| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
2. уунабан̃жаб̣анд̇ханасигкаабад̣̇ам̣
2. Ūnapañcabandhanasikkhāpadaṃ
609. д̇зна самаязна б̣уд̣̇д̇хо бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. д̇зна ко бана самаязна ан̃н̃ад̇арзна гумбхагаарзна бхигкуу баваарид̇аа хонд̇и – ‘‘язсам̣ аяяаанам̣ бад̇д̇зна ад̇т̇о ахам̣ бад̇д̇знаа’’д̇и. д̇зна ко бана самаязна бхигкуу на мад̇д̇ам̣ ж̇аанид̇ваа б̣ахуу бад̇д̇з вин̃н̃аабзнд̇и. язсам̣ куд̣̇д̣̇агаа бад̇д̇аа д̇з маханд̇з бад̇д̇з вин̃н̃аабзнд̇и. язсам̣ маханд̇аа бад̇д̇аа д̇з куд̣̇д̣̇агз бад̇д̇з вин̃н̃аабзнд̇и. ат̇а ко со гумбхагааро бхигкуунам̣ б̣ахуу бад̇д̇з гаронд̇о на саггод̇и ан̃н̃ам̣ виггааяигам̣ бхан̣д̣ам̣ гаад̇ум̣, ад̇д̇анааби на яаабзд̇и, буд̇д̇ад̣̇аараабисса гиламанд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа на мад̇д̇ам̣ ж̇аанид̇ваа б̣ахуу бад̇д̇з вин̃н̃аабзссанд̇и! аяам̣ имзсам̣ б̣ахуу бад̇д̇з гаронд̇о на саггод̇и ан̃н̃ам̣ виггааяигам̣ бхан̣д̣ам̣ гаад̇ум̣, ад̇д̇анааби на яаабзд̇и, буд̇д̇ад̣̇аараабисса гиламанд̇ий’’д̇и.
609. Tena samayena buddho bhagavā sakkesu viharati kapilavatthusmiṃ nigrodhārāme. Tena kho pana samayena aññatarena kumbhakārena bhikkhū pavāritā honti – ‘‘yesaṃ ayyānaṃ pattena attho ahaṃ pattenā’’ti. Tena kho pana samayena bhikkhū na mattaṃ jānitvā bahū patte viññāpenti. Yesaṃ khuddakā pattā te mahante patte viññāpenti. Yesaṃ mahantā pattā te khuddake patte viññāpenti. Atha kho so kumbhakāro bhikkhūnaṃ bahū patte karonto na sakkoti aññaṃ vikkāyikaṃ bhaṇḍaṃ kātuṃ, attanāpi na yāpeti, puttadārāpissa kilamanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā na mattaṃ jānitvā bahū patte viññāpessanti! Ayaṃ imesaṃ bahū patte karonto na sakkoti aññaṃ vikkāyikaṃ bhaṇḍaṃ kātuṃ, attanāpi na yāpeti, puttadārāpissa kilamantī’’ti.
ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу на мад̇д̇ам̣ ж̇аанид̇ваа б̣ахуу бад̇д̇з вин̃н̃аабзссанд̇ий’’д̇и! ат̇а ко д̇з бхигкуу д̇з анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз, бхигкуу на мад̇д̇ам̣ ж̇аанид̇ваа б̣ахуу бад̇д̇з вин̃н̃аабзнд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа на мад̇д̇ам̣ ж̇аанид̇ваа б̣ахуу бад̇д̇з вин̃н̃аабзссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, бад̇д̇о вин̃н̃аабзд̇аб̣б̣о. яо вин̃н̃аабзяяа, аабад̇д̇и д̣̇уггадассаа’’д̇и.
Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū na mattaṃ jānitvā bahū patte viññāpessantī’’ti! Atha kho te bhikkhū te anekapariyāyena vigarahitvā bhagavato etamatthaṃ ārocesuṃ…pe… saccaṃ kira, bhikkhave, bhikkhū na mattaṃ jānitvā bahū patte viññāpentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā na mattaṃ jānitvā bahū patte viññāpessanti! Netaṃ, bhikkhave, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi – ‘‘na, bhikkhave, patto viññāpetabbo. Yo viññāpeyya, āpatti dukkaṭassā’’ti.
