| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
3. баарижчад̇д̇агаваг̇г̇о
3. Pāricchattakavaggo
1. ул̣ааравимаанаван̣н̣анаа
1. Uḷāravimānavaṇṇanā
баарижчад̇д̇агаваг̇г̇з ул̣ааро д̇з яасо ван̣н̣од̇и ул̣ааравимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна самаязна рааж̇аг̇ахз ааяасмад̇о махаамог̇г̇аллаанасса убадтаагагулз згаа д̣̇ааригаа д̣̇аанаж̇жхаасаяаа д̣̇аанасам̣вибхааг̇арад̇аа ахоси. саа яам̣ д̇асмим̣ г̇зхз бурзбхад̇д̇ам̣ каад̣̇анийяабхож̇анийяам̣ уббаж̇ж̇ад̇и, д̇ад̇т̇а ад̇д̇анаа лад̣̇д̇хабадивийсад̇о убад̣дхам̣ д̣̇зд̇и, убад̣дхам̣ ад̇д̇анаа барибхун̃ж̇ад̇и, ад̣̇ад̇ваа бана на бхун̃ж̇ад̇и, д̣̇агкин̣зяяз абассанд̇ийби табзд̇ваа д̣̇идтагаалз д̣̇зд̇и, яаажагаанамби д̣̇зд̇иязва. ат̇ассаа маад̇аа ‘‘мама д̇хийд̇аа д̣̇аанаж̇жхаасаяаа д̣̇аанасам̣вибхааг̇арад̇аа’’д̇и хадтад̇удтаа д̇ассаа д̣̇иг̇ун̣ам̣ бхааг̇ам̣ д̣̇зд̇и. д̣̇знд̇ий жа згасмим̣ бхааг̇з д̇ааяа сам̣вибхааг̇з гад̇з буна абарам̣ д̣̇зд̇и, саа д̇ад̇оби сам̣вибхааг̇ам̣ гарод̇иязва.
Pāricchattakavagge uḷāro te yaso vaṇṇoti uḷāravimānaṃ. Tassa kā uppatti? Bhagavā rājagahe viharati veḷuvane kalandakanivāpe. Tena samayena rājagahe āyasmato mahāmoggallānassa upaṭṭhākakule ekā dārikā dānajjhāsayā dānasaṃvibhāgaratā ahosi. Sā yaṃ tasmiṃ gehe purebhattaṃ khādanīyabhojanīyaṃ uppajjati, tattha attanā laddhapaṭivīsato upaḍḍhaṃ deti, upaḍḍhaṃ attanā paribhuñjati, adatvā pana na bhuñjati, dakkhiṇeyye apassantīpi ṭhapetvā diṭṭhakāle deti, yācakānampi detiyeva. Athassā mātā ‘‘mama dhītā dānajjhāsayā dānasaṃvibhāgaratā’’ti haṭṭhatuṭṭhā tassā diguṇaṃ bhāgaṃ deti. Dentī ca ekasmiṃ bhāge tāya saṃvibhāge kate puna aparaṃ deti, sā tatopi saṃvibhāgaṃ karotiyeva.
