| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2. ඌමිභයසුත්‌තවණ්‌ණනා
2. Ūmibhayasuttavaṇṇanā
122. දුතියෙ උදකොරොහන්‌තස්‌සාති උදකං ඔතරන්‌තස්‌ස. පාටිකඞ්‌ඛිතබ්‌බානීති ඉච්‌ඡිතබ්‌බානි. සුසුකාභයන්‌ති චණ්‌ඩමච්‌ඡභයං. මුඛාවරණං මඤ්‌ඤෙ කරොන්‌තීති මුඛපිදහනං විය කරොන්‌ති. ඔදරිකත්‌තස්‌සාති මහොදරතාය මහග්‌ඝසභාවස්‌ස. අරක්‌ඛිතෙනෙව කායෙනාතිආදීසු කායද්‌වාරෙ තිවිධස්‌ස සංවරස්‌ස අභාවතො අරක්‌ඛිතෙන කායෙන. වචීද්‌වාරෙ චතුබ්‌බිධස්‌ස සංවරස්‌ස අභාවතො අරක්‌ඛිතාය වාචාය.
122. Dutiye udakorohantassāti udakaṃ otarantassa. Pāṭikaṅkhitabbānīti icchitabbāni. Susukābhayanti caṇḍamacchabhayaṃ. Mukhāvaraṇaṃ maññe karontīti mukhapidahanaṃ viya karonti. Odarikattassāti mahodaratāya mahagghasabhāvassa. Arakkhiteneva kāyenātiādīsu kāyadvāre tividhassa saṃvarassa abhāvato arakkhitena kāyena. Vacīdvāre catubbidhassa saṃvarassa abhāvato arakkhitāya vācāya.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. ඌමිභයසුත්‌තං • 2. Ūmibhayasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 2. ඌමිභයසුත්‌තවණ්‌ණනා • 2. Ūmibhayasuttavaṇṇanā
