| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. уммаг̇г̇асуд̇д̇аван̣н̣анаа
6. Ummaggasuttavaṇṇanā
186. чадтз баригассад̇ийд̇и аагад̣дхияад̇и. уммаг̇г̇од̇и уммуж̇ж̇анам̣, бан̃н̃ааг̇амананд̇и ад̇т̇о. бан̃н̃аа зва ваа уммуж̇ж̇анадтзна уммаг̇г̇од̇и вужжад̇и. саава бадибхаанадтзна бадибхаанам̣. жид̇д̇асса уббаннасса васам̣ г̇ажчад̇ийд̇и яз жид̇д̇асса васам̣ г̇ажчанд̇и, д̇зсам̣язвзд̇т̇а г̇ахан̣ам̣ взд̣̇ид̇аб̣б̣ам̣. ад̇т̇аман̃н̃ааяа д̇хаммаман̃н̃ааяаад̇и ад̇т̇ан̃жа баал̣ин̃жа ж̇аанид̇ваа. д̇хаммаануд̇хаммаббадибанно ход̇ийд̇и логуд̇д̇арад̇хаммасса анужчавигад̇хаммам̣ саха сийлзна буб̣б̣абхааг̇аббадибад̣̇ам̣ бадибанно ход̇и. ниб̣б̣зд̇хигабан̃н̃од̇и ниб̣б̣иж̇жханагабан̃н̃о. ид̣̇ам̣ д̣̇угканд̇и табзд̇ваа д̇ан̣хам̣ сзсам̣ д̇збхуумагагканд̇хабан̃жагам̣ д̣̇угканд̇и суд̇ам̣ ход̇и. бан̃н̃ааяаад̇и маг̇г̇абан̃н̃ааяа. аяам̣ д̣̇угкасамуд̣̇аяод̇и ваддамуулагад̇ан̣хаа д̇асса д̣̇угкасса самуд̣̇аяод̇и суд̇ам̣ ход̇и. иминаа убааязна сзсад̣̇ваязби ад̇т̇о взд̣̇ид̇аб̣б̣о. жад̇уд̇т̇абан̃хависсаж̇ж̇анзна арахад̇д̇апалам̣ гат̇ид̇анд̇и взд̣̇ид̇аб̣б̣ам̣.
186. Chaṭṭhe parikassatīti ākaḍḍhiyati. Ummaggoti ummujjanaṃ, paññāgamananti attho. Paññā eva vā ummujjanaṭṭhena ummaggoti vuccati. Sāva paṭibhānaṭṭhena paṭibhānaṃ. Cittassauppannassa vasaṃ gacchatīti ye cittassa vasaṃ gacchanti, tesaṃyevettha gahaṇaṃ veditabbaṃ. Atthamaññāya dhammamaññāyāti atthañca pāḷiñca jānitvā. Dhammānudhammappaṭipanno hotīti lokuttaradhammassa anucchavikadhammaṃ saha sīlena pubbabhāgappaṭipadaṃ paṭipanno hoti. Nibbedhikapaññoti nibbijjhanakapañño. Idaṃ dukkhanti ṭhapetvā taṇhaṃ sesaṃ tebhūmakakkhandhapañcakaṃ dukkhanti sutaṃ hoti. Paññāyāti maggapaññāya. Ayaṃ dukkhasamudayoti vaṭṭamūlakataṇhā tassa dukkhassa samudayoti sutaṃ hoti. Iminā upāyena sesadvayepi attho veditabbo. Catutthapañhavissajjanena arahattaphalaṃ kathitanti veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. уммаг̇г̇асуд̇д̇ам̣ • 6. Ummaggasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. уммаг̇г̇асуд̇д̇аван̣н̣анаа • 6. Ummaggasuttavaṇṇanā