звам̣ г̇ажчанд̇з гаалз д̇ам̣ ваяаббад̇д̇ам̣ маад̇аабид̇аро д̇асмим̣язва наг̇арз ан̃н̃ад̇арасмим̣ гулз гумаарасса ад̣̇ам̣су. д̇ам̣ бана гулам̣ мижчаад̣̇идтигам̣ ход̇и ассад̣̇д̇хам̣ аббасаннам̣ . ат̇ааяасмаа махаамог̇г̇аллаано рааж̇аг̇ахз сабад̣̇аанам̣ бин̣д̣ааяа жарамаано д̇ассаа д̣̇ааригааяа сасурасса г̇зхад̣̇ваарз адтааси. д̇ам̣ д̣̇исваа саа д̣̇ааригаа басаннажид̇д̇аа ‘‘бависат̇а бханд̇з’’д̇и бавзсзд̇ваа ванд̣̇ид̇ваа сассуяаа табид̇ам̣ буувам̣ д̇ам̣ абассанд̇ий ‘‘д̇ассаа гат̇зд̇ваа анумод̣̇аабзссаамий’’д̇и виссаасзна г̇ахзд̇ваа т̇зрасса ад̣̇ааси, т̇зро анумод̣̇анам̣ гад̇ваа баггаами. д̣̇ааригаа ‘‘д̇умхзхи табид̇ам̣ буувам̣ махаамог̇г̇аллаанад̇т̇зрасса ад̣̇ааси’’нд̇и сассуяаа гат̇зси. саа д̇ам̣ суд̇ваа ‘‘гиннаамид̣̇ам̣ бааг̇аб̣бхияам̣, аяам̣ мама санд̇агам̣ анаабужчид̇ваава саман̣асса ад̣̇аасий’’д̇и д̇ам̣ гадад̇адааяамаанаа год̇хаабхибхууд̇аа яуд̇д̇ааяуд̇д̇ам̣ ажинд̇знд̇ий бурад̇о тид̇ам̣ мусалакан̣д̣ам̣ г̇ахзд̇ваа ам̣сагуудз бахари. саа сукумаалад̇ааяа баригкийн̣ааяугад̇ааяа жа д̇знзва бахаарзна б̣алавад̣̇угкаабхибхууд̇аа худ̇ваа гад̇ибаахзнзва гаалам̣ гад̇ваа д̇аавад̇им̣сзсу ниб̣б̣ад̇д̇и. д̇ассаа сад̇иби ан̃н̃асмим̣ сужарид̇агаммз т̇зрасса гад̇ад̣̇аанамзва саад̇исаяам̣ худ̇ваа убадтааси. д̇ам̣ ааяасмаа махаамог̇г̇аллаано хздтаа вуд̇д̇анаязнзва г̇анд̇ваа –
Evaṃ gacchante kāle taṃ vayappattaṃ mātāpitaro tasmiṃyeva nagare aññatarasmiṃ kule kumārassa adaṃsu. Taṃ pana kulaṃ micchādiṭṭhikaṃ hoti assaddhaṃ appasannaṃ . Athāyasmā mahāmoggallāno rājagahe sapadānaṃ piṇḍāya caramāno tassā dārikāya sasurassa gehadvāre aṭṭhāsi. Taṃ disvā sā dārikā pasannacittā ‘‘pavisatha bhante’’ti pavesetvā vanditvā sassuyā ṭhapitaṃ pūvaṃ taṃ apassantī ‘‘tassā kathetvā anumodāpessāmī’’ti vissāsena gahetvā therassa adāsi, thero anumodanaṃ katvā pakkāmi. Dārikā ‘‘tumhehi ṭhapitaṃ pūvaṃ mahāmoggallānattherassa adāsi’’nti sassuyā kathesi. Sā taṃ sutvā ‘‘kinnāmidaṃ pāgabbhiyaṃ, ayaṃ mama santakaṃ anāpucchitvāva samaṇassa adāsī’’ti taṃ kaṭataṭāyamānā kodhābhibhūtā yuttāyuttaṃ acintentī purato ṭhitaṃ musalakhaṇḍaṃ gahetvā aṃsakūṭe pahari. Sā sukhumālatāya parikkhīṇāyukatāya ca teneva pahārena balavadukkhābhibhūtā hutvā katipāheneva kālaṃ katvā tāvatiṃsesu nibbatti. Tassā satipi aññasmiṃ sucaritakamme therassa katadānameva sātisayaṃ hutvā upaṭṭhāsi. Taṃ āyasmā mahāmoggallāno heṭṭhā vuttanayeneva gantvā –
286.
286.
‘‘ул̣ааро д̇з яасо ван̣н̣о, саб̣б̣аа обхаасад̇з д̣̇исаа;
‘‘Uḷāro te yaso vaṇṇo, sabbā obhāsate disā;
наарияо нажжанд̇и г̇ааяанд̇и, д̣̇звабуд̇д̇аа алан̇гад̇аа.
Nāriyo naccanti gāyanti, devaputtā alaṅkatā.
287.
287.
‘‘мод̣̇знд̇и бариваарзнд̇и, д̇ава бууж̇ааяа д̣̇звад̇з;
‘‘Modenti parivārenti, tava pūjāya devate;
сован̣н̣аани вимаанаани, д̇авимаани суд̣̇ассанз.
Sovaṇṇāni vimānāni, tavimāni sudassane.
288.
288.
‘‘д̇увам̣си иссараа д̇зсам̣, саб̣б̣агаамасамид̣̇д̇хиний;
‘‘Tuvaṃsi issarā tesaṃ, sabbakāmasamiddhinī;
абхиж̇аад̇аа маханд̇ааси, д̣̇звагааяз бамод̣̇аси;
Abhijātā mahantāsi, devakāye pamodasi;
д̣̇звад̇з бужчид̇аажигка, гисса гаммассид̣̇ам̣ пала’’нд̇и. –
Devate pucchitācikkha, kissa kammassidaṃ phala’’nti. –
д̇ийхи г̇аат̇аахи бужчи.
