| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. ဦမိဘယသုတ္တဝဏ္ဏနာ
2. Ūmibhayasuttavaṇṇanā
၁၂၂. ဒုတိယေ ဥဒကောရောဟန္တသ္သာတိ ဥဒကံ ဩတရန္တသ္သ။ ပာဋိကင္ခိတဗ္ဗာနီတိ ဣစ္ဆိတဗ္ဗာနိ။ သုသုကာဘယန္တိ စဏ္ဍမစ္ဆဘယံ။ မုခာဝရဏံ မညေ ကရောန္တီတိ မုခပိဒဟနံ ဝိယ ကရောန္တိ။ ဩဒရိကတ္တသ္သာတိ မဟောဒရတာယ မဟဂ္ဃသဘာဝသ္သ။ အရက္ခိတေနေဝ ကာယေနာတိအာဒီသု ကာယဒ္ဝာရေ တိဝိဓသ္သ သံဝရသ္သ အဘာဝတော အရက္ခိတေန ကာယေန။ ဝစီဒ္ဝာရေ စတုဗ္ဗိဓသ္သ သံဝရသ္သ အဘာဝတော အရက္ခိတာယ ဝာစာယ။
122. Dutiye udakorohantassāti udakaṃ otarantassa. Pāṭikaṅkhitabbānīti icchitabbāni. Susukābhayanti caṇḍamacchabhayaṃ. Mukhāvaraṇaṃ maññe karontīti mukhapidahanaṃ viya karonti. Odarikattassāti mahodaratāya mahagghasabhāvassa. Arakkhiteneva kāyenātiādīsu kāyadvāre tividhassa saṃvarassa abhāvato arakkhitena kāyena. Vacīdvāre catubbidhassa saṃvarassa abhāvato arakkhitāya vācāya.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. ဦမိဘယသုတ္တံ • 2. Ūmibhayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၂. ဦမိဘယသုတ္တဝဏ္ဏနာ • 2. Ūmibhayasuttavaṇṇanā
