| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
5. உமாபுப்பி²யத்தே²ரஅபதா³னவண்ணனா
5. Umāpupphiyattheraapadānavaṇṇanā
நிப்³பு³தே லோகமஹிதேதிஆதி³கங் ஆயஸ்மதோ உமாபுப்பி²யத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ ஸித்³த⁴த்த²ஸ்ஸ ப⁴க³வதோ காலே குலகே³ஹே நிப்³ப³த்தோ வுத்³தி⁴ப்பத்தோ க⁴ராவாஸங் ஸண்ட²பெத்வா வஸந்தோ நிப்³பு³தஸ்ஸ ப⁴க³வதோ சேதியமஹே வத்தமானே இந்த³னீலமணிவண்ணங் உமாபுப்ப²ங் க³ஹெத்வா பூஜேஸி. ஸோ தேன புஞ்ஞேன ஸுக³தீஸுயேவ ஸங்ஸரந்தோ தி³ப்³ப³மானுஸஸம்பத்தியோ அனுப⁴வித்வா உப்பன்னுப்பன்னப⁴வே ப³ஹுலங் நீலவண்ணோ ஜாதிஸம்பன்னோ விப⁴வஸம்பன்னோ அஹோஸி. ஸோ இமஸ்மிங் பு³த்³து⁴ப்பாதே³ விப⁴வஸம்பன்னே ஏகஸ்மிங் குலகே³ஹே நிப்³ப³த்தோ விஞ்ஞுதங் பத்வா ஸத்³தா⁴ஜாதோ பப்³ப³ஜிதோ நசிரஸ்ஸேவ அரஹத்தங் பாபுணி.
Nibbute lokamahitetiādikaṃ āyasmato umāpupphiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle kulagehe nibbatto vuddhippatto gharāvāsaṃ saṇṭhapetvā vasanto nibbutassa bhagavato cetiyamahe vattamāne indanīlamaṇivaṇṇaṃ umāpupphaṃ gahetvā pūjesi. So tena puññena sugatīsuyeva saṃsaranto dibbamānusasampattiyo anubhavitvā uppannuppannabhave bahulaṃ nīlavaṇṇo jātisampanno vibhavasampanno ahosi. So imasmiṃ buddhuppāde vibhavasampanne ekasmiṃ kulagehe nibbatto viññutaṃ patvā saddhājāto pabbajito nacirasseva arahattaṃ pāpuṇi.
21. ஸோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ நிப்³பு³தே லோகமஹிதேதிஆதி³ வுத்தங். தத்த² லோகமஹிதேதி லோகேஹி மஹிதோ பூஜிதோதி லோகமஹிதோ, தஸ்மிங் லோகமஹிதே ஸித்³த⁴த்த²ம்ஹி ப⁴க³வதி பரினிப்³பு³தேதி ஸம்ப³ந்தோ⁴. ஆஹுதீனங்படிக்³க³ஹேதி ஆஹுதினோ வுச்சந்தி பூஜாஸக்காரா, தேஸங் ஆஹுதீனங் படிக்³க³ஹேதுங் அரஹதீதி ஆஹுதீனங்படிக்³க³ஹோ, அலுத்தகிதந்தஸமாஸோ, தஸ்மிங் ஆஹுதீனங்படிக்³க³ஹே ப⁴க³வதி பரினிப்³பு³தேதி அத்தோ².
21. So pubbakammaṃ saritvā somanassajāto pubbacaritāpadānaṃ pakāsento nibbute lokamahitetiādi vuttaṃ. Tattha lokamahiteti lokehi mahito pūjitoti lokamahito, tasmiṃ lokamahite siddhatthamhi bhagavati parinibbuteti sambandho. Āhutīnaṃpaṭiggaheti āhutino vuccanti pūjāsakkārā, tesaṃ āhutīnaṃ paṭiggahetuṃ arahatīti āhutīnaṃpaṭiggaho, aluttakitantasamāso, tasmiṃ āhutīnaṃpaṭiggahe bhagavati parinibbuteti attho.
22. உமாபுப்ப²ந்தி உத்³த⁴முத்³த⁴ங் நீலபப⁴ங் முஞ்சமானங் புப்ப²தி விகஸதீதி உமாபுப்ப²ங், தங் உமாபுப்ப²ங் க³ஹெத்வா சேதியே பூஜங் அகாஸிந்தி அத்தோ². ஸேஸங் உத்தானத்த²மேவாதி.
22.Umāpupphanti uddhamuddhaṃ nīlapabhaṃ muñcamānaṃ pupphati vikasatīti umāpupphaṃ, taṃ umāpupphaṃ gahetvā cetiye pūjaṃ akāsinti attho. Sesaṃ uttānatthamevāti.
உமாபுப்பி²யத்தே²ரஅபதா³னவண்ணனா ஸமத்தா.
Umāpupphiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 5. உமாபுப்பி²யத்தே²ரஅபதா³னங் • 5. Umāpupphiyattheraapadānaṃ
