Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi

90. уммад̇д̇агасаммуд̇и

90. Ummattakasammuti

167. ат̇а ко бхаг̇аваа бхигкуу ааманд̇зси – ‘‘саннибад̇ат̇а, бхигкавз, ад̇т̇и сан̇гхасса гаран̣ийяа’’нд̇и. звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘ад̇т̇и, бханд̇з, г̇аг̇г̇о наама бхигку уммад̇д̇аго, со анааг̇ад̇о’’д̇и.

167. Atha kho bhagavā bhikkhū āmantesi – ‘‘sannipatatha, bhikkhave, atthi saṅghassa karaṇīya’’nti. Evaṃ vutte aññataro bhikkhu bhagavantaṃ etadavoca – ‘‘atthi, bhante, gaggo nāma bhikkhu ummattako, so anāgato’’ti.

‘‘д̣̇взмз, бхигкавз, уммад̇д̇агаа – ад̇т̇и, бхигкавз, бхигку уммад̇д̇аго сарад̇иби убосат̇ам̣ наби сарад̇и, сарад̇иби сан̇гхагаммам̣ наби сарад̇и, ад̇т̇и нзва сарад̇и; ааг̇ажчад̇иби убосат̇ам̣ наби ааг̇ажчад̇и, ааг̇ажчад̇иби сан̇гхагаммам̣ наби ааг̇ажчад̇и, ад̇т̇и нзва ааг̇ажчад̇и. д̇ад̇ра, бхигкавз, явааяам̣ уммад̇д̇аго сарад̇иби убосат̇ам̣ наби сарад̇и, сарад̇иби сан̇гхагаммам̣ наби сарад̇и, ааг̇ажчад̇иби убосат̇ам̣ наби ааг̇ажчад̇и, ааг̇ажчад̇иби сан̇гхагаммам̣ наби ааг̇ажчад̇и, ануж̇аанаами, бхигкавз, зваруубасса уммад̇д̇агасса уммад̇д̇агасаммуд̇д̇им̣ д̣̇аад̇ум̣. зван̃жа бана, бхигкавз, д̣̇аад̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –

‘‘Dveme, bhikkhave, ummattakā – atthi, bhikkhave, bhikkhu ummattako saratipi uposathaṃ napi sarati, saratipi saṅghakammaṃ napi sarati, atthi neva sarati; āgacchatipi uposathaṃ napi āgacchati, āgacchatipi saṅghakammaṃ napi āgacchati, atthi neva āgacchati. Tatra, bhikkhave, yvāyaṃ ummattako saratipi uposathaṃ napi sarati, saratipi saṅghakammaṃ napi sarati, āgacchatipi uposathaṃ napi āgacchati, āgacchatipi saṅghakammaṃ napi āgacchati, anujānāmi, bhikkhave, evarūpassa ummattakassa ummattakasammuttiṃ dātuṃ. Evañca pana, bhikkhave, dātabbā. Byattena bhikkhunā paṭibalena saṅgho ñāpetabbo –

‘‘сун̣аад̇у мз, бханд̇з, сан̇гхо. г̇аг̇г̇о бхигку уммад̇д̇аго – сарад̇иби убосат̇ам̣ наби сарад̇и, сарад̇иби сан̇гхагаммам̣ наби сарад̇и, ааг̇ажчад̇иби убосат̇ам̣ наби ааг̇ажчад̇и, ааг̇ажчад̇иби сан̇гхагаммам̣ наби ааг̇ажчад̇и. сан̇гхо г̇аг̇г̇асса бхигкуно уммад̇д̇агасса уммад̇д̇агасаммуд̇им̣ д̣̇зд̇и. сарзяяа ваа г̇аг̇г̇о бхигку убосат̇ам̣ на ваа сарзяяа, сарзяяа ваа сан̇гхагаммам̣ на ваа сарзяяам̣, ааг̇ажчзяяа ваа убосат̇ам̣ на ваа ааг̇ажчзяяа, ааг̇ажчзяяа ваа сан̇гхагаммам̣ на ваа ааг̇ажчзяяа, сан̇гхо саха ваа г̇аг̇г̇зна, винаа ваа г̇аг̇г̇зна убосат̇ам̣ гариссад̇и, сан̇гхагаммам̣ гариссад̇и. яассааяасмад̇о камад̇и г̇аг̇г̇асса бхигкуно уммад̇д̇агасса уммад̇д̇агасаммуд̇ияаа д̣̇аанам̣ – сарзяяа ваа г̇аг̇г̇о бхигку убосат̇ам̣ на ваа сарзяяа, сарзяяа ваа сан̇гхагаммам̣ на ваа сарзяяа, ааг̇ажчзяяа ваа убосат̇ам̣ на ваа ааг̇ажчзяяа, ааг̇ажчзяяа ваа сан̇гхагаммам̣ на ваа ааг̇ажчзяяа, сан̇гхо саха ваа г̇аг̇г̇зна, винаа ваа г̇аг̇г̇зна убосат̇ам̣ гариссад̇и, сан̇гхагаммам̣ гариссад̇и, со д̇ун̣хасса; яасса нагкамад̇и, со бхаасзяяа.