Tīhi gāthāhi pucchi.
286. д̇ад̇т̇а яасод̇и баривааро. ван̣н̣од̇и ван̣н̣анибхаа сарийробхаасо. ‘‘ул̣ааро’’д̇и бана висзсзд̇ваа вуд̇д̇ад̇д̇аа д̇ассаа д̣̇звад̇ааяа бариваарасамбад̇д̇и жа ван̣н̣асамбад̇д̇и жа вуд̇д̇аа ход̇и. д̇аасу ‘‘ул̣ааро д̇з ван̣н̣о’’д̇и сан̇кзбад̇о вуд̇д̇ам̣ ван̣н̣асамбад̇д̇им̣ висаяавасзна вид̇т̇аарад̇о д̣̇ассзд̇ум̣ ‘‘саб̣б̣аа обхаасад̇з д̣̇исаа’’д̇и вад̇ваа ‘‘ул̣ааро д̇з яасо’’д̇и вуд̇д̇ам̣ бариваарасамбад̇д̇им̣ вад̇т̇увасзна вид̇т̇аарад̇о д̣̇ассзд̇ум̣ ‘‘наарияо нажжанд̇ий’’д̇иаад̣̇и вуд̇д̇ам̣. д̇ад̇т̇а саб̣б̣аа обхаасад̇з д̣̇исаад̇и саб̣б̣аасу д̣̇исаасу виж̇ж̇од̇ад̇з, саб̣б̣аа ваа д̣̇исаа обхаасаяад̇з, виж̇ж̇од̇аяад̇ийд̇и ад̇т̇о. ‘‘обхаасад̇з’’д̇и бад̣̇асса ‘‘обхаасанд̇з’’д̇и гзжи важанавибаллаасзна ад̇т̇ам̣ вад̣̇анд̇и, д̇зхи ‘‘ван̣н̣знаа’’д̇и вибхад̇д̇и вибарин̣аамзд̇аб̣б̣аа. ван̣н̣знаад̇и жа хзд̇умхи гаран̣аважанам̣, ван̣н̣зна хзд̇убхууд̇знаад̇и ад̇т̇о. ‘‘саб̣б̣аа д̣̇исаа’’д̇и жа ж̇аад̇ивасзна д̣̇исаасааман̃н̃з абзгкид̇з важанавибаллаасзнаби баяож̇анам̣ над̇т̇и. наарияод̇и зд̇т̇ааби ‘‘алан̇гад̇аа’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. д̣̇звабуд̇д̇аад̇и зд̇т̇а жа-сад̣̇д̣̇о луд̇д̇анид̣̇д̣̇идто. д̇зна наарияо д̣̇звабуд̇д̇аа жаад̇и самужжаяо взд̣̇ид̇аб̣б̣о.
286. Tattha yasoti parivāro. Vaṇṇoti vaṇṇanibhā sarīrobhāso. ‘‘Uḷāro’’ti pana visesetvā vuttattā tassā devatāya parivārasampatti ca vaṇṇasampatti ca vuttā hoti. Tāsu ‘‘uḷāro te vaṇṇo’’ti saṅkhepato vuttaṃ vaṇṇasampattiṃ visayavasena vitthārato dassetuṃ ‘‘sabbā obhāsate disā’’ti vatvā ‘‘uḷāro te yaso’’ti vuttaṃ parivārasampattiṃ vatthuvasena vitthārato dassetuṃ ‘‘nāriyo naccantī’’tiādi vuttaṃ. Tattha sabbā obhāsate disāti sabbāsu disāsu vijjotate, sabbā vā disā obhāsayate, vijjotayatīti attho. ‘‘Obhāsate’’ti padassa ‘‘obhāsante’’ti keci vacanavipallāsena atthaṃ vadanti, tehi ‘‘vaṇṇenā’’ti vibhatti vipariṇāmetabbā. Vaṇṇenāti ca hetumhi karaṇavacanaṃ, vaṇṇena hetubhūtenāti attho. ‘‘Sabbā disā’’ti ca jātivasena disāsāmaññe apekkhite vacanavipallāsenapi payojanaṃ natthi. Nāriyoti etthāpi ‘‘alaṅkatā’’ti padaṃ ānetvā sambandhitabbaṃ. Devaputtāti ettha ca-saddo luttaniddiṭṭho. Tena nāriyo devaputtā cāti samuccayo veditabbo.