610. д̇зна ко бана самаязна ан̃н̃ад̇арасса бхигкуно бад̇д̇о бхинно ход̇и. ат̇а ко со бхигку – ‘‘бхаг̇авад̇аа бадигкид̇д̇ам̣ бад̇д̇ам̣ вин̃н̃аабзд̇у’’нд̇и гуггужжааяанд̇о на вин̃н̃аабзд̇и. хад̇т̇зсу бин̣д̣ааяа жарад̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа хад̇т̇зсу бин̣д̣ааяа жариссанд̇и, сзяяат̇ааби д̇ид̇т̇ияаа’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, надтабад̇д̇асса ваа бхиннабад̇д̇асса ваа бад̇д̇ам̣ вин̃н̃аабзд̇у’’нд̇и.
610. Tena kho pana samayena aññatarassa bhikkhuno patto bhinno hoti. Atha kho so bhikkhu – ‘‘bhagavatā paṭikkhittaṃ pattaṃ viññāpetu’’nti kukkuccāyanto na viññāpeti. Hatthesu piṇḍāya carati. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā hatthesu piṇḍāya carissanti, seyyathāpi titthiyā’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, naṭṭhapattassa vā bhinnapattassa vā pattaṃ viññāpetu’’nti.
611. д̇зна ко бана самаязна чаб̣б̣аг̇г̇ияаа бхигкуу – ‘‘бхаг̇авад̇аа анун̃н̃аад̇ам̣ надтабад̇д̇асса ваа бхиннабад̇д̇асса ваа бад̇д̇ам̣ вин̃н̃аабзд̇у’’нд̇и аббамад̇д̇агзнаби бхиннзна аббамад̇д̇агзнаби кан̣д̣зна виликид̇амад̇д̇знаби б̣ахуу бад̇д̇з вин̃н̃аабзнд̇и . ат̇а ко со гумбхагааро бхигкуунам̣ д̇ат̇зва б̣ахуу бад̇д̇з гаронд̇о на саггод̇и ан̃н̃ам̣ виггааяигам̣ бхан̣д̣ам̣ гаад̇ум̣, ад̇д̇анааби на яаабзд̇и, буд̇д̇ад̣̇аараабисса гиламанд̇и. мануссаа д̇ат̇зва уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа на мад̇д̇ам̣ ж̇аанид̇ваа б̣ахуу бад̇д̇з вин̃н̃аабзссанд̇и! аяам̣ имзсам̣ б̣ахуу бад̇д̇з гаронд̇о на саггод̇и ан̃н̃ам̣ виггааяигам̣ бхан̣д̣ам̣ гаад̇ум̣, ад̇д̇анааби на яаабзд̇и, буд̇д̇ад̣̇аараабисса гиламанд̇ий’’д̇и.
611. Tena kho pana samayena chabbaggiyā bhikkhū – ‘‘bhagavatā anuññātaṃ naṭṭhapattassa vā bhinnapattassa vā pattaṃ viññāpetu’’nti appamattakenapi bhinnena appamattakenapi khaṇḍena vilikhitamattenapi bahū patte viññāpenti . Atha kho so kumbhakāro bhikkhūnaṃ tatheva bahū patte karonto na sakkoti aññaṃ vikkāyikaṃ bhaṇḍaṃ kātuṃ, attanāpi na yāpeti, puttadārāpissa kilamanti. Manussā tatheva ujjhāyanti khiyyanti vipācenti – ‘‘kathañhi nāma samaṇā sakyaputtiyā na mattaṃ jānitvā bahū patte viññāpessanti! Ayaṃ imesaṃ bahū patte karonto na sakkoti aññaṃ vikkāyikaṃ bhaṇḍaṃ kātuṃ, attanāpi na yāpeti, puttadārāpissa kilamantī’’ti.
ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу аббамад̇д̇агзнаби бхиннзна аббамад̇д̇агзнаби кан̣д̣зна виликид̇амад̇д̇знаби б̣ахуу бад̇д̇з вин̃н̃аабзссанд̇ий’’д̇и! ат̇а ко д̇з бхигкуу чаб̣б̣аг̇г̇ияз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇умхз, бхигкавз, аббамад̇д̇агзнаби бхиннзна аббамад̇д̇агзнаби кан̣д̣зна виликид̇амад̇д̇знаби б̣ахуу бад̇д̇з вин̃н̃аабзт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, аббамад̇д̇агзнаби бхиннзна аббамад̇д̇агзнаби кан̣д̣зна виликид̇амад̇д̇знаби б̣ахуу бад̇д̇з вин̃н̃аабзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū appamattakenapi bhinnena appamattakenapi khaṇḍena vilikhitamattenapi bahū patte viññāpessantī’’ti! Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, appamattakenapi bhinnena appamattakenapi khaṇḍena vilikhitamattenapi bahū patte viññāpethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, appamattakenapi bhinnena appamattakenapi khaṇḍena vilikhitamattenapi bahū patte viññāpessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
612. ‘‘яо бана бхигку уунабан̃жаб̣анд̇ханзна бад̇д̇зна ан̃н̃ам̣ навам̣ бад̇д̇ам̣ жзд̇аабзяяа, ниссаг̇г̇ияам̣ баажид̇д̇ияам̣. д̇зна бхигкунаа со бад̇д̇о бхигкубарисааяа ниссаж̇ж̇ид̇аб̣б̣о. яо жа д̇ассаа бхигкубарисааяа бад̇д̇абарияанд̇о со д̇асса бхигкуно бад̣̇аад̇аб̣б̣о – ‘аяам̣ д̇з, бхигку, бад̇д̇о яаава бхзд̣̇анааяа д̇хаарзд̇аб̣б̣о’д̇и. аяам̣ д̇ад̇т̇а саамийжий’’д̇и.
612.‘‘Yo pana bhikkhu ūnapañcabandhanena pattena aññaṃ navaṃ pattaṃ cetāpeyya, nissaggiyaṃ pācittiyaṃ. Tena bhikkhunā so patto bhikkhuparisāya nissajjitabbo. Yo ca tassā bhikkhuparisāya pattapariyanto so tassa bhikkhuno padātabbo – ‘ayaṃ te, bhikkhu, patto yāva bhedanāya dhāretabbo’ti. Ayaṃ tattha sāmīcī’’ti.
613. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
613.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
уунабан̃жаб̣анд̇хано наама бад̇д̇о аб̣анд̇хано ваа згаб̣анд̇хано ваа д̣̇виб̣анд̇хано ваа д̇иб̣анд̇хано ваа жад̇уб̣анд̇хано ваа. аб̣анд̇ханогаасо наама бад̇д̇о яасса д̣̇ван̇г̇улаа рааж̇и на ход̇и. б̣анд̇ханогаасо наама бад̇д̇о яасса д̣̇ван̇г̇улаа рааж̇и ход̇и. наво наама бад̇д̇о вин̃н̃ад̇д̇им̣ убаад̣̇ааяа вужжад̇и.
Ūnapañcabandhano nāma patto abandhano vā ekabandhano vā dvibandhano vā tibandhano vā catubandhano vā. Abandhanokāso nāma patto yassa dvaṅgulā rāji na hoti. Bandhanokāso nāma patto yassa dvaṅgulā rāji hoti. Navo nāma patto viññattiṃ upādāya vuccati.
жзд̇аабзяяаад̇и вин̃н̃аабзд̇и, баяог̇з д̣̇уггадам̣. бадилаабхзна ниссаг̇г̇ияо ход̇и. сан̇гхамаж̇жхз ниссаж̇ж̇ид̇аб̣б̣о. саб̣б̣зхзва ад̇хидтид̇абад̇д̇ам̣ г̇ахзд̇ваа саннибад̇ид̇аб̣б̣ам̣. на лаамаго бад̇д̇о ад̇хидтаад̇аб̣б̣о – ‘‘махаг̇гхам̣ бад̇д̇ам̣ г̇ахзссаамий’’д̇и. сажз лаамагам̣ бад̇д̇ам̣ ад̇хидтзд̇и – ‘‘махаг̇гхам̣ бад̇д̇ам̣ г̇ахзссаамий’’д̇и, аабад̇д̇и д̣̇уггадасса. зван̃жа бана, бхигкавз, ниссаж̇ж̇ид̇аб̣б̣о. д̇зна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘аяам̣ мз, бханд̇з, бад̇д̇о уунабан̃жаб̣анд̇ханзна бад̇д̇зна жзд̇аабид̇о ниссаг̇г̇ияо. имаахам̣ сан̇гхасса ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа. бан̃жахан̇г̇зхи саманнааг̇ад̇о бхигку бад̇д̇аг̇г̇аахаабаго самманнид̇аб̣б̣о – яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, г̇аахид̇ааг̇аахид̇ан̃жа ж̇аанзяяа . зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о. яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Cetāpeyyāti viññāpeti, payoge dukkaṭaṃ. Paṭilābhena nissaggiyo hoti. Saṅghamajjhe nissajjitabbo. Sabbeheva adhiṭṭhitapattaṃ gahetvā sannipatitabbaṃ. Na lāmako patto adhiṭṭhātabbo – ‘‘mahagghaṃ pattaṃ gahessāmī’’ti. Sace lāmakaṃ pattaṃ adhiṭṭheti – ‘‘mahagghaṃ pattaṃ gahessāmī’’ti, āpatti dukkaṭassa. Evañca pana, bhikkhave, nissajjitabbo. Tena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ayaṃ me, bhante, patto ūnapañcabandhanena pattena cetāpito nissaggiyo. Imāhaṃ saṅghassa nissajjāmī’’ti. Nissajjitvā āpatti desetabbā. Byattena bhikkhunā paṭibalena āpatti paṭiggahetabbā. Pañcahaṅgehi samannāgato bhikkhu pattaggāhāpako sammannitabbo – yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, gāhitāgāhitañca jāneyya . Evañca pana, bhikkhave, sammannitabbo. Paṭhamaṃ bhikkhu yācitabbo. Yācitvā byattena bhikkhunā paṭibalena saṅgho ñāpetabbo –
614. ‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ бад̇д̇аг̇г̇аахаабагам̣ самманнзяяа. зсаа н̃ад̇д̇и.
614. ‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ bhikkhuṃ pattaggāhāpakaṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ бад̇д̇аг̇г̇аахаабагам̣ самманнад̇и. яассааяасмад̇о камад̇и ид̇т̇аннаамасса бхигкуно бад̇д̇аг̇г̇аахаабагасса саммуд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho itthannāmaṃ bhikkhuṃ pattaggāhāpakaṃ sammannati. Yassāyasmato khamati itthannāmassa bhikkhuno pattaggāhāpakassa sammuti, so tuṇhassa; yassa nakkhamati, so bhāseyya.
‘‘саммад̇о сан̇гхзна ид̇т̇аннаамо бхигку бад̇д̇аг̇г̇аахаабаго. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammato saṅghena itthannāmo bhikkhu pattaggāhāpako. Khamati saṅghassa, tasmā tuṇhī, evametaṃ dhārayāmī’’ti.
615. д̇зна саммад̇зна бхигкунаа бад̇д̇о г̇аахзд̇аб̣б̣о. т̇зро вад̇д̇аб̣б̣о – ‘‘г̇ан̣хаад̇у, бханд̇з, т̇зро бад̇д̇а’’нд̇и. сажз т̇зро г̇ан̣хаад̇и, т̇зрасса бад̇д̇о д̣̇уд̇ияасса г̇аахзд̇аб̣б̣о. на жа д̇асса ануд̣̇д̣̇аяад̇ааяа на г̇ахзд̇аб̣б̣о. яо на г̇ан̣хзяяа, аабад̇д̇и д̣̇уггадасса. абад̇д̇агасса на г̇аахзд̇аб̣б̣о. зд̇знзва убааязна яаава сан̇гханавагаа г̇аахзд̇аб̣б̣аа. яо жа д̇ассаа бхигкубарисааяа бад̇д̇абарияанд̇о, со д̇асса бхигкуно бад̣̇аад̇аб̣б̣о – ‘‘аяам̣ д̇з, бхигку, бад̇д̇о яаава бхзд̣̇анааяа д̇хаарзд̇аб̣б̣о’’д̇и.
615. Tena sammatena bhikkhunā patto gāhetabbo. Thero vattabbo – ‘‘gaṇhātu, bhante, thero patta’’nti. Sace thero gaṇhāti, therassa patto dutiyassa gāhetabbo. Na ca tassa anuddayatāya na gahetabbo. Yo na gaṇheyya, āpatti dukkaṭassa. Apattakassa na gāhetabbo. Eteneva upāyena yāva saṅghanavakā gāhetabbā. Yo ca tassā bhikkhuparisāya pattapariyanto, so tassa bhikkhuno padātabbo – ‘‘ayaṃ te, bhikkhu, patto yāva bhedanāya dhāretabbo’’ti.
д̇зна бхигкунаа со бад̇д̇о на ад̣̇зсз нигкибид̇аб̣б̣о, на абхог̇зна бхун̃ж̇ид̇аб̣б̣о, на виссаж̇ж̇зд̇аб̣б̣о – ‘‘гат̇ааяам̣ бад̇д̇о нассзяяа ваа винассзяяа ваа бхиж̇ж̇зяяа ваа’’д̇и? сажз ад̣̇зсз ваа нигкибад̇и абхог̇зна ваа бхун̃ж̇ад̇и виссаж̇ж̇зд̇и ваа, аабад̇д̇и д̣̇уггадасса.
Tena bhikkhunā so patto na adese nikkhipitabbo, na abhogena bhuñjitabbo, na vissajjetabbo – ‘‘kathāyaṃ patto nasseyya vā vinasseyya vā bhijjeyya vā’’ti? Sace adese vā nikkhipati abhogena vā bhuñjati vissajjeti vā, āpatti dukkaṭassa.
аяам̣ д̇ад̇т̇а саамийжийд̇и аяам̣ д̇ад̇т̇а ануд̇хаммад̇аа.
Ayaṃ tattha sāmīcīti ayaṃ tattha anudhammatā.
616. аб̣анд̇ханзна бад̇д̇зна аб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. аб̣анд̇ханзна бад̇д̇зна згаб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. аб̣анд̇ханзна бад̇д̇зна д̣̇виб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. аб̣анд̇ханзна бад̇д̇зна д̇иб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. аб̣анд̇ханзна бад̇д̇зна жад̇уб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
616. Abandhanena pattena abandhanaṃ pattaṃ cetāpeti, nissaggiyaṃ pācittiyaṃ. Abandhanena pattena ekabandhanaṃ pattaṃ cetāpeti, nissaggiyaṃ pācittiyaṃ. Abandhanena pattena dvibandhanaṃ pattaṃ cetāpeti, nissaggiyaṃ pācittiyaṃ. Abandhanena pattena tibandhanaṃ pattaṃ cetāpeti, nissaggiyaṃ pācittiyaṃ. Abandhanena pattena catubandhanaṃ pattaṃ cetāpeti, nissaggiyaṃ pācittiyaṃ.
згаб̣анд̇ханзна бад̇д̇зна аб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. згаб̣анд̇ханзна бад̇д̇зна згаб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. згаб̣анд̇ханзна бад̇д̇зна д̣̇виб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. згаб̣анд̇ханзна бад̇д̇зна д̇иб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. згаб̣анд̇ханзна бад̇д̇зна жад̇уб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Ekabandhanena pattena abandhanaṃ pattaṃ cetāpeti, nissaggiyaṃ pācittiyaṃ. Ekabandhanena pattena ekabandhanaṃ pattaṃ cetāpeti, nissaggiyaṃ pācittiyaṃ. Ekabandhanena pattena dvibandhanaṃ pattaṃ cetāpeti, nissaggiyaṃ pācittiyaṃ. Ekabandhanena pattena tibandhanaṃ pattaṃ cetāpeti, nissaggiyaṃ pācittiyaṃ. Ekabandhanena pattena catubandhanaṃ pattaṃ cetāpeti, nissaggiyaṃ pācittiyaṃ.
д̣̇виб̣анд̇ханзна бад̇д̇зна аб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. д̣̇виб̣анд̇ханзна бад̇д̇зна згаб̣анд̇ханам̣ бад̇д̇ам̣…бз… д̣̇виб̣анд̇ханам̣ бад̇д̇ам̣… д̇иб̣анд̇ханам̣ бад̇д̇ам̣… жад̇уб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Dvibandhanena pattena abandhanaṃ pattaṃ cetāpeti, nissaggiyaṃ pācittiyaṃ. Dvibandhanena pattena ekabandhanaṃ pattaṃ…pe… dvibandhanaṃ pattaṃ… tibandhanaṃ pattaṃ… catubandhanaṃ pattaṃ cetāpeti, nissaggiyaṃ pācittiyaṃ.
д̇иб̣анд̇ханзна бад̇д̇зна аб̣анд̇ханам̣ бад̇д̇ам̣…бз… згаб̣анд̇ханам̣ бад̇д̇ам̣…бз… д̣̇виб̣анд̇ханам̣ бад̇д̇ам̣… д̇иб̣анд̇ханам̣ бад̇д̇ам̣… жад̇уб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Tibandhanena pattena abandhanaṃ pattaṃ…pe… ekabandhanaṃ pattaṃ…pe… dvibandhanaṃ pattaṃ… tibandhanaṃ pattaṃ… catubandhanaṃ pattaṃ cetāpeti, nissaggiyaṃ pācittiyaṃ.
