| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਉਮ੍ਮਗ੍ਗਸੁਤ੍ਤવਣ੍ਣਨਾ
6. Ummaggasuttavaṇṇanā
੧੮੬. ਛਟ੍ਠੇ ਪਰਿਕਸ੍ਸਤੀਤਿ ਆਕਡ੍ਢਿਯਤਿ। ਉਮ੍ਮਗ੍ਗੋਤਿ ਉਮ੍ਮੁਜ੍ਜਨਂ, ਪਞ੍ਞਾਗਮਨਨ੍ਤਿ ਅਤ੍ਥੋ। ਪਞ੍ਞਾ ਏવ વਾ ਉਮ੍ਮੁਜ੍ਜਨਟ੍ਠੇਨ ਉਮ੍ਮਗ੍ਗੋਤਿ વੁਚ੍ਚਤਿ। ਸਾવ ਪਟਿਭਾਨਟ੍ਠੇਨ ਪਟਿਭਾਨਂ। ਚਿਤ੍ਤਸ੍ਸ ਉਪ੍ਪਨ੍ਨਸ੍ਸ વਸਂ ਗਚ੍ਛਤੀਤਿ ਯੇ ਚਿਤ੍ਤਸ੍ਸ વਸਂ ਗਚ੍ਛਨ੍ਤਿ, ਤੇਸਂਯੇવੇਤ੍ਥ ਗਹਣਂ વੇਦਿਤਬ੍ਬਂ। ਅਤ੍ਥਮਞ੍ਞਾਯ ਧਮ੍ਮਮਞ੍ਞਾਯਾਤਿ ਅਤ੍ਥਞ੍ਚ ਪਾਲ਼ਿਞ੍ਚ ਜਾਨਿਤ੍વਾ। ਧਮ੍ਮਾਨੁਧਮ੍ਮਪ੍ਪਟਿਪਨ੍ਨੋ ਹੋਤੀਤਿ ਲੋਕੁਤ੍ਤਰਧਮ੍ਮਸ੍ਸ ਅਨੁਚ੍ਛવਿਕਧਮ੍ਮਂ ਸਹ ਸੀਲੇਨ ਪੁਬ੍ਬਭਾਗਪ੍ਪਟਿਪਦਂ ਪਟਿਪਨ੍ਨੋ ਹੋਤਿ। ਨਿਬ੍ਬੇਧਿਕਪਞ੍ਞੋਤਿ ਨਿਬ੍ਬਿਜ੍ਝਨਕਪਞ੍ਞੋ। ਇਦਂ ਦੁਕ੍ਖਨ੍ਤਿ ਠਪੇਤ੍વਾ ਤਣ੍ਹਂ ਸੇਸਂ ਤੇਭੂਮਕਕ੍ਖਨ੍ਧਪਞ੍ਚਕਂ ਦੁਕ੍ਖਨ੍ਤਿ ਸੁਤਂ ਹੋਤਿ। ਪਞ੍ਞਾਯਾਤਿ ਮਗ੍ਗਪਞ੍ਞਾਯ। ਅਯਂ ਦੁਕ੍ਖਸਮੁਦਯੋਤਿ વਟ੍ਟਮੂਲਕਤਣ੍ਹਾ ਤਸ੍ਸ ਦੁਕ੍ਖਸ੍ਸ ਸਮੁਦਯੋਤਿ ਸੁਤਂ ਹੋਤਿ। ਇਮਿਨਾ ਉਪਾਯੇਨ ਸੇਸਦ੍વਯੇਪਿ ਅਤ੍ਥੋ વੇਦਿਤਬ੍ਬੋ। ਚਤੁਤ੍ਥਪਞ੍ਹવਿਸ੍ਸਜ੍ਜਨੇਨ ਅਰਹਤ੍ਤਫਲਂ ਕਥਿਤਨ੍ਤਿ વੇਦਿਤਬ੍ਬਂ।
186. Chaṭṭhe parikassatīti ākaḍḍhiyati. Ummaggoti ummujjanaṃ, paññāgamananti attho. Paññā eva vā ummujjanaṭṭhena ummaggoti vuccati. Sāva paṭibhānaṭṭhena paṭibhānaṃ. Cittassauppannassa vasaṃ gacchatīti ye cittassa vasaṃ gacchanti, tesaṃyevettha gahaṇaṃ veditabbaṃ. Atthamaññāya dhammamaññāyāti atthañca pāḷiñca jānitvā. Dhammānudhammappaṭipanno hotīti lokuttaradhammassa anucchavikadhammaṃ saha sīlena pubbabhāgappaṭipadaṃ paṭipanno hoti. Nibbedhikapaññoti nibbijjhanakapañño. Idaṃ dukkhanti ṭhapetvā taṇhaṃ sesaṃ tebhūmakakkhandhapañcakaṃ dukkhanti sutaṃ hoti. Paññāyāti maggapaññāya. Ayaṃ dukkhasamudayoti vaṭṭamūlakataṇhā tassa dukkhassa samudayoti sutaṃ hoti. Iminā upāyena sesadvayepi attho veditabbo. Catutthapañhavissajjanena arahattaphalaṃ kathitanti veditabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਉਮ੍ਮਗ੍ਗਸੁਤ੍ਤਂ • 6. Ummaggasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਉਮ੍ਮਗ੍ਗਸੁਤ੍ਤવਣ੍ਣਨਾ • 6. Ummaggasuttavaṇṇanā