287. мод̣̇знд̇ийд̇и бамод̣̇аяанд̇и. бууж̇ааяаад̇и бууж̇анад̇т̇ам̣ бууж̇аанимид̇д̇ам̣ ваа, нажжанд̇и г̇ааяанд̇ийд̇и яож̇анаа. д̇авимаанийд̇и д̇ава имаани.
287.Modentīti pamodayanti. Pūjāyāti pūjanatthaṃ pūjānimittaṃ vā, naccanti gāyantīti yojanā. Tavimānīti tava imāni.
288. саб̣б̣агаамасамид̣̇д̇хинийд̇и саб̣б̣зхи бан̃жахи гаамаг̇ун̣зхи, саб̣б̣зхи ваа д̇аяаа гаамид̇зхи ижчид̇зхи вад̇т̇уухи самид̣̇д̇хаа. абхиж̇аад̇аад̇и суж̇аад̇аа. маханд̇аасийд̇и махад̇ий махаанубхааваа аси. д̣̇звагааяз бамод̣̇асийд̇и имасмим̣ д̣̇званигааяз д̣̇иб̣б̣асамбад̇д̇ихзд̇угзна барамзна бамод̣̇анзна бамод̣̇аси.
288.Sabbakāmasamiddhinīti sabbehi pañcahi kāmaguṇehi, sabbehi vā tayā kāmitehi icchitehi vatthūhi samiddhā. Abhijātāti sujātā. Mahantāsīti mahatī mahānubhāvā asi. Devakāye pamodasīti imasmiṃ devanikāye dibbasampattihetukena paramena pamodanena pamodasi.
звам̣ т̇зрзна бужчид̇аа саа д̣̇звад̇аа д̇амад̇т̇ам̣ виссаж̇ж̇зси –
Evaṃ therena pucchitā sā devatā tamatthaṃ vissajjesi –
289.
289.
‘‘ахам̣ мануссзсу мануссабхууд̇аа, буримааяа ж̇аад̇ияаа мануссалогз;
‘‘Ahaṃ manussesu manussabhūtā, purimāya jātiyā manussaloke;
д̣̇уссийлагулз сун̣исаа ахосим̣, ассад̣̇д̇хзсу гад̣̇ариязсу ахам̣.
Dussīlakule suṇisā ahosiṃ, assaddhesu kadariyesu ahaṃ.
290.
290.
‘‘сад̣̇д̇хаа сийлзна самбаннаа, сам̣вибхааг̇арад̇аа сад̣̇аа;
‘‘Saddhā sīlena sampannā, saṃvibhāgaratā sadā;
бин̣д̣ааяа жарамаанасса, абуувам̣ д̇з ад̣̇аасахам̣.
Piṇḍāya caramānassa, apūvaṃ te adāsahaṃ.
291.
291.
‘‘д̇ад̣̇аахам̣ сассуяаажигким̣, ‘саман̣о ааг̇ад̇о ид̇ха;
‘‘Tadāhaṃ sassuyācikkhiṃ, ‘samaṇo āgato idha;
д̇асса ад̣̇аасахам̣ буувам̣, басаннаа сзхи баан̣ибхи’.
Tassa adāsahaṃ pūvaṃ, pasannā sehi pāṇibhi’.
292.
292.
‘‘ид̇иссаа сассу барибхааси, авинийд̇ааси д̇вам̣ вад̇ху;
‘‘Itissā sassu paribhāsi, avinītāsi tvaṃ vadhu;
на мам̣ самбужчид̇ум̣ ижчи, ‘саман̣асса д̣̇ад̣̇аамахам̣’.
Na maṃ sampucchituṃ icchi, ‘samaṇassa dadāmahaṃ’.
293.
293.
‘‘д̇ад̇о мз сассу губид̇аа, бахааси мусалзна мам̣;
‘‘Tato me sassu kupitā, pahāsi musalena maṃ;
гуудан̇г̇ажчи авад̇хи мам̣, наасагким̣ ж̇ийвид̇ум̣ жирам̣.
Kūṭaṅgacchi avadhi maṃ, nāsakkhiṃ jīvituṃ ciraṃ.
294.
294.
