| Library / Tipiṭaka / တိပိဋက • Tipiṭaka / အပဒာန-အဋ္ဌကထာ • Apadāna-aṭṭhakathā |
၃၃. ဥမာပုပ္ဖိယဝဂ္ဂော
33. Umāpupphiyavaggo
၁-၁၀. ဥမာပုပ္ဖိယတ္ထေရအပဒာနာဒိဝဏ္ဏနာ
1-10. Umāpupphiyattheraapadānādivaṇṇanā
တေတ္တိံသတိမေ ဝဂ္ဂေ ပဌမဒုတိယတတိယစတုတ္ထပဉ္စမဆဋ္ဌာပဒာနာနိ ဥတ္တာနာနိယေဝ။
Tettiṃsatime vagge paṭhamadutiyatatiyacatutthapañcamachaṭṭhāpadānāni uttānāniyeva.
၅၅. သတ္တမာပဒာနေ သမယံ အဂမာသဟန္တိ သမူဟံ သမာဂမဋ္ဌာနံ အဟံ အဂမာသိန္တိ အတ္ထော။
55. Sattamāpadāne samayaṃ agamāsahanti samūhaṃ samāgamaṭṭhānaṃ ahaṃ agamāsinti attho.
၆၂. အဗ္ဗုဒနိရဗ္ဗုဒာနီတိ ‘‘ပကောဋိသတသဟသ္သာနံ သတံ အဗ္ဗုဒံ, အဗ္ဗုဒသတသဟသ္သာနံ သတံ နိရဗ္ဗုဒ’’န္တိ ဝုတ္တတ္တာ အာယုနာ အဗ္ဗုဒနိရဗ္ဗုဒာနိ ဂတမဟာအာယုဝန္တာ မနုဇာဓိပာ စက္ကဝတ္တိနော ခတ္တိယာ အဋ္ဌ အဋ္ဌ ဟုတ္ဝာ ကပ္ပာနံ ပဉ္စဝီသသဟသ္သမ္ဟိ အာသိံသု အဟေသုန္တိ အတ္ထော။ အဋ္ဌမနဝမဒသမာပဒာနာနိ ပာကဋာနေဝာတိ။
62.Abbudanirabbudānīti ‘‘pakoṭisatasahassānaṃ sataṃ abbudaṃ, abbudasatasahassānaṃ sataṃ nirabbuda’’nti vuttattā āyunā abbudanirabbudāni gatamahāāyuvantā manujādhipā cakkavattino khattiyā aṭṭha aṭṭha hutvā kappānaṃ pañcavīsasahassamhi āsiṃsu ahesunti attho. Aṭṭhamanavamadasamāpadānāni pākaṭānevāti.
တေတ္တိံသတိမဝဂ္ဂဝဏ္ဏနာ သမတ္တာ။
Tettiṃsatimavaggavaṇṇanā samattā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / အပဒာနပာဠိ • Apadānapāḷi / ၇. နိဂ္ဂုဏ္ဍိပုပ္ဖိယတ္ထေရအပဒာနံ • 7. Nigguṇḍipupphiyattheraapadānaṃ
