| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൬. ഉമ്മഗ്ഗസുത്തവണ്ണനാ
6. Ummaggasuttavaṇṇanā
൧൮൬. ഛട്ഠേ പരികസ്സതീതി ആകഡ്ഢിയതി. ഉമ്മഗ്ഗോതി ഉമ്മുജ്ജനം, പഞ്ഞാഗമനന്തി അത്ഥോ. പഞ്ഞാ ഏവ വാ ഉമ്മുജ്ജനട്ഠേന ഉമ്മഗ്ഗോതി വുച്ചതി. സാവ പടിഭാനട്ഠേന പടിഭാനം. ചിത്തസ്സ ഉപ്പന്നസ്സ വസം ഗച്ഛതീതി യേ ചിത്തസ്സ വസം ഗച്ഛന്തി, തേസംയേവേത്ഥ ഗഹണം വേദിതബ്ബം. അത്ഥമഞ്ഞായ ധമ്മമഞ്ഞായാതി അത്ഥഞ്ച പാളിഞ്ച ജാനിത്വാ. ധമ്മാനുധമ്മപ്പടിപന്നോ ഹോതീതി ലോകുത്തരധമ്മസ്സ അനുച്ഛവികധമ്മം സഹ സീലേന പുബ്ബഭാഗപ്പടിപദം പടിപന്നോ ഹോതി. നിബ്ബേധികപഞ്ഞോതി നിബ്ബിജ്ഝനകപഞ്ഞോ. ഇദം ദുക്ഖന്തി ഠപേത്വാ തണ്ഹം സേസം തേഭൂമകക്ഖന്ധപഞ്ചകം ദുക്ഖന്തി സുതം ഹോതി. പഞ്ഞായാതി മഗ്ഗപഞ്ഞായ. അയം ദുക്ഖസമുദയോതി വട്ടമൂലകതണ്ഹാ തസ്സ ദുക്ഖസ്സ സമുദയോതി സുതം ഹോതി. ഇമിനാ ഉപായേന സേസദ്വയേപി അത്ഥോ വേദിതബ്ബോ. ചതുത്ഥപഞ്ഹവിസ്സജ്ജനേന അരഹത്തഫലം കഥിതന്തി വേദിതബ്ബം.
186. Chaṭṭhe parikassatīti ākaḍḍhiyati. Ummaggoti ummujjanaṃ, paññāgamananti attho. Paññā eva vā ummujjanaṭṭhena ummaggoti vuccati. Sāva paṭibhānaṭṭhena paṭibhānaṃ. Cittassauppannassa vasaṃ gacchatīti ye cittassa vasaṃ gacchanti, tesaṃyevettha gahaṇaṃ veditabbaṃ. Atthamaññāya dhammamaññāyāti atthañca pāḷiñca jānitvā. Dhammānudhammappaṭipanno hotīti lokuttaradhammassa anucchavikadhammaṃ saha sīlena pubbabhāgappaṭipadaṃ paṭipanno hoti. Nibbedhikapaññoti nibbijjhanakapañño. Idaṃ dukkhanti ṭhapetvā taṇhaṃ sesaṃ tebhūmakakkhandhapañcakaṃ dukkhanti sutaṃ hoti. Paññāyāti maggapaññāya. Ayaṃ dukkhasamudayoti vaṭṭamūlakataṇhā tassa dukkhassa samudayoti sutaṃ hoti. Iminā upāyena sesadvayepi attho veditabbo. Catutthapañhavissajjanena arahattaphalaṃ kathitanti veditabbaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൬. ഉമ്മഗ്ഗസുത്തം • 6. Ummaggasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൬. ഉമ്മഗ്ഗസുത്തവണ്ണനാ • 6. Ummaggasuttavaṇṇanā
