| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. உம்மக்³க³ஸுத்தவண்ணனா
6. Ummaggasuttavaṇṇanā
186. ச²ட்டே² பரிகஸ்ஸதீதி ஆகட்³டி⁴யதி. உம்மக்³கோ³தி உம்முஜ்ஜனங், பஞ்ஞாக³மனந்தி அத்தோ². பஞ்ஞா ஏவ வா உம்முஜ்ஜனட்டே²ன உம்மக்³கோ³தி வுச்சதி. ஸாவ படிபா⁴னட்டே²ன படிபா⁴னங். சித்தஸ்ஸ உப்பன்னஸ்ஸ வஸங் க³ச்ச²தீதி யே சித்தஸ்ஸ வஸங் க³ச்ச²ந்தி, தேஸங்யேவெத்த² க³ஹணங் வேதி³தப்³ப³ங். அத்த²மஞ்ஞாய த⁴ம்மமஞ்ஞாயாதி அத்த²ஞ்ச பாளிஞ்ச ஜானித்வா. த⁴ம்மானுத⁴ம்மப்படிபன்னோ ஹோதீதி லோகுத்தரத⁴ம்மஸ்ஸ அனுச்ச²விகத⁴ம்மங் ஸஹ ஸீலேன புப்³ப³பா⁴க³ப்படிபத³ங் படிபன்னோ ஹோதி. நிப்³பே³தி⁴கபஞ்ஞோதி நிப்³பி³ஜ்ஜ²னகபஞ்ஞோ. இத³ங் து³க்க²ந்தி ட²பெத்வா தண்ஹங் ஸேஸங் தேபூ⁴மகக்க²ந்த⁴பஞ்சகங் து³க்க²ந்தி ஸுதங் ஹோதி. பஞ்ஞாயாதி மக்³க³பஞ்ஞாய. அயங் து³க்க²ஸமுத³யோதி வட்டமூலகதண்ஹா தஸ்ஸ து³க்க²ஸ்ஸ ஸமுத³யோதி ஸுதங் ஹோதி. இமினா உபாயேன ஸேஸத்³வயேபி அத்தோ² வேதி³தப்³போ³. சதுத்த²பஞ்ஹவிஸ்ஸஜ்ஜனேன அரஹத்தப²லங் கதி²தந்தி வேதி³தப்³ப³ங்.
186. Chaṭṭhe parikassatīti ākaḍḍhiyati. Ummaggoti ummujjanaṃ, paññāgamananti attho. Paññā eva vā ummujjanaṭṭhena ummaggoti vuccati. Sāva paṭibhānaṭṭhena paṭibhānaṃ. Cittassauppannassa vasaṃ gacchatīti ye cittassa vasaṃ gacchanti, tesaṃyevettha gahaṇaṃ veditabbaṃ. Atthamaññāya dhammamaññāyāti atthañca pāḷiñca jānitvā. Dhammānudhammappaṭipanno hotīti lokuttaradhammassa anucchavikadhammaṃ saha sīlena pubbabhāgappaṭipadaṃ paṭipanno hoti. Nibbedhikapaññoti nibbijjhanakapañño. Idaṃ dukkhanti ṭhapetvā taṇhaṃ sesaṃ tebhūmakakkhandhapañcakaṃ dukkhanti sutaṃ hoti. Paññāyāti maggapaññāya. Ayaṃ dukkhasamudayoti vaṭṭamūlakataṇhā tassa dukkhassa samudayoti sutaṃ hoti. Iminā upāyena sesadvayepi attho veditabbo. Catutthapañhavissajjanena arahattaphalaṃ kathitanti veditabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. உம்மக்³க³ஸுத்தங் • 6. Ummaggasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. உம்மக்³க³ஸுத்தவண்ணனா • 6. Ummaggasuttavaṇṇanā