‘‘Suṇātu me, bhante, saṅgho. Gaggo bhikkhu ummattako – saratipi uposathaṃ napi sarati, saratipi saṅghakammaṃ napi sarati, āgacchatipi uposathaṃ napi āgacchati, āgacchatipi saṅghakammaṃ napi āgacchati. Saṅgho gaggassa bhikkhuno ummattakassa ummattakasammutiṃ deti. Sareyya vā gaggo bhikkhu uposathaṃ na vā sareyya, sareyya vā saṅghakammaṃ na vā sareyyaṃ, āgaccheyya vā uposathaṃ na vā āgaccheyya, āgaccheyya vā saṅghakammaṃ na vā āgaccheyya, saṅgho saha vā gaggena, vinā vā gaggena uposathaṃ karissati, saṅghakammaṃ karissati. Yassāyasmato khamati gaggassa bhikkhuno ummattakassa ummattakasammutiyā dānaṃ – sareyya vā gaggo bhikkhu uposathaṃ na vā sareyya, sareyya vā saṅghakammaṃ na vā sareyya, āgaccheyya vā uposathaṃ na vā āgaccheyya, āgaccheyya vā saṅghakammaṃ na vā āgaccheyya, saṅgho saha vā gaggena, vinā vā gaggena uposathaṃ karissati, saṅghakammaṃ karissati, so tuṇhassa; yassa nakkhamati, so bhāseyya.

‘‘д̣̇иннаа сан̇гхзна г̇аг̇г̇асса бхигкуно уммад̇д̇агасса уммад̇д̇агасаммуд̇и. сарзяяа ваа г̇аг̇г̇о бхигку убосат̇ам̣ на ваа сарзяяа, сарзяяа ваа сан̇гхагаммам̣ на ваа сарзяяа, ааг̇ажчзяяа ваа убосат̇ам̣ на ваа ааг̇ажчзяяа, ааг̇ажчзяяа ваа сан̇гхагаммам̣ на ваа ааг̇ажчзяяа, сан̇гхо саха ваа г̇аг̇г̇зна винаа ваа г̇аг̇г̇зна убосат̇ам̣ гариссад̇и, сан̇гхагаммам̣ гариссад̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.

‘‘Dinnā saṅghena gaggassa bhikkhuno ummattakassa ummattakasammuti. Sareyya vā gaggo bhikkhu uposathaṃ na vā sareyya, sareyya vā saṅghakammaṃ na vā sareyya, āgaccheyya vā uposathaṃ na vā āgaccheyya, āgaccheyya vā saṅghakammaṃ na vā āgaccheyya, saṅgho saha vā gaggena vinā vā gaggena uposathaṃ karissati, saṅghakammaṃ karissati. Khamati saṅghassa, tasmā tuṇhī, evametaṃ dhārayāmī’’ti.

Next: 91. сан̇гхубосат̇аад̣̇иббабхзд̣̇ам̣ • 91. Saṅghuposathādippabhedaṃ

Related texts:

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / чанд̣̇ад̣̇аанагат̇аа • Chandadānakathā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / чанд̣̇ад̣̇аанаад̣̇игат̇ааван̣н̣анаа • Chandadānādikathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 88. чанд̣̇ад̣̇аанагат̇аа • 88. Chandadānakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact