| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. уумибхаяасуд̇д̇аван̣н̣анаа
2. Ūmibhayasuttavaṇṇanā
122. д̣̇уд̇ияз год̇хуубааяаасассзд̇ам̣ ад̇хиважананд̇и зд̇т̇а гуж̇жханадтзна год̇хо, свзва жид̇д̇асса гааяасса жа ад̇иббамад̣̇д̣̇анамат̇ануббаад̣̇анзхи д̣̇ал̣хаааяаасадтзна убааяаасо. анзгаваарам̣ бавад̇д̇ид̇ваа ад̇д̇анаа самавзд̇ам̣ сад̇д̇ам̣ аж̇жход̇т̇арид̇ваа сийсам̣ угкибид̇ум̣ ад̣̇ад̇ваа уумисад̣̇исад̇аа д̣̇адтаб̣б̣аа. яат̇аа хи б̣аахирам̣ уд̣̇агам̣ од̇ин̣н̣о уумийсу осийд̣̇ид̇ваа марад̇и, звам̣ имасмим̣ саасанз год̇хуубааяаасз осийд̣̇ид̇ваа виб̣бхамад̇и, д̇асмаа год̇хуубааяаасо ‘‘уумибхаяа’’нд̇и вуд̇д̇о. од̣̇аригад̇д̇ассзд̇ам̣ ад̇хиважананд̇и яат̇аа хи б̣аахирам̣ уд̣̇агам̣ од̇ин̣н̣о гумбхийлзна каад̣̇ид̇о марад̇и, звам̣ имасмим̣ саасанз од̣̇аригад̇д̇зна од̣̇аригабхаавзна аамисаг̇зд̇хзна мижчааж̇ийвзна ж̇ийвигагаббанзна наасид̇асийлаад̣̇иг̇ун̣ад̇ааяа каад̣̇ид̇ад̇хаммасарийро виб̣бхамад̇и, д̇асмаа од̣̇аригад̇д̇ам̣ ‘‘гумбхийлабхаяа’’нд̇и вуд̇д̇ам̣.
122. Dutiye kodhūpāyāsassetaṃ adhivacananti ettha kujjhanaṭṭhena kodho, sveva cittassa kāyassa ca atippamaddanamathanuppādanehi daḷhaāyāsaṭṭhena upāyāso. Anekavāraṃ pavattitvā attanā samavetaṃ sattaṃ ajjhottharitvā sīsaṃ ukkhipituṃ adatvā ūmisadisatā daṭṭhabbā. Yathā hi bāhiraṃ udakaṃ otiṇṇo ūmīsu osīditvā marati, evaṃ imasmiṃ sāsane kodhūpāyāse osīditvā vibbhamati, tasmā kodhūpāyāso ‘‘ūmibhaya’’nti vutto. Odarikattassetaṃ adhivacananti yathā hi bāhiraṃ udakaṃ otiṇṇo kumbhīlena khādito marati, evaṃ imasmiṃ sāsane odarikattena odarikabhāvena āmisagedhena micchājīvena jīvikakappanena nāsitasīlādiguṇatāya khāditadhammasarīro vibbhamati, tasmā odarikattaṃ ‘‘kumbhīlabhaya’’nti vuttaṃ.
анубадтид̇ааяа сад̇ияаад̇и гааяаг̇ад̇ам̣ сад̇им̣ анудтаабзд̇ваа. асам̣вуд̇зхийд̇и абихид̇зхи. бан̃жаннзд̇ам̣ гаамаг̇ун̣аанам̣ ад̇хиважананд̇и яат̇аа хи б̣аахирам̣ уд̣̇агам̣ од̇ин̣н̣о ааваддз нимуж̇ж̇ид̇ваа марад̇и, звам̣ имасмим̣ саасанз баб̣б̣аж̇ид̇о бан̃жагаамаг̇ун̣ааваддз нимуж̇ж̇ид̇ваа виб̣бхамад̇и. гаамарааг̇аабхибхууд̇о хи сад̇д̇о ид̇о жа зд̇д̇о, зд̇д̇о жа ид̇од̇и звам̣ манаабияаруубаад̣̇ивисаяасан̇каад̇з ааваддз ад̇д̇аанам̣ сам̣саарзд̇ваа яат̇аа д̇ад̇о б̣ахибхууд̇з нзгкаммз жид̇д̇амби на уббаад̣̇зд̇и, звам̣ ааваддзд̇ваа б̣яасанаабаад̣̇анзна гаамаг̇ун̣аанам̣ ааваддасад̣̇исад̇аа д̣̇адтаб̣б̣аа.
Anupaṭṭhitāya satiyāti kāyagataṃ satiṃ anuṭṭhāpetvā. Asaṃvutehīti apihitehi. Pañcannetaṃ kāmaguṇānaṃ adhivacananti yathā hi bāhiraṃ udakaṃ otiṇṇo āvaṭṭe nimujjitvā marati, evaṃ imasmiṃ sāsane pabbajito pañcakāmaguṇāvaṭṭe nimujjitvā vibbhamati. Kāmarāgābhibhūto hi satto ito ca etto, etto ca itoti evaṃ manāpiyarūpādivisayasaṅkhāte āvaṭṭe attānaṃ saṃsāretvā yathā tato bahibhūte nekkhamme cittampi na uppādeti, evaṃ āvaṭṭetvā byasanāpādanena kāmaguṇānaṃ āvaṭṭasadisatā daṭṭhabbā.