‘‘ахам̣ гааяасса бхзд̣̇аа, виббамуд̇д̇аа д̇ад̇о жуд̇аа;
‘‘Ahaṃ kāyassa bhedā, vippamuttā tato cutā;
д̣̇зваанам̣ д̇аавад̇им̣саанам̣, убабаннаа сахаб̣яад̇ам̣.
Devānaṃ tāvatiṃsānaṃ, upapannā sahabyataṃ.
295.
295.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и.
Vaṇṇo ca me sabbadisā pabhāsatī’’ti.
289. д̇ад̇т̇а ассад̣̇д̇хзсууд̇и рад̇анад̇д̇аяасад̣̇д̇хааяа гаммапаласад̣̇д̇хааяа жа абхаавзна ассад̣̇д̇хзсу, т̇ад̣̇д̇хамажчарияад̇ааяа гад̣̇ариязсу сассуаад̣̇ийсу ахам̣ сад̣̇д̇хаа сийлзна самбаннаа ахосинд̇и яож̇анаа.
289. Tattha assaddhesūti ratanattayasaddhāya kammaphalasaddhāya ca abhāvena assaddhesu, thaddhamacchariyatāya kadariyesu sassuādīsu ahaṃ saddhā sīlena sampannā ahosinti yojanā.
290-1. абууванд̇и габаллабуувам̣. д̇зд̇и нибаад̇амад̇д̇ам̣. сассуяаа аажигким̣ г̇ахид̇абхааван̃аабанад̇т̇ан̃жа анумод̣̇анад̇т̇ан̃жаад̇и ад̇хиббааяо.
290-1.Apūvanti kapallapūvaṃ. Teti nipātamattaṃ. Sassuyā ācikkhiṃ gahitabhāvañāpanatthañca anumodanatthañcāti adhippāyo.
292. ид̇иссаад̇и зд̇т̇а ассаад̇и нибаад̇амад̇д̇ам̣. саман̣асса д̣̇ад̣̇аамаханд̇и ахам̣ саман̣асса абуувам̣ д̣̇ад̣̇аамийд̇и. яасмаа на мам̣ самбужчид̇ум̣ ижчи, д̇асмаа д̇вам̣ вад̇ху авинийд̇аасийд̇и сассу барибхаасийд̇и яож̇анаа.
292.Itissāti ettha assāti nipātamattaṃ. Samaṇassa dadāmahanti ahaṃ samaṇassa apūvaṃ dadāmīti. Yasmā na maṃ sampucchituṃ icchi, tasmā tvaṃ vadhu avinītāsīti sassu paribhāsīti yojanā.
293. бахаасийд̇и бахари. гуудан̇г̇ажчи авад̇хи манд̇и зд̇т̇а гууданд̇и ам̣сагуудам̣ вуд̇д̇ам̣ буримабад̣̇алобзна, гуудамзва ан̇г̇анд̇и гуудан̇г̇ам̣, д̇ам̣ чинд̣̇ад̇ийд̇и гуудан̇г̇ажчи. звам̣ год̇хаабхибхууд̇аа худ̇ваа мам̣ авад̇хи, мама ам̣сагуудам̣ чинд̣̇и, д̇знзва убаггамзна мад̇ад̇д̇аа мам̣ маарзсийд̇и ад̇т̇о. д̇знааха ‘‘наасагким̣ ж̇ийвид̇ум̣ жира’’нд̇и.
293.Pahāsīti pahari. Kūṭaṅgacchi avadhi manti ettha kūṭanti aṃsakūṭaṃ vuttaṃ purimapadalopena, kūṭameva aṅganti kūṭaṅgaṃ, taṃ chindatīti kūṭaṅgacchi. Evaṃ kodhābhibhūtā hutvā maṃ avadhi, mama aṃsakūṭaṃ chindi, teneva upakkamena matattā maṃ māresīti attho. Tenāha ‘‘nāsakkhiṃ jīvituṃ cira’’nti.
294. виббамуд̇д̇аад̇и д̇ад̇о д̣̇угкад̇о судту муд̇д̇аа. сзсам̣ вуд̇д̇анаяамзва.
294.Vippamuttāti tato dukkhato suṭṭhu muttā. Sesaṃ vuttanayameva.
ул̣ааравимаанаван̣н̣анаа нидтид̇аа.
Uḷāravimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 1. ул̣ааравимаанавад̇т̇у • 1. Uḷāravimānavatthu
