| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੩. ਉਕ੍ਕੋਟਨਸਿਕ੍ਖਾਪਦવਣ੍ਣਨਾ
3. Ukkoṭanasikkhāpadavaṇṇanā
੩੯੨. ਤਤਿਯਸਿਕ੍ਖਾਪਦੇ – ਉਕ੍ਕੋਟੇਨ੍ਤੀਤਿ ਤਸ੍ਸ ਤਸ੍ਸ ਭਿਕ੍ਖੁਨੋ ਸਨ੍ਤਿਕਂ ਗਨ੍ਤ੍વਾ ‘‘ਅਕਤਂ ਕਮ੍ਮ’’ਨ੍ਤਿਆਦੀਨਿ વਦਨ੍ਤਾ ਉਚ੍ਚਾਲੇਨ੍ਤਿ; ਯਥਾਪਤਿਟ੍ਠਿਤਭਾવੇਨ ਪਤਿਟ੍ਠਾਤੁਂ ਨ ਦੇਨ੍ਤਿ।
392. Tatiyasikkhāpade – ukkoṭentīti tassa tassa bhikkhuno santikaṃ gantvā ‘‘akataṃ kamma’’ntiādīni vadantā uccālenti; yathāpatiṭṭhitabhāvena patiṭṭhātuṃ na denti.
੩੯੩. ਯਥਾਧਮ੍ਮਨ੍ਤਿ ਯੋ ਯਸ੍ਸ ਅਧਿਕਰਣਸ੍ਸ વੂਪਸਮਨਾਯ ਧਮ੍ਮੋ વੁਤ੍ਤੋ, ਤੇਨੇવ ਧਮ੍ਮੇਨਾਤਿ ਅਤ੍ਥੋ। ਨਿਹਤਾਧਿਕਰਣਨ੍ਤਿ ਨਿਹਤਂ ਅਧਿਕਰਣਂ; ਸਤ੍ਥਾਰਾ વੁਤ੍ਤਧਮ੍ਮੇਨੇવ વੂਪਸਮਿਤਂ ਅਧਿਕਰਣਨ੍ਤਿ ਅਤ੍ਥੋ।
393.Yathādhammanti yo yassa adhikaraṇassa vūpasamanāya dhammo vutto, teneva dhammenāti attho. Nihatādhikaraṇanti nihataṃ adhikaraṇaṃ; satthārā vuttadhammeneva vūpasamitaṃ adhikaraṇanti attho.
੩੯੫. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀਤਿ ਯੇਨ ਕਮ੍ਮੇਨ ਤਂ ਅਧਿਕਰਣਂ વੂਪਸਮਿਤਂ, ਤਞ੍ਚੇ ਧਮ੍ਮਕਮ੍ਮਂ ਹੋਤਿ, ਤਸ੍ਮਿਂ ਧਮ੍ਮਕਮ੍ਮੇ ਅਯਮ੍ਪਿ ਧਮ੍ਮਕਮ੍ਮਸਞ੍ਞੀ ਹੁਤ੍વਾ ਯਦਿ ਉਕ੍ਕੋਟੇਤਿ, ਪਾਚਿਤ੍ਤਿਯਂ ਆਪਜ੍ਜਤੀਤਿ ਅਤ੍ਥੋ। ਏਤੇਨ ਨਯੇਨ ਸੇਸਪਦਾਨਿਪਿ વੇਦਿਤਬ੍ਬਾਨਿ। ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰੋ ਪਨ ‘‘ਇਮੇਸਂ ਚਤੁਨ੍ਨਂ ਅਧਿਕਰਣਾਨਂ ਕਤਿ ਉਕ੍ਕੋਟਨਾ’’ਤਿਆਦਿਨਾ ਨਯੇਨ ਪਰਿવਾਰੇ વੁਤ੍ਤੋ। ਅਟ੍ਠਕਥਾਸੁ ਤਂ ਸਬ੍ਬਂ ਆਹਰਿਤ੍વਾ ਤਸ੍ਸੇવਤ੍ਥੋ વਣ੍ਣਿਤੋ। ਮਯਂ ਪਨ ਤਂ ਤਤ੍ਥੇવ વਣ੍ਣਯਿਸ੍ਸਾਮ। ਇਧ ਆਹਰਿਤ੍વਾ વਣ੍ਣਿਯਮਾਨੇ ਹਿ ਸੁਟ੍ਠੁਤਰਂ ਸਮ੍ਮੋਹੋ ਭવੇਯ੍ਯਾਤਿ ਨ વਣ੍ਣਯਿਮ੍ਹ। ਸੇਸਮੇਤ੍ਥ ਉਤ੍ਤਾਨਮੇવ। ਤਿਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
395.Dhammakamme dhammakammasaññīti yena kammena taṃ adhikaraṇaṃ vūpasamitaṃ, tañce dhammakammaṃ hoti, tasmiṃ dhammakamme ayampi dhammakammasaññī hutvā yadi ukkoṭeti, pācittiyaṃ āpajjatīti attho. Etena nayena sesapadānipi veditabbāni. Ayamettha saṅkhepo, vitthāro pana ‘‘imesaṃ catunnaṃ adhikaraṇānaṃ kati ukkoṭanā’’tiādinā nayena parivāre vutto. Aṭṭhakathāsu taṃ sabbaṃ āharitvā tassevattho vaṇṇito. Mayaṃ pana taṃ tattheva vaṇṇayissāma. Idha āharitvā vaṇṇiyamāne hi suṭṭhutaraṃ sammoho bhaveyyāti na vaṇṇayimha. Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ਉਕ੍ਕੋਟਨਸਿਕ੍ਖਾਪਦਂ ਤਤਿਯਂ।
Ukkoṭanasikkhāpadaṃ tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਉਕ੍ਕੋਟਨਸਿਕ੍ਖਾਪਦવਣ੍ਣਨਾ • 3. Ukkoṭanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਉਕ੍ਕੋਟਨਸਿਕ੍ਖਾਪਦવਣ੍ਣਨਾ • 3. Ukkoṭanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਉਕ੍ਕੋਟਨਸਿਕ੍ਖਾਪਦવਣ੍ਣਨਾ • 3. Ukkoṭanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਉਕ੍ਕੋਟਨਸਿਕ੍ਖਾਪਦਂ • 3. Ukkoṭanasikkhāpadaṃ