ануд̣̇д̇хам̣сзд̇ийд̇и гиламзд̇и вилолад̇и. рааг̇аануд̣̇д̇хам̣сид̇знаад̇и рааг̇зна ануд̣̇д̇хам̣сид̇зна. маад̇уг̇аамассзд̇ам̣ ад̇хиважананд̇и. яат̇аа хи б̣аахирам̣ уд̣̇агам̣ од̇ин̣н̣о жан̣д̣амажчам̣ ааг̇амма лад̣̇д̇хаббахааро марад̇и, звам̣ имасмим̣ саасанз маад̇уг̇аамам̣ аараб̣бха уббаннагаамарааг̇о виб̣бхамад̇и, д̇асмаа маад̇уг̇аамо ‘‘сусугаабхаяа’’нд̇и вуд̇д̇о. маад̇уг̇аамо хи яонисоманасигаарарахид̇ам̣ ад̇хийрабурисам̣ ид̇т̇игуд̇д̇абхууд̇зхи ад̇д̇ано хаасабхаававилаасзхи абхибхуяяа г̇ахзд̇ваа д̇хийраж̇аад̇игамби ад̇д̇ано руубаад̣̇ийхи самбалобханавасзна анавасзсам̣ ад̇д̇ано убагаарад̇хаммз сийлаад̣̇игз самбаад̣̇зд̇ум̣ асамад̇т̇ам̣ гаронд̇о анаяаб̣яасанам̣ баабзд̇и.
Anuddhaṃsetīti kilameti vilolati. Rāgānuddhaṃsitenāti rāgena anuddhaṃsitena. Mātugāmassetaṃ adhivacananti. Yathā hi bāhiraṃ udakaṃ otiṇṇo caṇḍamacchaṃ āgamma laddhappahāro marati, evaṃ imasmiṃ sāsane mātugāmaṃ ārabbha uppannakāmarāgo vibbhamati, tasmā mātugāmo ‘‘susukābhaya’’nti vutto. Mātugāmo hi yonisomanasikārarahitaṃ adhīrapurisaṃ itthikuttabhūtehi attano hāsabhāvavilāsehi abhibhuyya gahetvā dhīrajātikampi attano rūpādīhi sampalobhanavasena anavasesaṃ attano upakāradhamme sīlādike sampādetuṃ asamatthaṃ karonto anayabyasanaṃ pāpeti.
имаани бана жад̇д̇аари бхаяаани бхааяид̇ваа яат̇аа уд̣̇агам̣ анороханд̇асса уд̣̇агам̣ ниссааяа уд̣̇агабибаасаавинаяанам̣ сарийрасуд̣̇д̇хибарил̣аахуубасамо гааяауд̇уг̇г̇аахаабананд̇и, звамаад̣̇и аанисам̣со над̇т̇и, звамзвам̣ имаани жад̇д̇аари бхаяаани бхааяид̇ваа саасанз абаб̣б̣аж̇анд̇ассаби имам̣ саасанам̣ ниссааяа сан̇кзбад̇о ваддад̣̇угкуубасамо, вид̇т̇аарад̇о бана сийлаанисам̣саад̣̇ивасзна анзгавид̇хо аанисам̣со над̇т̇и. яат̇аа бана имаани жад̇д̇аари бхаяаани абхааяид̇ваа уд̣̇агам̣ ороханд̇асса вуд̇д̇аббагааро аанисам̣со ход̇и, звам̣ имаани абхааяид̇ваа саасанз баб̣б̣аж̇анд̇ассаби вуд̇д̇аббагааро аанисам̣со ход̇и. махаад̇хаммарагкид̇ад̇т̇зро банааха ‘‘жад̇д̇аари бхаяаани бхааяид̇ваа уд̣̇агам̣ анод̇аранд̇о сод̇ам̣ чинд̣̇ид̇ваа барад̇ийрам̣ баабун̣ид̇ум̣ на саггод̇и, абхааяид̇ваа од̇аранд̇о саггод̇и, звамзвам̣ бхааяид̇ваа саасанз абаб̣б̣аж̇анд̇оби д̇ан̣хаасод̇ам̣ чинд̣̇ид̇ваа ниб̣б̣аанабаарам̣ д̣̇адтум̣ на саггод̇и, абхааяид̇ваа баб̣б̣аж̇анд̇о саггод̇ий’’д̇и.
Imāni pana cattāri bhayāni bhāyitvā yathā udakaṃ anorohantassa udakaṃ nissāya udakapipāsāvinayanaṃ sarīrasuddhipariḷāhūpasamo kāyautuggāhāpananti, evamādi ānisaṃso natthi, evamevaṃ imāni cattāri bhayāni bhāyitvā sāsane apabbajantassapi imaṃ sāsanaṃ nissāya saṅkhepato vaṭṭadukkhūpasamo, vitthārato pana sīlānisaṃsādivasena anekavidho ānisaṃso natthi. Yathā pana imāni cattāri bhayāni abhāyitvā udakaṃ orohantassa vuttappakāro ānisaṃso hoti, evaṃ imāni abhāyitvā sāsane pabbajantassapi vuttappakāro ānisaṃso hoti. Mahādhammarakkhitatthero panāha ‘‘cattāri bhayāni bhāyitvā udakaṃ anotaranto sotaṃ chinditvā paratīraṃ pāpuṇituṃ na sakkoti, abhāyitvā otaranto sakkoti, evamevaṃ bhāyitvā sāsane apabbajantopi taṇhāsotaṃ chinditvā nibbānapāraṃ daṭṭhuṃ na sakkoti, abhāyitvā pabbajanto sakkotī’’ti.
уумибхаяасуд̇д̇аван̣н̣анаа нидтид̇аа.
Ūmibhayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. уумибхаяасуд̇д̇ам̣ • 2. Ūmibhayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. уумибхаяасуд̇д̇аван̣н̣анаа • 2. Ūmibhayasuttavaṇṇanā
