| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៣. ឧក្កោដនសិក្ខាបទវណ្ណនា
3. Ukkoṭanasikkhāpadavaṇṇanā
តស្ស តស្ស ភិក្ខុនោតិ យេន យេន វូបសមិតំ, តស្ស តស្ស ភិក្ខុនោ។ ‘‘អកតំ កម្ម’’ន្តិអាទីនិ វទន្តោតិ ‘‘អកតំ កម្មំ, ទុក្កដំ កម្មំ, បុន កាតព្ពំ កម្មំ, អនិហតំ ទុន្និហតំ បុន និហនិតព្ព’’ន្តិ (បាចិ. ៣៩៤) វទន្តោ។ យថាឋិតភាវេន បតិដ្ឋាតុំ ន ទទេយ្យាតិ តេសំ បវត្តិ អាការទស្សនត្ថំ វុត្តំ។ តេនាហ ‘‘យំ បន ធម្មេន អធិករណំ និហតំ, តំ សុនិហតមេវា’’តិ។
Tassa tassa bhikkhunoti yena yena vūpasamitaṃ, tassa tassa bhikkhuno. ‘‘Akataṃ kamma’’ntiādīni vadantoti ‘‘akataṃ kammaṃ, dukkaṭaṃ kammaṃ, puna kātabbaṃ kammaṃ, anihataṃ dunnihataṃ puna nihanitabba’’nti (pāci. 394) vadanto. Yathāṭhitabhāvena patiṭṭhātuṃ na dadeyyāti tesaṃ pavatti ākāradassanatthaṃ vuttaṃ. Tenāha ‘‘yaṃ pana dhammena adhikaraṇaṃ nihataṃ, taṃ sunihatamevā’’ti.
ឧក្កោដនសិក្ខាបទវណ្ណនា និដ្ឋិតា។
Ukkoṭanasikkhāpadavaṇṇanā niṭṭhitā.
