| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. улууган̇г̇абан̃хо
5. Ulūkaṅgapañho
5. ‘‘бханд̇з нааг̇асзна, ‘улуугасса д̣̇вз ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани д̣̇вз ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, улууго гаагзхи бадивируд̣̇д̇хо, рад̇д̇им̣ гаагасан̇гхам̣ г̇анд̇ваа б̣ахууби гаагз ханад̇и, звамзва ко, махаарааж̇а, яог̇инаа яог̇ааважарзна ан̃н̃аан̣зна бадивируд̣̇д̇хо гаад̇аб̣б̣о, згзна рахо нисийд̣̇ид̇ваа ан̃н̃аан̣ам̣ самбамад̣̇д̣̇ид̇аб̣б̣ам̣, муулад̇о чинд̣̇ид̇аб̣б̣ам̣. ид̣̇ам̣, махаарааж̇а, улуугасса батамам̣ г̇ахзд̇аб̣б̣ам̣.
5. ‘‘Bhante nāgasena, ‘ulūkassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, ulūko kākehi paṭiviruddho, rattiṃ kākasaṅghaṃ gantvā bahūpi kāke hanati, evameva kho, mahārāja, yoginā yogāvacarena aññāṇena paṭiviruddho kātabbo, ekena raho nisīditvā aññāṇaṃ sampamadditabbaṃ, mūlato chinditabbaṃ. Idaṃ, mahārāja, ulūkassa paṭhamaṃ gahetabbaṃ.
‘‘буна жабарам̣, махаарааж̇а, улууго суббадисаллийно ход̇и, звамзва ко, махаарааж̇а, яог̇инаа яог̇ааважарзна бадисаллаанаараамзна бхавид̇аб̣б̣ам̣ бадисаллаанарад̇зна. ид̣̇ам̣, махаарааж̇а, улуугасса д̣̇уд̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна сам̣яуд̇д̇анигааяаварз –
‘‘Puna caparaṃ, mahārāja, ulūko suppaṭisallīno hoti, evameva kho, mahārāja, yoginā yogāvacarena paṭisallānārāmena bhavitabbaṃ paṭisallānaratena. Idaṃ, mahārāja, ulūkassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena saṃyuttanikāyavare –
‘‘‘ид̇ха, бхигкавз, бхигку бадисаллаанаараамо бадисаллаанарад̇о ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и, ‘‘аяам̣ д̣̇угкасамуд̣̇аяо’’д̇и яат̇аа бхуут̇ам̣ баж̇аанаад̇и , ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇ий’’’д̇и.
‘‘‘Idha, bhikkhave, bhikkhu paṭisallānārāmo paṭisallānarato ‘‘idaṃ dukkha’’nti yathābhūtaṃ pajānāti, ‘‘ayaṃ dukkhasamudayo’’ti yathā bhūthaṃ pajānāti , ‘‘ayaṃ dukkhanirodho’’ti yathābhūtaṃ pajānāti, ‘‘ayaṃ dukkhanirodhagāminī paṭipadā’’ti yathābhūtaṃ pajānātī’’’ti.
улууган̇г̇абан̃хо бан̃жамо.
Ulūkaṅgapañho pañcamo.