жад̇уб̣анд̇ханзна бад̇д̇зна аб̣анд̇ханам̣ бад̇д̇ам̣…бз… згаб̣анд̇ханам̣ бад̇д̇ам̣… д̣̇виб̣анд̇ханам̣ бад̇д̇ам̣… д̇иб̣анд̇ханам̣ бад̇д̇ам̣… жад̇уб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Catubandhanena pattena abandhanaṃ pattaṃ…pe… ekabandhanaṃ pattaṃ… dvibandhanaṃ pattaṃ… tibandhanaṃ pattaṃ… catubandhanaṃ pattaṃ cetāpeti, nissaggiyaṃ pācittiyaṃ.
аб̣анд̇ханзна бад̇д̇зна аб̣анд̇ханогаасам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. аб̣анд̇ханзна бад̇д̇зна згаб̣анд̇ханогаасам̣ бад̇д̇ам̣…бз… д̣̇виб̣анд̇ханогаасам̣ бад̇д̇ам̣ … д̇иб̣анд̇ханогаасам̣ бад̇д̇ам̣… жад̇уб̣анд̇ханогаасам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Abandhanena pattena abandhanokāsaṃ pattaṃ cetāpeti, nissaggiyaṃ pācittiyaṃ. Abandhanena pattena ekabandhanokāsaṃ pattaṃ…pe… dvibandhanokāsaṃ pattaṃ … tibandhanokāsaṃ pattaṃ… catubandhanokāsaṃ pattaṃ cetāpeti, nissaggiyaṃ pācittiyaṃ.
згаб̣анд̇ханзна бад̇д̇зна аб̣анд̇ханогаасам̣ бад̇д̇ам̣…бз… згаб̣анд̇ханогаасам̣ бад̇д̇ам̣… д̣̇виб̣анд̇ханогаасам̣ бад̇д̇ам̣… д̇иб̣анд̇ханогаасам̣ бад̇д̇ам̣… жад̇уб̣анд̇ханогаасам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Ekabandhanena pattena abandhanokāsaṃ pattaṃ…pe… ekabandhanokāsaṃ pattaṃ… dvibandhanokāsaṃ pattaṃ… tibandhanokāsaṃ pattaṃ… catubandhanokāsaṃ pattaṃ cetāpeti, nissaggiyaṃ pācittiyaṃ.
д̣̇виб̣анд̇ханзна бад̇д̇зна аб̣анд̇ханогаасам̣ бад̇д̇ам̣…бз… жад̇уб̣анд̇ханогаасам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Dvibandhanena pattena abandhanokāsaṃ pattaṃ…pe… catubandhanokāsaṃ pattaṃ cetāpeti, nissaggiyaṃ pācittiyaṃ.
д̇иб̣анд̇ханзна бад̇д̇зна аб̣анд̇ханогаасам̣ бад̇д̇ам̣…бз… жад̇уб̣анд̇ханогаасам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Tibandhanena pattena abandhanokāsaṃ pattaṃ…pe… catubandhanokāsaṃ pattaṃ cetāpeti, nissaggiyaṃ pācittiyaṃ.
жад̇уб̣анд̇ханзна бад̇д̇зна аб̣анд̇ханогаасам̣ бад̇д̇ам̣…бз… згаб̣анд̇ханогаасам̣ бад̇д̇ам̣… д̣̇виб̣анд̇ханогаасам̣ бад̇д̇ам̣… д̇иб̣анд̇ханогаасам̣ бад̇д̇ам̣… жад̇уб̣анд̇ханогаасам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Catubandhanena pattena abandhanokāsaṃ pattaṃ…pe… ekabandhanokāsaṃ pattaṃ… dvibandhanokāsaṃ pattaṃ… tibandhanokāsaṃ pattaṃ… catubandhanokāsaṃ pattaṃ cetāpeti, nissaggiyaṃ pācittiyaṃ.
