ вуубасамид̇ам̣, д̇ан̃жз д̇хаммагаммам̣ ход̇и, д̇асмим̣ д̇хаммагаммз аяамби д̇хаммагаммасан̃н̃ий худ̇ваа яад̣̇и уггодзд̇и, баажид̇д̇ияам̣ аабаж̇ж̇ад̇ийд̇и ад̇т̇о. зд̇зна наязна сзсабад̣̇ааниби взд̣̇ид̇аб̣б̣аани. аяамзд̇т̇а сан̇кзбо, вид̇т̇ааро бана ‘‘имзсам̣ жад̇уннам̣ ад̇хигаран̣аанам̣ гад̇и уггоданаа’’д̇иаад̣̇инаа наязна бариваарз вуд̇д̇о. адтагат̇аасу д̇ам̣ саб̣б̣ам̣ аахарид̇ваа д̇ассзвад̇т̇о ван̣н̣ид̇о. маяам̣ бана д̇ам̣ д̇ад̇т̇зва ван̣н̣аяиссаама. ид̇ха аахарид̇ваа ван̣н̣ияамаанз хи судтуд̇арам̣ саммохо бхавзяяаад̇и на ван̣н̣аяимха. сзсамзд̇т̇а уд̇д̇аанамзва. д̇исамудтаанам̣ – гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
395.Dhammakamme dhammakammasaññīti yena kammena taṃ adhikaraṇaṃ vūpasamitaṃ, tañce dhammakammaṃ hoti, tasmiṃ dhammakamme ayampi dhammakammasaññī hutvā yadi ukkoṭeti, pācittiyaṃ āpajjatīti attho. Etena nayena sesapadānipi veditabbāni. Ayamettha saṅkhepo, vitthāro pana ‘‘imesaṃ catunnaṃ adhikaraṇānaṃ kati ukkoṭanā’’tiādinā nayena parivāre vutto. Aṭṭhakathāsu taṃ sabbaṃ āharitvā tassevattho vaṇṇito. Mayaṃ pana taṃ tattheva vaṇṇayissāma. Idha āharitvā vaṇṇiyamāne hi suṭṭhutaraṃ sammoho bhaveyyāti na vaṇṇayimha. Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
уггоданасигкаабад̣̇ам̣ д̇ад̇ияам̣.
Ukkoṭanasikkhāpadaṃ tatiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. уггоданасигкаабад̣̇аван̣н̣анаа • 3. Ukkoṭanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. уггоданасигкаабад̣̇аван̣н̣анаа • 3. Ukkoṭanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. уггоданасигкаабад̣̇аван̣н̣анаа • 3. Ukkoṭanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. уггоданасигкаабад̣̇ам̣ • 3. Ukkoṭanasikkhāpadaṃ