аб̣анд̇ханогаасзна бад̇д̇зна аб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. аб̣анд̇ханогаасзна бад̇д̇зна згаб̣анд̇ханам̣ бад̇д̇ам̣…бз… д̣̇виб̣анд̇ханам̣ бад̇д̇ам̣… д̇иб̣анд̇ханам̣ бад̇д̇ам̣… жад̇уб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Abandhanokāsena pattena abandhanaṃ pattaṃ cetāpeti, nissaggiyaṃ pācittiyaṃ. Abandhanokāsena pattena ekabandhanaṃ pattaṃ…pe… dvibandhanaṃ pattaṃ… tibandhanaṃ pattaṃ… catubandhanaṃ pattaṃ cetāpeti, nissaggiyaṃ pācittiyaṃ.
жад̇уб̣анд̇ханогаасзна бад̇д̇зна аб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣. жад̇уб̣анд̇ханогаасзна бад̇д̇зна згаб̣анд̇ханам̣ бад̇д̇ам̣…бз… д̣̇виб̣анд̇ханам̣ бад̇д̇ам̣… д̇иб̣анд̇ханам̣ бад̇д̇ам̣… жад̇уб̣анд̇ханам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Catubandhanokāsena pattena abandhanaṃ pattaṃ cetāpeti, nissaggiyaṃ pācittiyaṃ. Catubandhanokāsena pattena ekabandhanaṃ pattaṃ…pe… dvibandhanaṃ pattaṃ… tibandhanaṃ pattaṃ… catubandhanaṃ pattaṃ cetāpeti, nissaggiyaṃ pācittiyaṃ.
аб̣анд̇ханогаасзна бад̇д̇зна аб̣анд̇ханогаасам̣ бад̇д̇ам̣…бз… згаб̣анд̇ханогаасам̣ бад̇д̇ам̣… д̣̇виб̣анд̇ханогаасам̣ бад̇д̇ам̣… д̇иб̣анд̇ханогаасам̣ бад̇д̇ам̣… жад̇уб̣анд̇ханогаасам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Abandhanokāsena pattena abandhanokāsaṃ pattaṃ…pe… ekabandhanokāsaṃ pattaṃ… dvibandhanokāsaṃ pattaṃ… tibandhanokāsaṃ pattaṃ… catubandhanokāsaṃ pattaṃ cetāpeti, nissaggiyaṃ pācittiyaṃ.
жад̇уб̣анд̇ханогаасзна бад̇д̇зна аб̣анд̇ханогаасам̣ бад̇д̇ам̣…бз… згаб̣анд̇ханогаасам̣ бад̇д̇ам̣… д̣̇виб̣анд̇ханогаасам̣ бад̇д̇ам̣… д̇иб̣анд̇ханогаасам̣ бад̇д̇ам̣… жад̇уб̣анд̇ханогаасам̣ бад̇д̇ам̣ жзд̇аабзд̇и, ниссаг̇г̇ияам̣ баажид̇д̇ияам̣.
Catubandhanokāsena pattena abandhanokāsaṃ pattaṃ…pe… ekabandhanokāsaṃ pattaṃ… dvibandhanokāsaṃ pattaṃ… tibandhanokāsaṃ pattaṃ… catubandhanokāsaṃ pattaṃ cetāpeti, nissaggiyaṃ pācittiyaṃ.
617. анаабад̇д̇и надтабад̇д̇асса, бхиннабад̇д̇асса, н̃аад̇агаанам̣ баваарид̇аанам̣, ан̃н̃ассад̇т̇ааяа, ад̇д̇ано д̇ханзна, уммад̇д̇агасса, аад̣̇игаммигассаад̇и.
617. Anāpatti naṭṭhapattassa, bhinnapattassa, ñātakānaṃ pavāritānaṃ, aññassatthāya, attano dhanena, ummattakassa, ādikammikassāti.
уунабан̃жаб̣анд̇ханасигкаабад̣̇ам̣ нидтид̇ам̣ д̣̇уд̇ияам̣.
Ūnapañcabandhanasikkhāpadaṃ niṭṭhitaṃ dutiyaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. уунабан̃жаб̣анд̇ханасигкаабад̣̇аван̣н̣анаа • 2. Ūnapañcabandhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. уунабан̃жаб̣анд̇ханасигкаабад̣̇аван̣н̣анаа • 2. Ūnapañcabandhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. уунабан̃жаб̣анд̇ханасигкаабад̣̇аван̣н̣анаа • 2. Ūnapañcabandhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. уунабан̃жаб̣анд̇ханасигкаабад̣̇аван̣н̣анаа • 2. Ūnapañcabandhanasikkhāpadavaṇṇanā
